古惑仔

眾多蘿蔔貓貓之中，botti 係最最最聰明的貓貓，亦係最最最古惑的貓貓。

話說昨天晚上蘿蔔佬沖涼期間，botti 係客廳度 "喪跑"! 由窗台跳落地顫然後半跑半跳 "片彎" 入走廊，如是者來來回回數轉，結果整到張地顫就算有防滑地墊都俾佢喪跑到變成 "會移動的地顫"。當 botti 一聽廁所門有聲响，佢即時跑到我腳邊然後坐定定扮乖，蘿蔔佬出來時見到成張地顫變成 "一道拱橋"，佢即刻望住 botti 問 "邊個攪到張地顫咁 ?"

說時遲，那時快 . . . . . botti 即係望住我，然後望下左又望下右，好似話 "係囉，係邊個，係咪媽咪妳呀? "

@_@