貓展收穫

1) 羊毛貓一隻 . . . . . 貓展期間, 有位婆婆同公公係我背後話 "e, 呢隻貓貓好細咁喎, 對眼仲好精靈o添呀!" 然後婆婆問我 "妳隻貓貓咁細隻, 佢幾多個月大o架?"

2) 毛毛波 - 左邊波波似唔似 botti 嘔出來的毛球? 右邊波波係未好似墨魚丸呢? 我家貓貓鍾意程度達至滿分, 唔止勁玩, 直情係喪玩! 我將波波放入圓形貓床, huey 成晚好似玩撈金魚咁玩足成個鐘. 今朝輪到 mike 同 botti 玩, 點知唔駛 1 分鐘, d 波波已經俾佢地 liu 晒出來當波踢, 唔駛 2 分鐘已經唔知碌晒去邊.

3) 瑞典牌子 "藍極風" 空氣淨化機 - 個款好靚, 好歐洲 feel, "simple but stylish", 好啱我口味.

女生男相

一直以來, milk 都係 sweet face, 勁靚女樣. 原來 milk 唔嗲時個樣咁嚴肅, 而且仲有 d 仔樣喎.

三文魚油

前天去了 pattyhouse, 店主 anna 推介新到產品 - kronch 挪威三文魚油, 對貓貓的好處: 潤澤毛色, 增加毛量, 軟化毛質, 改善敏感皮膚, 增強免疫力.

anna 每次加入新產品前, 一定會用自己的貓貓作試驗品, 所以這是我一直以來都這麼信任 anna 推介的產品的原因.

今次這款三文魚油, anna 家中的貓貓已經食用了兩個多月, 剛巧前天 anna 帶了其中一隻貓貓到店舖沖涼, 所以我可以親眼驗証到三文魚油的功效. 九月貓展時見到該隻貓貓毛質較為乾硬, 毛量較少. 現在眼前的貓貓毛量明顯增加了不少, 毛質亦十分柔順. 之後 anna 亦向我示範如何餵貓貓食三文魚油, 每 10 lbs 貓貓的份量是按一下 pump, 可以直接按入貓貓口中, 或按入糧兜, 或溝入濕糧中食用. 眼見 pattyhouse 所有貓貓都 "搶住食", 於是我亦買了一支回家, 希望可以藉此改善我家貓貓的皮膚及毛質問題.

試食結果: 只有 botti 可以直接用湯匙餵食, 其餘貓貓較為抗拒魚油味道. 為了可以改善貓貓的毛質及增強免疫力, 所以我用了少少 tricks 去氹貓貓食用這款三文魚油. huey 要溝入濕糧食用, mike 及 milk 要用湯匙再溝平時最愛食的營養膏食用. (備註: anna 說如果想省卻這些步驟, 最快夾妥的方法就是直接按入貓貓口中.)

現在我家貓貓全部都開始每天食用這款三文魚油, 相信在未來的月內, 我家貓貓的毛質及皮膚問題會得以改善.




(按一下圖片可以放大)

反斗星之反斗日記 - 十二月篇

Botti 話: 騎著妳走!

大半年前因膝患的關係, 以致一直未能曲腳 mou 低, 因此每次清理貓廁所都只可以 90 度向前 wu 低身體. 12 月初, 反斗星開始 hou 我每次清理貓廁所時, 一定會即刻跳上我背脊, 一時坐低, 一時趴低, balance 唔到時就會用爪抓緊我背脊以防跌落地, 於是我的背脊間中會出現紅色爪痕. 無論我點引佢甚至鬧佢, 反斗星點都唔肯離開, 佢話要騎著我走喎 !

Botti 話: 亞爸, 我撐你!

每次反斗星 "上身", 我一定要求救於蘿蔔佬抱走佢, 由於反斗星無得騎牛牛, 於是會遷怒於亞爸. 唏! 用對腳一撐, 蘿蔔佬心口即時出現兩條 6 吋長的爪痕!

新寵兒

Botti 呢幾日無再玩心愛的雞仔, 佢o既新寵兒係呢三條迷你獅頭 "亞福, 亞祿, 亞壽".

http://lifeatsnapshot.blogspot.com/

誰是 top model

昨天買了一件水手衫, 唔知邊個會著得最好睇呢?

著衫後的 botti, 行路時會倒後行的.

後退到大門口, 己經無路可行啦!

botti: 嘿! 我 . . . 嬲 . . . 妳!

見到我手執閃閃棒, 即刻飛撲過來.

botti 有野玩就肯坐定定任我影相.

botti: 影夠未呀?

botti: 舞咗我一輪, 攪到我又肚餓又口渴

mike mike, 你呢件係水手衫唔係游水衫, 著咗唔會識得游水o架!

mike: 我演繹緊呢件衫的牌子 . . . . . "趴地"

milk 著咗件衫, 竟然扣唔到鈕 . . . . .

milk: 唏, 打開著, 仲型女呀!

快高長大

Botti @ 1 month old

Botti @ 5 months old

Botti @ 10 months old

Botti 未夠一歲已經成隻大貓身型, 真係無 side 米飯!

體重排行榜 2007-11-27

Huey 10.2 lbs (較三星期前輕了 0.2 lb)
Mike 11.6 lbs (較三星期前輕了 0.4 lb)
Botti 9.6 lbs (較三星期前重了 0.6 lb)
Milk 10 lbs (較三星期前重了 0.2 lb)

可能天氣涼了, huey 同 mike 都瞓多過食, 兩個都輕咗少少. 而 milk 就食多過瞓, 睇怕要同我一樣 on diet 啦. botti 重咗係應該的, 因為佢仲係發育時期, 加上增肥營養膏的幫忙, 體重理想.

家傳之寶 chicken run

呢個就係我地蘿蔔家族的家傳之寶, 由第一隻貓貓 milk 開始傳到第四隻貓貓 botti, 每一隻貓貓都經歷過 "chicken run" 的階段.

chicken run = 貓貓擔住隻 chicken 不停咁 run 來 run 去 .....

認住呢個波

終於整咗呢個大號波波 (左), 12 月貓展時會用來作為記認, 朋友們記得認住呢個大頭 botti 波波, 有時間就過來講聲 hello 呀!

同時間我亦印製咗一 d 貓貓咭片, 上面印咗我家貓貓的相片同埋 meow meow quartet 的網址, 希望鍾意貓貓的朋友有時間多 d 上來瀏覽, 一齊分享下與貓生活的苦與樂.

極力推介 !!!!!

Pattyhouse 近期進口咗一系列獸醫推介的 oxyfresh 用品, 我買咗其中兩個產品.
http://oxyfresh.com/pet/default.asp


左: ear cleanser 洗耳水 右: oral cleansing solution 口腔清潔水


按一下相片可以放大, 清楚睇到中文的介紹.

試用結果: oral cleansing solution 好好好好好啱我用!

我家無隻貓貓肯俾我刷牙, 於是我會用 oral gel 整濕 cotton pad 捽落牙肉同牙面, 不過太入的位置去唔到. 以後唔駛嚇怕貓貓強迫佢地刷牙或用 cotton pad 捽牙, 因為呢款 oxyfresh 口腔清潔水, 可以消除口氣預防牙石牙菌膜的形成, 非常容易使用, 對於懶惰貓主人或唔准人掂牙仔的貓貓最合用. 呢支水除咗可以每天直接噴少少入貓貓口入面, 亦可以溝入水中讓貓貓喝下去, 每一湯匙 (tablespoonful) 溝 一公升 (litre) 食水.

剛巧我家中有一個 710 ml 玻璃樽, 於是我就用半湯匙溝 710 ml 食水, oral cleansing 無色無味, 同普通水一樣. 家中四隻貓貓都無發現食水加咗料, 照飲如常!

呢個真係大發現! 用簡單的方法就可以代替咗多年來要同貓貓角力的場面, 好開心呀! 今次真係 mission possible 啦!

試用結果: ear cleanser 好洗又襟用!

我好怕油質的洗耳水, 所以多年來都係用 epi 的洗耳水, 效果一般 ok 啦, 如果貓貓耳仔污糟的話, 要抹好多次先會乾淨. 呢款 oxyfresh 洗耳水清潔效果較為有效, 抹幾次已經可以去晒 d 污糟油耳屎.

epi 細支裝 $7x, oxyfresh 大支裝 $9x, 加上 oxyfresh 每次用的份量較 epi 少一半, 所以我覺得呢款 oxyfresh 真係平靚正!

溫馨提示

近日天氣較涼, 提提你地記得為貓貓提供一個溫暖的休息地方. 前年冬天我買了一個大 size 南瓜屋, 去年夏天買了兩個中 size 露營帳幕, 去年冬天買了一個大 size 菠蘿屋, 今年我就買了呢個四四方方的彩色貓屋.

諗諗下, 四隻貓貓竟然有五間貓屋, 反觀我同蘿蔔佬兩個人只有一間不足 100 呎的細房 . . . . . 原來做貓真好!


買佢的原因有二, 第一, 因為我家貓貓勁鍾意顏色鮮艷的物品, 第二, 因為佢係一間貓屋同時摺疊後會變成一張貓床, 一物二用, one price for two, 合乎經濟原則.


新貓屋一落地, Mike 第一時間跑入去賴死唔走, Milk 同 Botti 一於前後夾攻, 點都要迫佢出來.

結果係 Botti 凌空跳上貓屋用自己的重量壓住 Mike 迫佢走出來. 然後 . . . . .

Botti: 望乜呀? 呢張新床係我o架, 你地千祈咪打佢主意呀!

DIY 心意球

去年貓展首次見到 DIY 心意球, 於是做了幾個用來裝飾貓籠. 今年只有 botti 會參加貓展, 所以諗緊用 botti 的大個頭貓樣做一個 A3 size 的心意球, 下個月貓展時用.

http://www.diygifts.com.hk/gallery_index.htm

襯唔襯呀?

我地 d 貓貓狀態好時有機會係貓展攞下大奬, 咁我地 d 貓媽係未應該買返呢個姑姑袋去襯返貓貓 d 大花花呢?

虎視眈眈

Milk Milk 眼定定 . . . . . 睇緊乜呢 ?

未就係我地的色香味俱全的晚餐囉 . . . . . yummy!

孖寶兄弟

咿, 果邊好似有野睇?

原來有花生騷睇, 我都係搵個靚位坐定定先 . . . . .

貓模著上今年秋冬大熱的格仔時裝.

多謝各位捧場! 謝幕!

體重排行榜 2007-11-06

Mike 12 lbs
Huey 10.4 lbs
Milk 9.8 lbs
Botti 9.0 lbs

上次磅重是 3 星期前, M+M (Mike + Milk) 體重維持不變, Huey 重了 0.4 lbs, Botti 重了 0.6 lbs. 剛巧我 3 星期前開始餵 meg-a-cal, Botti 每天 1/2 tablespoonful, Huey 每三天 1/4 tabelspoonsful. 唔知 Botti & Huey 的增磅是否與 meg-a-cal 有關, 抑或天氣轉涼佢地不期然食多咗乾糧呢.

我一直有用 excel 記錄了我家所有貓貓的資料的習慣, 由第一天到達我家開始, e.g. 貓名, 出生日期, 品種, 顏色, CFA no., 貓父母姓名, 得奬日期, 體重磅數, 沖涼或美容日期, 打針日期, 以至到突發事件 (e.g. 癩尿), 都一一記錄在 excel file 裏面.

剛剛翻查了 Huey 的記錄, Huey 10 個月大時只有 7.6 lbs, 而 Botti 現時 9.5 個月大已有 9 lbs, 成績不錯, 可惜 Botti 仍然係同胎裏面最輕的一隻貓貓. Huey 的父母都係身型較為纖瘦的羊毛貓, 相反 Botti 的爸爸係一隻超級大舊貓, 希望 Botti 可以遺傳到爸爸的大隻身型就好了. 因為我始終認為, 藍色貓仔應該係大隻身型大舊肌肉會有型好多!

潮流興纖體

人人都話要纖體, 我就一於逆流而上, 幫 Botti 增肥.
Pattyhouse 推介新到貨品 meg-a-cal 增肥膏, 每支 $75, 一隻貓貓應該可以食到 2 至 3 個月.


質感係 "稀" 的, 香味都幾吸引.


每 10 磅貓貓每日餵食一湯匙 (tablespoonful), 我驚貓貓一下子營養過多, 所以每次都係餵半湯匙.


由開蓋到倒出增肥膏, Botti 全程企高身及到實.


蜂擁而上, 場面失控. (註: 平時我會靜雞雞同 botti 呢埋係廚房餵佢, 今日為咗影相 . . . . . 其他貓貓竟然俾 meg-a-cal 的香味吸引到要搶食, 後來我都俾其他貓貓試一下, 試食結果: 全部貓貓都勁鍾意.)

十秒內, 食到乾乾淨淨無得淨!

慈父多敗兒

蘿蔔佬花了整晚時間, 將一對高音喇叭 DIY 到完全出得廳堂見得下人. 怎料昨晚放工回家, 見到一隻喇叭已經被解體, 另一隻就搖搖欲墜. 蘿蔔佬教訓完 Botti 之後, 又花了一晚時間去將它們還原.

今早起床後, 發現其中一隻喇叭有少許偏離航道, 於是蘿蔔佬一面訓話一面整理, 蘿蔔佬對 Botti 講 "你好曵呀! 我罰你今朝無麵包食!" (註: 早餐我們多數選擇天然酵母造的英國方包, 因為可以搣少少用來餵貓貓.) 我心想: "哈, Botti, you have today!" (你都有今日!)

早餐時間到, 開餐! 我自己還未咬下第一口, 已經見到蘿蔔佬正在搣少少麵包, 然後話 "Botti, 食麵包啦!"

嘿! 又話罰佢! 真係慈父多敗兒!

2007 Hong Kong International Cat Show

每年各貓會都會舉辦貓展活動, 期望通過美國貓會的評審, 選出具代表性的貓隻們, 頒出獎項以作鼓勵. 本年度香港愛貓協會 Hong Kong Cat Fanciers' Club 主辦的香港國際貓展將於十一月十日 (星期六) 在灣仔會展舉行, 此活動除了是愛貓人士的每年盛事之外, 亦是一大型家庭同樂活動. 屆時會場設有貓隻展覽區, 貓隻評審區, 兒童遊樂區, 寵物用品購物區. 除此之外, 貓會亦安排了多個講座供入場人士參予.

喜歡貓貓的朋友, 一定不可以錯過, 因為可以一次過觀賞到不同品種的貓貓, 簡直是賞心樂事. 打算飼養貓貓的朋友, 更加不可以錯過, 因為可以有機會與各貓主或繁殖家傾談有關個別貓種的性格或其他資料.

養貓養到上癮的我, 又怎會錯過這個盛事呢! 認得我的朋友, 到時記得過來 say "hi" 呀!

又偷野 !!!!!

繼上次偷了無線 mouse 的 usb 插頭之後, 破壞王又再施展 "神偷貓影" 的技倆 . . . . .

案件一: 上星期收到朋友的請帖, 順手放入我至愛的 "姑姑" 大袋裏面 (備註: 手袋是橫度開口的款式). 第二天早上, 門口的一張貓貓專用的貓抓地毯竟然 "大移位", 然後見到 "做錯事有樣睇" 的破壞王仍然 "痴住" 犯案現場, 於是我立刻單手揭起地毯, 看到朋友的請帖, 封套已被咬去一角.

案件二: 前晚放工回家後我與蘿蔔佬出去了半小時, 前前後後只有半小時! 回家之後發覺貓抓地毯又再 "大移位", 而且疑犯破壞王正用雙手 sip 下 sip 下地毯下面位置, 於是我立刻揭起地毯, 竟然發現我的八達通咭! 其實要取得我的八達通咭都算有難度的, 因為它是放在直度插入式的 name card holder 裏面, 需要有些技巧才可以從 name card holder 中只取出八達通咭. 佩服 ! 佩服 !

掃貨記

Pattyhouse 有好多又靚又好玩的 cat teaser, 大部份來自美國及歐洲, 部份更是貓展評判之最愛款式. 所以每次當我想買新 cat teaser 時, 一定去 pattyhouse . . . . .


又紅又綠, 外型有 d 似迷你版的新潮雞毛掃. 試用後報告: 貓貓好鍾意咁搶眼的顏色.


摸落好柔軟的毛毛棒, 掃落面都感到好舒服. 試用後報告: 我未捨得俾貓貓玩.


外型十分可愛的橡筋棒, 顏色夠搶眼. 試用後報告: 貓貓咬住毛毛球唔肯放.


好攪鬼的貓棒, 毛毛球有隻眼, 配合就快來臨的 "哈囉喂" 節日. 試用後報告: 未俾貓貓玩.

除咗貓貓棒, 當然要買令到貓貓至 high 的 catnip .

唔買呢樣, 貓貓肯定唔俾我返屋企.

貓貓最愛 almo nature 的 salmon & carrot 味 + tuna & shrimp 味

貓貓最愛 ProPlan 的 urinary tract health formula + weight control