天寒地凍

兩個有得玩就唔駛瞓的小朋友，無懼寒冬，一於繼續追趕跑跳踫。停下來時，竟然 sweet 到要痴到實傾密計。


傾到攰時就索性痴住一齊瞓。


毛神 Huey 喜歡有自己的空間，所以一定係揾間屋瞓覺。


長毛又厚毛的 Milk 好怕凍，每晚都要痴住部暖爐瞓覺。


短毛又少毛的 Mike 鍾意瞓係 d 暖的表面，例如貓樹 (fleece) 同埋我張被 (down filled)。

Jheena - the new girl

蘿蔔家族新成員 - Jheena, name after my favorite vocalist Jheena Lodwick. 玳瑁色 (brown patched tabby) 短毛羊毛貓囡，佢好快就適應到新環境，第二天就可以同其他貓貓一齊玩，一齊食，一齊瞓。不過暫時未能打動 Huey 心，可能 Huey 太慢熱，還需一段時間去接受新貓貓。


食得 . . . . .

瞓得 . . . . .

八卦兼爛玩

疏忽照顧

Ring . . . ring . . . ring . . .

喂，貓貓報案中心。
喵 . . . 喵 . . . 喵 . . . 喵喵喵 . . .
好，我地即刻派人o黎。

結果 . . . . .

蘿蔔人被控疏忽照顧家中小孩，罪名成立，被判罰洗貓廁所 12 個月，不得緩刑。

詳情請睇 . . . http://lifeatsnapshot.blogspot.com/2008/01/dinner-dash.html

劉翔 ?????

中國國家隊有金牌得主劉翔，蘿蔔家都跨欄高手 "留長" . . . . . 條尾 !

難得一見!

Huey 平時多數係大眼 BB 樣，或者係瞇眼唔睬人 cool 樣，今次意外地影到佢的 "佬樣" !

成人禮

好多國家都有成人禮，但各處鄉村各處例，成人禮的年紀處處都唔同。在蘿蔔家族裏面，"成貓禮" 係一歲的時候去慶祝的。

Happy Birthday to Botti !

哎吔，大力過頭，吹跌咗支蠟燭 :P

Mike 食完自己個兜，開始進攻 Botti 的地盤。

一個食左邊，一個食右邊，千祈咪食過界呀。

另一邊 . . . . . 初時大家都各有各食。

之後 Huey 同 Milk 一樣係爭住食。

無論食 almo nature 或 applaws，次次都係清兜。

太好了!

瞓覺 . . . . . 係每一個蘿蔔家族成員最開心的時刻：

蘿蔔佬：太好了！終於唔駛再煮飯同拖地啦！
蘿蔔人：太好了！終於唔駛再剷貓屎啦！
Huey：太好了！終於唔駛俾貓打，又可以獨霸 daddy 媽咪啦！
Milk：太好了！終於可以無人阻止我繼續食貓糧啦！
Mike：太好了！終於可以唔洗抹眼仔啦！
Botti：太好了！終於可以攪亂野都無人鬧啦！

破壞王之破壞日記 - 一月篇

近兩星期 Mike 變得乖咗同安靜咗好多，少咗追打 Huey，多咗瞓覺。由於 Mike 少咗同 Botti 追玩，於是 Botti 的精力無處發洩，唯有到處攪破壞。一時跳上 hi fi 柜，將部 pre-amp 推前然後自己瞓係機後面，一時跳上鞋柜頂，連手帶腳掃晒 d 野落地，再慢慢逐一揀選玩物。結果 . . . . .

"拆招牌"

當初 Huey 同 Milk 去貓展時用的招牌俾 Botti 推落地時跌爛咗!

美容前後

美容前的早上，Huey 瞓係窗台上享受太陽，Botti 跳上 Huey 身上 "look 來 look 去" 好傻仔咁玩，兩兄弟相安無事。

美容後的晚上，Huey 返到屋企，以為可以安心休息，點知 Botti 不停咁追打 Huey，就算 Huey "呢埋" 貓屋，Botti 一於追入屋照打，兩兄弟變成世仇咁。

唔知點解，Huey 次次俾貓打都係發生係美容之後，仲要係一發不可收拾的情況，即係一開始俾某隻貓打，以後日日都俾果隻貓打。以為近期 Mike 變乖了，我可以鬆一口氣，點知，人算不如貓算，Botti 竟然會追打 Huey !

新玩具

Huey 美容期間，我除咗影下相，買下濕糧，我又揀咗兩件玩具俾貓貓。


玩具一：呢件唔係新款的玩具，係每一隻貓貓都會玩過的玩具。計埋呢件，我家總共有三件同類型玩具，之前兩件唔係膠邊界手，就係 d 膠太硬，我成日驚 Botti 會整傷自己。因為我家 Botti 好鍾意 "插水式" 咁玩 . . . . . 離遠飛撲雙手直插入去。呢件的 quality 好好，finishing 做得好，膠邊滑滑，膠質唔太硬，我自己用手試插過都無問題。

測試結果：貓貓鍾意玩，佢地唔會玩到痴咗線，不過會每隔一小時行埋去撩返幾下，過下手癮。Botti 仲會放 d 私伙玩具入去，同 d 波波一齊推來推去。

玩具二：5 in 1 的玩具，顏色鮮艷，我家貓貓好鍾意。

測試結果：玩具未拆都已經搶住玩。

呢件玩具我會等今個星期六 Botti 生日先拆俾佢地玩。

美容日

星期六帶咗 Huey 去 Pattyhouse，例牌一整就差不多成日，皆因羊毛貓唔可以用吹風機，要花時間慢慢去 "烘" 乾 d 毛。Huey d 毛又多又厚，每次 grooming 最少要 5 小時，最高紀錄係 7 小時。

期間蘿蔔佬話悶，於是去咗每一個男人都去過的地方 . . . . . 鴨寮街，而我就攞住部相機影東影西。


靚靚短毛貓囡

蘿蔔佬係度 "點" 緊 d "貓 lan" 做事 . . . . . "嗱, 你去換過 d 貓糧, 你去抹玻璃窗, 你就去剷屎啦 !"

Pattyhouse 新返的 catnip 產品，隻 catnip 老鼠好可愛。

我家貓貓喜歡食的 applaws, 我又入咗貨。

最喜歡呢盞水晶燈

Huey 大版 + Huey 迷你版

Twins

貓貓不同於人類，並不需要同父同母同胎才可以有雙生兒的樣貌。




上邊是來自 CurlyBurly 近期的一胎貓貓，下邊是我家 Huey。
點只似 "雙生兒" 咁簡單，佢地直情一樣咁 "卡娃兒" 呀！

枕邊人

多年來，我和蘿蔔佬都是大家的枕邊人。可惜最近一個星期情況有變，我們之間多了第三者。Ooops ..... 我意思是我們兩個枕頭之間多了一隻貓 - Huey!

Huey 喜歡在我們臨瞓前嗲下摸下，亦喜歡半夜三更 "咕咕咕" 嘈醒我，如果我唔理佢，佢會用鼻哥掂我鼻哥，用佢的 "抖氣" 去噴醒我，再唔理佢的話，佢會 "自動波" 將自己個頭捽落我隻手度。最近 Huey 加入新招，嗲完摸完後，跟住即刻瞓埋係我個枕頭上面，用個 pat pat 迫我讓出半邊枕頭。有一晚半夜，Huey 瞓落我個枕頭之後，瞓瞓下佢竟然出 "如來神掌" 一巴打係蘿蔔佬面上，然後又用 "天蠶腳" 撐我塊面，結果大家都俾佢攪醒晒！

體重排行榜 2008-01-06

Huey 10 lbs

Mike 12.2 lbs

Milk 9.8 lbs

Botti 10 lbs

Weekend Shopping

Shopping 是會上癮的, 越買越開心, 越開心越會繼續買。

貓貓的收穫：

Pattyhouse Shop

罐頭

Pattyhouse 最近入了 Applaws 罐頭，我買了其中三款味道：chicken + cheese, tuna + cheese, tuna + shrimp，每款買了四罐。

測試結果：第一晚開了 tuna + cheese，貓貓全部清兜，食得快的 Huey 仲要搶埋其他貓貓的食物。

三文魚油小食

同我上次介紹的三文魚油同一牌子，效果亦一樣，可以改善貓貓的皮膚及毛髮情況，亦可以有助增加貓貓的體重，對於不太喜歡淨食三文魚油的貓貓，這款小食是另一個選擇。

測試結果：小食十分 crunchy，可以 "meet" 成小塊餵貓貓，亦可以 "meet" 碎加入乾糧或濕糧入面。我家貓貓喜歡當小食吃，連抗拒三文魚油的 Mike 和 Milk 都搶住食。

Cat Teaser

又一款橡筋加閃閃波的貓貓棒，今次呢款條橡筋粗了後多，經過貓貓多日來的又咬又拉，貓貓棒仍然完好無缺。

測試結果：貓貓勁玩，Huey 咬住唔放，Botti 就成日偷走自己玩。

咬到成條橡筋都係 Huey d 口水

賊仔偷野

同哥哥一齊分享 "賊贓"

O.I.C. Shop

Cat Teaser "Da Bird"

聞名已久的 "Da Bird" 終於在香港有代理，代理的店舖竟然好近我屋企，於是我一口氣買了兩支，一支當然係買俾我家貓貓，另一支係買俾 Ingrid 小妹妹，等佢可以係 "安全距離" 同屋企的羊毛貓 "玩到癲晒"。

測試結果：名乎其實，無一隻貓貓唔會玩到癲晒。

連 Huey 都搶住玩

追住玩

又跳又撲

蘿蔔伉儷的收穫請瀏覽 "隨心 ... 隨意 ..... 隨時拍 .......... http://lifeatsnapshot.blogspot.com/"

貓展收穫

1) 羊毛貓一隻 . . . . . 貓展期間, 有位婆婆同公公係我背後話 "e, 呢隻貓貓好細咁喎, 對眼仲好精靈o添呀!" 然後婆婆問我 "妳隻貓貓咁細隻, 佢幾多個月大o架?"

2) 毛毛波 - 左邊波波似唔似 botti 嘔出來的毛球? 右邊波波係未好似墨魚丸呢? 我家貓貓鍾意程度達至滿分, 唔止勁玩, 直情係喪玩! 我將波波放入圓形貓床, huey 成晚好似玩撈金魚咁玩足成個鐘. 今朝輪到 mike 同 botti 玩, 點知唔駛 1 分鐘, d 波波已經俾佢地 liu 晒出來當波踢, 唔駛 2 分鐘已經唔知碌晒去邊.

3) 瑞典牌子 "藍極風" 空氣淨化機 - 個款好靚, 好歐洲 feel, "simple but stylish", 好啱我口味.

女生男相

一直以來, milk 都係 sweet face, 勁靚女樣. 原來 milk 唔嗲時個樣咁嚴肅, 而且仲有 d 仔樣喎.

三文魚油

前天去了 pattyhouse, 店主 anna 推介新到產品 - kronch 挪威三文魚油, 對貓貓的好處: 潤澤毛色, 增加毛量, 軟化毛質, 改善敏感皮膚, 增強免疫力.

anna 每次加入新產品前, 一定會用自己的貓貓作試驗品, 所以這是我一直以來都這麼信任 anna 推介的產品的原因.

今次這款三文魚油, anna 家中的貓貓已經食用了兩個多月, 剛巧前天 anna 帶了其中一隻貓貓到店舖沖涼, 所以我可以親眼驗証到三文魚油的功效. 九月貓展時見到該隻貓貓毛質較為乾硬, 毛量較少. 現在眼前的貓貓毛量明顯增加了不少, 毛質亦十分柔順. 之後 anna 亦向我示範如何餵貓貓食三文魚油, 每 10 lbs 貓貓的份量是按一下 pump, 可以直接按入貓貓口中, 或按入糧兜, 或溝入濕糧中食用. 眼見 pattyhouse 所有貓貓都 "搶住食", 於是我亦買了一支回家, 希望可以藉此改善我家貓貓的皮膚及毛質問題.

試食結果: 只有 botti 可以直接用湯匙餵食, 其餘貓貓較為抗拒魚油味道. 為了可以改善貓貓的毛質及增強免疫力, 所以我用了少少 tricks 去氹貓貓食用這款三文魚油. huey 要溝入濕糧食用, mike 及 milk 要用湯匙再溝平時最愛食的營養膏食用. (備註: anna 說如果想省卻這些步驟, 最快夾妥的方法就是直接按入貓貓口中.)

現在我家貓貓全部都開始每天食用這款三文魚油, 相信在未來的月內, 我家貓貓的毛質及皮膚問題會得以改善.




(按一下圖片可以放大)

反斗星之反斗日記 - 十二月篇

Botti 話: 騎著妳走!

大半年前因膝患的關係, 以致一直未能曲腳 mou 低, 因此每次清理貓廁所都只可以 90 度向前 wu 低身體. 12 月初, 反斗星開始 hou 我每次清理貓廁所時, 一定會即刻跳上我背脊, 一時坐低, 一時趴低, balance 唔到時就會用爪抓緊我背脊以防跌落地, 於是我的背脊間中會出現紅色爪痕. 無論我點引佢甚至鬧佢, 反斗星點都唔肯離開, 佢話要騎著我走喎 !

Botti 話: 亞爸, 我撐你!

每次反斗星 "上身", 我一定要求救於蘿蔔佬抱走佢, 由於反斗星無得騎牛牛, 於是會遷怒於亞爸. 唏! 用對腳一撐, 蘿蔔佬心口即時出現兩條 6 吋長的爪痕!

新寵兒

Botti 呢幾日無再玩心愛的雞仔, 佢o既新寵兒係呢三條迷你獅頭 "亞福, 亞祿, 亞壽".

http://lifeatsnapshot.blogspot.com/