唔關我事

今朝忙於加添貓糧時, 聽到睡房門口傳來陣陣 "啪啪" 及 "篤篤" 聲, 順勢望一眼, 見到 Milk 同 Mike 躺於走廊, 四隻眼望住 Botti, 一副置身度外的表情. 正常的情況之下, 無論 Botti 玩任何玩具, Milk 或/及 Mike 一定會參予其中, 點解今次會咁特別呢?

等我望真 d . . . . .

原來 Botti 在床頭柜上偷了蘿蔔佬的手機, 推跌在地上慢慢玩弄, 一時咬下手機繩, 一時將手機左手交右手, 右手又推返俾左手.

細想之下, 唔通 Milk 同 Mike 知道呢部手機唔係佢地自己個部玩具手機, 呢部係屬於爸爸的真手機? 所以佢地唔敢參予此次行動, 仲要有咁遠行咁遠, 但又要係視線範圍之內, 然後 keep 住 "唔關我事" 的心態去睇下事情的發展 !