30 July 2012

Huey BB

Huey 雖然已經 8 歲多,間中都會擺個 BB 樣。

29 July 2012

包王



難得 Botti 靜靜的乖乖的,全因為佢知道我要開壇作 "包"。嗜包的肥仔,當然好安靜好乖巧咁,坐係廚房地下,全程陪住我做包。

睇住我開壇搬架撐出來。


用 KitchenAid 搓粉時,又要驚又要睇。


 全程陪住我做包。



25 July 2012

曳貓三號

我屋企又點會只得兩隻曳貓呀!曳貓三號報到!

好彩當時蘿蔔佬未返到屋企,否則一定會有家庭暴力事件 !
   

Mike 擺出一副 "型英帥靚正" 的甫士


23 July 2012

颱風下的貓豬

T8 前趕返屋企,所有窗口全部打直角開到盡,窗台及近窗的地下全濕,貓籠仲有少少水浸。風大雨大,風聲"逢逢"不停,差不多全部貓豬都驚到搵地方呢埋,Jheena 可能驚水浸跳上最高櫃頂。

除咗 . . . . . 肥仔 Botti 仲可以玩到 high high!


首先我去抹貓籠裏面的積水時, Botti 成隻攤係貓籠,用自己個身去 "吸水",攪到成身濕晒。 跟住我去關窗時佢又飛過來吹風淋雨,趕都唔肯走。我已經好忙咁要同颱風角力,千辛萬苦用支爬山拐杖想鈎返隻窗返來,肥仔就成個身挨住窗口,真正的"任狂風吹往面上,任雨點打在身上"!仲週不時極速狂奔,由房跑出廳,又由廳跑返入房,仲要邊跑邊叫喎



Botti 簡直曳到呢 !

Huey 例牌好驚,縮埋一角,我要將貓籠用布遮好,等佢有安全感,可以放心係籠裏面欣賞雨景。

22 July 2012

我開始手痺了

屋企有兩隻特別鍾意痴人的貓豬,一男一女,分別係 Mike + Jheena。

Jheena 最鍾意坐住我隻手,期間佢會用個頭去捽我手掌,有時會將我手掌當枕頭就瞓著了。

半小時後,我真的開始手痺了 . . . . . 






15 July 2012

曳貓兄弟二人組

曳貓兩兄弟 Mike + Botti 成日都要入廚房,入咗廚房就唔肯走,閙都無用,移動 Botti 的話,佢會出爪兼大啖咬還拖。

無晒佢地符喇 !

痴身痴細痴情的漢子

每次一坐低,就算未有眼神接觸,Mike 一定以 0.99 秒跳上我身,先來一個按摩,繼而給我一個熊抱,最後係一邊瞓我身上,一邊抬起頭含情默默凝望著我!蘿蔔佬次次都會話眼寃!



14 July 2012

貓頭鷹

Huey 陪緊住我睇 "蝦你波特",無 lar lar 開始飛機耳,仲要勁平機翼,唔通佢想嘗試收埋對耳仔,做「貓頭英」?
 



10 July 2012

曳到呢


一返屋企就見到 Botti 瞓到咁,獨留曳貓在家真係令人擔心!

「此乃危險動作,小朋友需要家長指引」

02 July 2012

做個真正男子漢

Mike 係一個有膊頭有腰骨更加有背脊骨的男人,所以 Botti 最愛挨住 Mike 的背脊瞓覺,仲瞓到反晒肚咁舒服。


EURO 2012 歐洲國家盃

我從來都唔係足球賽的粉絲,適逢有個長週末,歐洲國家盃決賽果日又唔駛返工,不妨挨一晚夜,睇下西班牙對意大利呢場決賽喇。

仲未開賽,呢兩位等睇波已經等到瞓著咗 !



終於開波了,上半場戰況激烈,我無郁過而佢地都完全無"移動"過,9 磅 Jheena 瞓心口,14 磅 Mike 壓住對腳。而家半場休息,我好腳痺,係時候要趕走佢地,否則過埋下半場,我想郁都已經變成全身麻痺!


下半場,意大利已經輸到 0︰3,Mike 問 "零比三囉喎,輪到神仙都難救喎,我可以瞓得未呀 ?"  話口未完,意大利又輸多一球,0︰4 完場。