新玩具

Huey 美容期間，我除咗影下相，買下濕糧，我又揀咗兩件玩具俾貓貓。


玩具一：呢件唔係新款的玩具，係每一隻貓貓都會玩過的玩具。計埋呢件，我家總共有三件同類型玩具，之前兩件唔係膠邊界手，就係 d 膠太硬，我成日驚 Botti 會整傷自己。因為我家 Botti 好鍾意 "插水式" 咁玩 . . . . . 離遠飛撲雙手直插入去。呢件的 quality 好好，finishing 做得好，膠邊滑滑，膠質唔太硬，我自己用手試插過都無問題。

測試結果：貓貓鍾意玩，佢地唔會玩到痴咗線，不過會每隔一小時行埋去撩返幾下，過下手癮。Botti 仲會放 d 私伙玩具入去，同 d 波波一齊推來推去。

玩具二：5 in 1 的玩具，顏色鮮艷，我家貓貓好鍾意。

測試結果：玩具未拆都已經搶住玩。

呢件玩具我會等今個星期六 Botti 生日先拆俾佢地玩。