23 August 2012

禍不單行

Botti 剛剛才病完,昨晚回家,見到眼角對上有三處傷口,傷口皮已破,血在流。


於是我立即用洗眼鹽水抹傷口,再用稀釋茶樹油消毒,最後用含有微量抗生素的 eye envy powder,希望可以預防傷口發炎,加上 eye envy 有效減少淚水,所以用後傷口的血水亦減少了。

之後朋友們不約而同都介紹我買 "三合一寵物神仙水" Vetericyn,屋企點都要有一支看門口。

10 August 2012

多謝大家的關心

Botti:多謝姐姐哥哥們的關心!我好返好多喇!我亦都曳返好多呀!

 今晚蘿蔔佬由入屋開始閙仔閙到而家,屋企靜咗兩日,今晚又熱鬧返啦!

09 August 2012

貓有相似,豬有相同

Botti:點解佢地咁似我嘅 ! ? ! ? !



Animal Kingdom Veterinary Hospital

話說超級曳貓 Botti 在星期二晚開始無咁活躍,沒有跳高跳低,沒有極速狂奔,沒有撩事鬥 "飛"。只見佢一入貓廁所就坐咗幾分鐘,出來後就喵了兩聲,然後又 fee 咗兩聲,檢查過無 "output"。

我覺得 Botti 有問題,於是開始 "人釘貓" 去觀察佢的一舉一動,見到佢夜晚又入貓廁所,今次坐咗十分鐘,出來後又係喵兩聲,又 fee 兩下,即刻檢查下又係無 pee 又無 poo。唔通 Botti 有尿道炎 ? 我開始擔心,諗住觀察多一晚,如果明早仍然無尿尿的話,我會即刻帶佢去睇獸醫。

星期三朝早,見到 Botti 入貓廁所坐咗十二分鐘,又係無得尿尿。於是我立即上 facebook 問下有無朋友有可靠的獸醫介紹,因為我家貓豬御用獸醫經常 full booking,就算 walk-in 都要等最少半天才可以攝到位。如果屋企附近有可靠的獸醫就可以有多個選擇,以備不時之需。

最後好彩有朋友介紹 Animal Kingdom Veterinary Hospital,位於銅鑼灣威菲路道,離屋企都算近,只需 10 - 15 分鐘車程。朋友話 Dr. Victor Chun 秦醫生係一個好醫生,於是我決定一試。

事實証明 Dr. Chun 唔單只係一個好醫生,仲係一個好有愛心好有責任心的醫生。Dr. Chun 診斷 Botti 期間,佢會詳細解釋所有步驟,之後又解釋病況及治療的方法。Botti 接返屋企之後,Dr. Chun 仍然會打電話問下 Botti 的情況,很難得會有肯主動跟進病人情況的醫生。

多謝秦醫生以及動物王國醫院的護士姐姐們,幫我照顧咗 Botti 一日。

除咗食葯,Botti 要食兩個月的處方糧,作用係溶解尿液裏面的晶體。



因為治療期間需要吊鹽水,所以 Botti 右手要剷去少少毛。


離遠睇都唔係好覺啫。




04 August 2012

八卦豬

爸爸幫"木棋子"抹油期間,有隻貓豬八卦ing 喎 . . .

邊個咁八卦,Huey 是也 !


02 August 2012

邊個話佢肥

其實 . . . 原來 . . . Botti 都唔係好肥啫 . . . . . . . . . . 

如果佢係長毛貓嘅話! 哈哈哈 !


01 August 2012

夏日涼墊

呢排天氣酷熱,Botti 無時無刻,有冷氣無冷氣,都會霸住張 "夏日涼墊" !