少年打手由小童開始訓練

地獄式對打, 皆因對手是粗魯的哥哥.

輕觸式對打, 只因對手是温柔的姐姐.

請勿打擾

ZZzzzZzz . . . zzZZZzzz . . . zzZZzZZzzzz . . . .

新浦點

Botti 喜歡跟著 Huey 哥哥, 亦學了哥哥一樣, 最愛睡在貓樹頂層, 因為對正冷氣機出風位置.

Like Grandfather Like Grandson

橫看直看, 左看右看, 總是覺得 Botti 極有外祖父 Hobo 的影子, 尤其是大部份時間都會忘記收返條脷!





閒時最愛 bear 住人

靜下來時, cute 得來又夾雜少少英氣 .

旗幟飄揚

Huey 決定今年開始退役, 由 Botti 替代哥哥上戰場. 兩年來 Huey 總共獲得 14 個 rosettes, 一直以來所有 rosettes 都收藏於我衣櫃裏面, 朋友們話有些可惜. 於是上週末將大部份 rosettes 齊齊整整掛於廳中, 當作牆壁的裝飾原來都不錯.

貓展成績表

Botti 成績:

2nd Best Kitten

9th Best Kitten

9th Best Kitten

10th Best Kitten

10th Best Kitten

Botti 係 Anna 同 Lyman 的心血結晶之一, 得到各評判對 CurlyBurly 貓貓質素的認同, 他們的一切努力總算没有白費.

CurlyBurly 今次出貓四隻, 其中三隻成功入到幼貓組, 成貓組, 絕育貓組的決賽, 可算是收穫甚豐.

2007 年 6 月 2 - 3 日貓展花絮

我既文靜

我又活潑

評判話要抬起頭做貓

呢位評判自己同自己講野, 無一位觀眾聽到佢講緊乜.

呢位評判嬸嬸因為老花, 兩次關籠門時夾親 Uncle Daiquri 條大尾巴.

嬸嬸, 妳夠唔夠眼睇真我個樣o架 ?

我天不怕, 地不怕, 最怕無得玩.

評判叔叔好奸呀, 用支閃閃棒引我企高, 然後靜雞雞錫我呀!

呢位日本評判姐姐用好温柔的眼神望住我呀!

佢話佢好鍾意我喎, 所以係決賽佢俾我得到 2nd Best Kitten !

叔叔唔該 handle with care 呀, 我就快跌啦 !

甜夢床褥

以前買過好幾張靚靚貓床, 貓貓只會路經唔會用來瞓覺, 已經全部入晒冷宮, 自從買o左呢張 Made in France 的貓床, 屋企四隻貓貓都十分喜愛, 隻隻都爭住要瞓呢張甜夢床褥. 加上以前曾經介紹過來自歐洲的閃閃棒, 一直都係貓貓的至愛, 唔通歐洲人的設計真係咁深得貓貓歡心 !

發夢都想做第一 ? 有辦法 . . . . .

"演繹美麗, 唯有 Jerob "

聰明仔

Botti 係一個聰明仔, 一個星期就學識用手拉開度 bb 欄, 又學識用手拉唔開時可以跳過度 bb 欄進入禁區.

最近呢個星期, 佢就學識跳高用手去開大門, 因為佢要跟埋我地去街街, 好彩大門手柄係圓球形, Botti 點開都開唔到.