鬼靈精怪

Botti 係一名世界仔兼鬼靈精 . . . . .

Botti 每朝起身一定香吻滿屋飛, 錫我鼻鼻, lam 我咀咀同眼眼, 然後去錫蘿蔔佬鼻鼻. 見到哥哥姐姐又係逢貓必錫.

Botti 一見我入廚房就誓必跟 . . 跟 . . .跟 . . . . . 仲要不停 hi 我對腳, 皆因佢以為又有得開餐.

Botti 一見 Mike 去兇 Huey 哥哥時, 就會即刻做 "架娘", 一係撲埋去 Mike 處撩 Mike 玩, 一係飛奔去 Huey 哥哥處, 自己擋係 Mike 同 Huey 的中間扮 lam 毛.

Botti 日日都同 Mike and Milk 玩打交, 由於 Mike 太過粗暴, 所以初時 Botti 成日慘叫救命, 久而久之, 我一聽到 Botti 慘叫, 就會大聲喝止 Mike. 而家 Botti 已經大隻仔, 但每次 Mike 同佢玩打交時, Botti 都會慘叫定先, 等 Mike 未能及時出口咬就已經俾我喝住.