聰明貓

五隻蘿蔔貓貓當中，我相信最聰明係蘿蔔佬的寶貝兒 Botti。

Botti 識得跳高開門。
Botti 識得跳高上鎖。
Botti 識得打開我個手袋偷八達通咭收埋係地氈底。
Botti 識得扮鴨叫 "app" 同埋扮狗叫 "wow"。
Botti 識得跑 shortcut 攔截哥哥。

更犀利的係 Botti 識得好似人咁 "扮晒野" !

事例一 : 早前我地向管理處投訴樓上某層單位最近大半年每朝早廁所窗口都水長流，攪到 d 污水成日滴晒入我地度。於是某一天朝早，管理員叔叔襟門鐘，我打開少少門同佢對話，講我地個情況佢知。點知 Botti 可能以為爸爸返咗工，佢就要肩負起照顧保護我地的責任，於是 Botti 一支箭咁衝到門口，向上望住管理員叔叔喵喵喵叫，好似話 "喂，亞叔，有乜事同我講得o刺。亞爸返咗工，而家呢度我話晒事o架。"

事例二 : 週末晚上，大家都係客廳攤抖睇電視，Botti 打側身瞓同我一齊係梳化度，蘿蔔佬想坐係我地中間，Botti 即時用一隻手撐住爸爸個 pat pat，眼神好似話 "喂，睇住呀，你差 d 坐到我隻手啦。" 於是我叫蘿蔔佬行過少少先坐落梳化，但係 Botti 又係即刻用隻手撐住，用怒 bear 的眼神望住爸爸，好似話 "喂 ! 仲坐落o黎 ! 我都話你差 d 坐到我囉 !"