親近妳

除咗玩樂時間 (真正玩到亞媽都唔認得)，jheena 好喜歡親近我地。每晚放工返到屋企，佢總係跟住哥哥姐姐排隊，排隊等我同蘿蔔佬摸下佢地，問下佢地今日乖唔乖囉。招呼過後，貓貓又到咗玩樂時間。

玩到差不多 10 點，大部份的貓貓都預備就寢。huey 一早已經霸住菠蘿屋或南瓜屋，係入面瞓到反晒肚。milk 好怕凍，佢鍾意痴住部暖爐瞓。botti 有時會自己一個係貓樹頂層瞓，有時會瞓係 hi fi 架裏面。mike 例牌要我抱住佢瞓，佢真係好似人 BB 咁要我抱住瞓。jheena 同 mike 一樣, 鍾意瞓係我度。於是我個身就俾 mike 霸住，對腳就屬於 jheena 的。

到真正瞓覺的時間，huey 同 jheena 會同我地一齊瞓。huey 鍾意自己一個係窗台瞓，jheena 會痴住我瞓，通常首先會瞓係我心口上面瞓，一小時後會 "sir" 咗落我臂變裏面瞓，有時甚至會瞓係我條頸度扮 fur scarf。

昨晚半夜醒來，發現自己有些呼吸困難，並非氣管收縮，似是有障礙物。打開對眼，發現眼前一團物體，原來 jheena 瞓咗係我塊面度 ! ! ! 佢個 pat pat 放正係我個鼻同口的位置，唔怪得我抖唔到氣啦 !