roboman + meow meow quintet 蘿蔔媽媽 + 羊毛貓伯曼貓五重唱: 2006

21 December 2006

甜甜蜜蜜

月初剛剛慶祝完週年紀念, 終於的起心肝, upload 當年幫襯 Modern Classic 的婚紗相片, 有影樓的亦有外影的.

去相 http://20031207.blogspot.com/

20 December 2006

創意氣球

朋友最近洽商進口創意氣球, 特地幫襯 DIY 我家貓貓氣球, 不用時可以放氣容易收藏.

有興趣可以參考朋友的網頁 http://hk.myblog.yahoo.com/soeasy818/article?mid=409&prev=-1&next=405 或 12 月 30 日到灣仔會展 2B 展覽廳 2006 香港國際貓展的有關攤位, 帶同自拍相片 soft copy 或即場與你的參賽貓隻合照, 創制獨一無二的 DIY 氣球.

Merry Christmas 聖誕快樂

本想影一輯聖誕美人的 postcard

可惜 milk 公主著o左靚靚聖誕斗蓬之後唔開心 (可能佢知件衫係狗狗衫?)

唔開心到 lur 晒地

好彩終於有一隻肯乖乖地做 model

聖誕米奇祝大家 "聖誕快樂 Merry Christmas"

29 November 2006

天使魔鬼混合體

樣子可愛的 Mike, 呢分鐘勁嗲人, 不停用自己塊面去 high 我塊面, 仲要錫錫o添 ^3^

下一分鐘無 lar lar 跳上窗台去 "兜頭打" 正在酣睡中的 Huey, 嚇得 Huey 變成一隻 "長毛摺耳羊毛貓" @_@

玩具 DIY

上次玩到體無完膚的閃閃棒, 等我一二三還原返先! 用 $3 買了一張閃閃紙, 剪好尺寸, 一張紙應該可以用到 8 - 10 次, 將紙剪成碎條狀然後捲住棒棒, 用橡筋圈札好, 完成了! 真係平靚正呀!

Mike Mike 完全分不出係真品定係 DIY 版

23 November 2006

精靈 Milk Milk

話說昨晚 Milk 係我房門口不停喵喵叫, 我以為佢叫 Mike 入房玩, 但眼見 Mike 完全反應, 而 Milk 繼續 meow meow meow, 於是行去睇下乜事, 發現雀房塊門簾跌o左落地, 原來 Milk 係想通知我要掛返好塊門簾.

Milk Milk 真係一個又精靈又醒目的 "管家婆" o刺! hahaha . . . . .

由於 Huey 經常被 Mike 追打時, 只會後退挨打, 永無還擊之意, 睇見都心痛. 於是呢個星期開始訓練 Huey, 每次 Mike 追打 Huey 之後, 我地會立刻抱住 Huey 去 Mike 面前, 捉住 Huey 雙手教佢打 Mike 個頭. 試o左兩日, 好似有少少進步, 有次抱 Huey 埋去, 我地未捉佢雙手, 佢已經識得自動出掌打 Mike 一下, 又有一次 Mike 行過, Huey 突然出拳, 嚇得 Mike 要兜路行. kakaka . . . . .

14 November 2006

不倒翁

呢個係不倒翁, 放個 long long ball 入去變成玩具, 放 d 小食或貓糧入去, 訓練貓貓的思考力點去搖 d 小食出來.

我家最叻係 Mike Mike , 唯一的貓貓唔駛一日就識得搖 d 小食出來, 其餘 Huey 同 Milk 到而家都未識, 淨係會搖下抓下就放棄.

Eye Envy

之前試過三款眼葯膏眼葯水, 無一牌子可以根治 mike 的 mycoplasma 問題. 得到契媽的推介, 開始試用 eye envy, 每日印少少上眼睛, 最初連續印o左三日已經開始見效, 而家每星期只需印一次可以成個星期都眼仔靚靚.

係咪無晒 d 眼水眼膠眼淚積呢?

大口妹

男兒口大就話食四方o者, 女兒口大會食窮娘o架 milk milk!

毛神再現

天氣開始轉涼, Huey d 毛越來越厚, 越來越長 ~~~~~

亦開始越訓越多 . . . . .

變成毛毛睡寶寶

拜拜佢條尾

突然發覺 Mike 條尾好似粗o左好多 @_@

條尾粗過隻手! ! ! ! ! 究竟真係粗o左定係 d 毛長o左呢?

瞭望台

買o左呢個 "o既野" 放係窗台 - 估唔到個個都咁鍾意 - 佢地會輪住係入面訓覺, 或坐係上面睇街街.

Mike 鍾意呢埋裝下裝下咁

Mike 有時又會呢埋訓覺

12 November 2006

最愛

家中三隻貓貓, 最愛的玩具就係呢支由歐洲入口的閃閃捧. 呢支係玩了三小時後的樣貌. 有 d 閃閃紙條已經開始被 "解體".

呢支係玩了三個月的閃閃棒, 就算 "光頭", 仍然係佢地最愛的玩具!

01 November 2006

Chris Botti Live @ Hong Kong 2006-10-30

詳情請瀏覽 http://lifeatsnapshot.blogspot.com/2006/10/chris-botti-live-hong-kong-20061030.html

26 October 2006

攪攪震兵團

上週末 "開壇" 之際, 竟然來了攪攪震兵團 . . . . .

團長 milk - 專長攪破壞

咬 . . . 咬 . . . 咬 . . . . .

副團長 mike - 專長賴死唔走, 任我點推點拖都唔肯返落地

團員 huey - 專長 "睇水"

打死不離親兄弟

Huey 同 Mike平時打生打死, 原來危難關頭不會各自飛走.

話說兩星期前開始, 早上返工前會困 Mike 入我房, 免得佢欺凌 Huey, 但房門總會用 door stopper 留了一道一吋闊的門縫, 平時放工回家後便放 Mike 自由行. 上星期五由於我回家時已經大包小包, 無閒放 Mike 出來, 但又聽到佢楚楚可憐的喵喵聲. 於是我就無意地同 Huey 講, "哥哥, 媽咪而家唔得閒喎, 不如你去放細佬出來啦", 講完連我自己都笑了一下.

點知, 兩秒鐘後, 我聽到細細的 "彭彭彭" 撞門聲, 原來 Huey 想用頭頂開房門, 跟住佢又用手去推門, 又頂又推之下, 房門終於開大了少少, 足夠給 Mike "sip" 了出來.

當晚, 不知是否要報答救助之恩, Mike 不單沒有追打 Huey, 佢地竟然可以和平地靠近對方, 一齊係窗台上休息.

(因為用手機拍攝的關係, 所以 resolution 較為差.)

16 October 2006

Meow Meow Top Model

我都未 set up 好, milk 已經急不及待想做 model.

為免佢攪攪震無幫襯, 求其幫佢影?一張淑女相, 希望佢走開等我可以繼續做 set up.

點知 Huey 又話要影喎 =__=

佢話淨係影佢 d 毛就夠喎 . . . ka . . . kaka . . . . . kakaka . . . . .

12 October 2006

隨心 ... 隨意 ... 隨時拍 .....

唔知有邊位朋友留意到我係私人連結度, 加多o左一個 . . . . .

"隨心 . . . 隨意 . . . 隨時拍 . . . . . "

貓面罩

呢個唔係 sars 期間人人都要用的 "防菌面罩", 亦唔係武俠劇的 "鬼面罩", 佢係 "貓面罩"!

模特兒 mike 仔親自示範. 因為佢太奀皮, 話極都要打 huey, 叫極佢都唔肯停手, 於是就用呢個面罩矇住佢對眼, 等佢睇唔到 huey 係邊, 無得撩交打! ka . . . kaka . . . . . wakaka . . . . . . . .

講真果句, 我買呢個面罩係於貓貓沖涼時用的, 貓貓戴o左之後, 由於睇唔到野, 一係會好乖唔敢郁, 一係就驚到發晒顛咁. huey 上星期去契媽度沖涼時就戴o左呢個面罩, 佢係前者 - 乖到唔敢郁, 沖涼沖得十分順利, 反而 mike 係後者 - 驚到四週衝四週撞.