大整古

一向唔鍾意玩貓展的蘿蔔佬，係今次的貓展中竟然要一個人 show 晒兩隻蘿蔔貓貓，今次真係大整古 !

話說原本我蘿蔔人約好晒一班貓友一齊參加貓展，我地仲要坐埋一齊以便大談揍貓經。點知比賽前一小時，Anna 同我講話有 1 ring clerk 同埋 2 back up ring clerks 同時失場；ring clerk 由於飛機 delay 起飛，所以要到晚上先可以到達香港，而另外 2 位 back up 就唔知乜事無出現。Anna 希望我可以臨時頂上 ring clerk 一職，雖然我有上過 clerking school，去年做過一次 assistant ring clerk，但完全無 ring clerk 的實戰經驗。但基於情況太緊急，我唯有 “頂硬上”，亦臨時拖埋我朋友 Elaine 落水做 assistant ring clerk，一於拍住上。在全無預備之下，好彩多得靚女 Chloe 出手相助，指出犯錯之處並教曉我地好多要注意的地方，終於在有驚無險 (應該係 “好驚” 先啱) 之下完成咗一日做 acting 的工作。

再一次多謝 Chloe 教識咗我地好多實戰的常識 ! 當然亦要多謝 Elaine 諗都唔駛諗就答應幫我做 assistant ring clerk，減輕咗我一大截的工作，同時亦分擔咗我一半的壓力。

多謝 ! 多謝 !