恐怖襲擊

星期一早上，Botti 不停抓睡房內書櫃旁邊的紙袋。
星期一晚上，Huey 大半晚都睡在衣櫃旁兼眼定定望著櫃邊的空隙。
星期二晚上，Huey 大半晚都睡在衣櫃前面兼眼定定望著櫃底。

終於 . . . 出事了 . . .

星期三晚上，凌晨 1:15am，Huey 站床頭喵喵叫，我摸了他幾下。Huey 繼續喵喵大叫，於是我對他說 "Ok, good boy, 是否有飛飛呢 ?" Huey 見我不理他，於是索性站到我枕頭上，向著我的面大聲喵喵喵。終於我們都起身了，蘿蔔佬開了燈，我們還看不見什麼飛飛。這時 Huey 一個箭步跳到床邊的窗簾抓了一下 . . . 嘩 . . . 蘿蔔佬即時大叫 "曱甴呀 !" 只見身長一吋半的大強哥即時爬到冷氣機位置，Huey 伸長了手腳亦未能觸及。此時 Huey 不停喵喵叫，而蘿蔔伉儷已被大強哥嚇得魂飛魄散，不知如何是好。說時遲，那時快，大強哥一跣腳就跌落數吋位置，剛好 Huey 被抓了一下然後就跌落床頭的空隙裏面。Huey 仍然未肯放棄，繼續不停在床頭徘徊，間中將手伸入空隙裏。

於是我叫蘿蔔佬取來 bio kill 殺虫劑並向床頭及床邊噴了幾下。我是怕曱甴的人，但蘿蔔佬是 "超怕" 曱甴的人，蘿蔔佬不肯再在睡房逗留。蘿蔔佬建議到客廳睡，但那張梳化不夠兩個人睡，於我決定我和 Huey 留守睡房，我相信 Huey 一定會守護著我的。

開著床頭燈 (怕太黑看不到大強哥)，戴著眼鏡 (怕太矇看不清大強哥)，將枕頭放到床尾 (怕大強哥由床頭爬出來)，我就此過了一個 "沒有睡眠的夜晚"。

最愛 Huey

蘿蔔佬經常質問為何我偏心 Huey - 唯一的貓貓可與我們同眠，間中可以獨享罐頭濕糧，從未被我責罵過，從未被我懲罰過，經常被我叫作 Huey BB。

原因實在太多了 . . . Huey 好斯文，好溫柔，不會撩事鬥非，不會打交，被打亦不會還拖，經常安靜地陪著我做任何事 . . . 真的教我如何不偏愛 Huey 呢。

圍嘔事件

昨晚眾短毛貓襯住蘿蔔佬在鸚鵡房忙著而我又在廚房忙著，短毛貓們即時利用這個黃金機會 "圍嘔" Huey 大哥。

當我在廚房裏聽到客廳傳出陣陣嘶殺慘叫聲，我即時邊跑邊叫 NO。到達現場時，發現 Huey 被短毛貓追 & 迫 &打至窗台貓樹底，縮作一團，我見猶憐。

此時我發現 Botti 身處最遠的一角，想扮 "唔關我事"，可惜 Botti 口中正咬住一執 Huey 的毛，罪証確鑿 ! Mike 身處窗台旁邊的梳化上，地下滿佈 Huey 的毛，Mike 亦難逃法眼 ! Jheena 剛剛追跳上窗台，還未及動手已被我阻止 !

所有短毛貓貓將會被重罰，今個週末實行 "沒有濕糧的日子"。

聰明貓

五隻蘿蔔貓貓當中，我相信最聰明係蘿蔔佬的寶貝兒 Botti。

Botti 識得跳高開門。
Botti 識得跳高上鎖。
Botti 識得打開我個手袋偷八達通咭收埋係地氈底。
Botti 識得扮鴨叫 "app" & 扮狗叫 "wow"。
Botti 識得跑 shortcut 攔截哥哥。

更犀利的係 Botti 識得好似人咁 "扮晒野" !

事例一 : 早前我地向管理處投訴樓上某層單位最近大半年每朝早廁所窗口都水長流，攪到 d 污水成日滴晒入我地度。於是某一天朝早，管理員叔叔襟門鐘，我打開少少門同佢對話，講我地個情況佢知。點知 Botti 可能以為爸爸返咗工，佢就要肩負起照顧保護我地的責任，於是 Botti 一支箭咁衝到門口，向上望住管理員叔叔喵喵喵叫，好似話 "喂，亞叔，有乜事同我講得o刺。亞爸返咗工，而家呢度我話晒事o架。"

事例二 : 週末晚上，大家都係客廳攤抖睇電視，Botti 打側身瞓同我一齊係梳化度，蘿蔔佬想坐係我地中間，Botti 即時用一隻手撐住爸爸個 pat pat，眼神好似話 "喂，睇住呀，你差 d 坐到我隻手啦。" 於是我叫蘿蔔佬行過少少先坐落梳化，但係 Botti 又係即刻用隻手撐住，用怒 bear 的眼神望住爸爸，好似話 "喂 ! 仲坐落o黎 ! 我都話你差 d 坐到我囉 !"

女子組

今個週末只拍了蘿蔔女子組 . . .


milk 最近瞓多了，所以有時我由得 jheena 追下家姐，免得 milk 缺少運動。


milk 霸住成間屋仔


難得 jheena 靜下來

Huey + 天然光

今次輪到 Huey 在天然光線下的寫真集 . . .

Huey 仔仔好有型

Huey Lion King


Huey 可愛乖仔樣

一玩山雞毛，Huey 即刻變得有 d 面目猙獰 . . .

Huey 呢排 d 毛多咗又鬆咗，好好攬，手感好好。

mike + 天然光

當蘿蔔佬幫貓貓吹毛期間，我就幫 mike 影了一個專輯。今次特登利用天然光代替閃光燈，睇落顏色較為 soft。

蘿蔔貓貓洗白白

上個星期日一次過幫三隻蘿蔔貓貓沖涼 - milk，botti，jheena。沖涼用了一個小時，吹毛用了一個半小時。

沖涼最乖係 jheena，仲要佢係沖得最耐最多 steps 的，要讚佢 good girl。
milk 沖涼都算 ok，佢的缺點係無耐性，沖到一半就開始掙扎，再沖耐 d 就開始咬爸爸。
botti 沖涼唔多乖，成日掙扎兼 complain complain 又 complain。


特地買咗呢張櫈仔，唔駛再 mou 係浴缸咁辛苦。


三隻貓貓一共用咗五條毛巾，最左一條係吸水力特強的物料，真係可以吸到好多水份，抹完一隻貓貓，用手摟下水又可以繼續用。


jheena 不停用可憐貓 b 的聲線喵喵叫。

botti 用佢的怒 bear 樣表示佢的不耐煩。

吹風筒後 milk 的毛仍然有少少濕。

botti 的毛最快吹得乾。

jheena 的毛唔係好 luen，仍然係背脊直毛，心口及大脾位有少少 luen。

蘿蔔人之 top model

大家都會發現 botti 的相特別多，原因只有一個，就係 botti 係天生的模特兒。botti 唔怕有閃燈，botti 會坐定定任我影，botti 會望住我的鏡頭擺甫士。

扮憂鬱

扮可愛

扮有型

無論 botti 扮乜樣都入型入格。

咁都得 ?

mike & botti 成日都互相 cool 住對方 lam 毛，互相攬住 or 掂住對方一齊瞓覺。


甜睡中 . . .


越瞓越埋 . . .


mike 瞓著覺都要用雙手 kneading botti 個 pat pat . . . 傻仔o黎o架 !

多下閃燈之後，mike 發現俾我發現之後，即時彈起身扮無事發生過。

天使 or 魔鬼

咪話我偏心，huey 幾時都係天使咁乖咁可愛。


milk 對住我係天使，但對住蘿蔔佬就會化身為魔鬼 . . . 咬咬咬。

mike 無時無刻都要做我的守護天使。

咁古惑又鬼靈精的樣，點扮都做唔到天使啦。

曾幾何時，jheena 係 anna 契媽心中好乖的天使。可惜當 jheena 跌落凡間跟錯大佬 (botti) 之後，即刻變成十分奀皮的魔鬼。

愛是無罪

botti 成日都鍾意捉住我或蘿蔔佬的手，然後好大力咁去 lam，跟住突然會好大啖咁咬落去，之後又用力去 lam 返，跟住又大啖咬過。


botti : lam . . . lam . . . lam . . . (lam 到立立聲 . . . )
忽然間 . . .
蘿蔔媽媽/蘿蔔爸爸 : 哎吔，好痛呀 !
botti : 媽咪/daddy，我愛妳/你。

開講有話，"打者愛也"，於是 botti 將呢句演繹為 "lam 者愛也，愛者咬多幾下"。

好句 !

於是 . . . 有一日 . . . botti 瞓到三隻腳 fing 晒出貓樹 . . .

蘿蔔媽媽 : 好誘人的豬腳仔呀 . . . (然後好大力咁 meet 落去)
botti : 哎吔，好痛呀 !

蘿蔔媽媽 : 仔呀，媽咪好愛你嘛。

Time flies

轉眼間 . . . . .


攝於 2007 年 5 月，當時 botti 只有 4 個月，一隻手就可以捉實佢。


攝於 2009 年 8 月，現時 botti 已經 2.5 歲，用齊兩隻手都未必抱得實佢。

路軌玩具測試 . . . 一個月後

玩咗一個月，路軌玩具仍然好受歡迎，蘿蔔短毛幫日日都有幫襯，尤其是 Jheena，日玩夜又玩，半夜都要玩。只要其中一隻貓玩下撞球，其餘短毛貓會係 0.99 秒之內出現。

Jheena 鍾愛路軌玩具的程度，簡直是玩到顛晒，玩到跳晒身，玩到攰晒都仲要瞓係度繼續玩。