乞丐王子

My Prince Huey - 天氣轉涼，貓豬的披毛又長又厚，容易打結的長鬈毛 Huey 王子，變成了乞丐王子。

另類貓玩具

鐵線衣架可以用來做咩？我除咗會用來開窗關窗之外，仲會用來跟貓豬玩。

Jheena 玩到出手又出牙。

Botti 直情玩到出牙兼伸脷！

新手機試相

捕捉貓豬各種形態有難度，因為佢地唔會識得行去有足夠光源的地方坐定定任影。之前用 4s 日間影相還可以，日落過後，貓豬藏身陰暗地方，影出來的相就會黑忟忟。

最近換了新手機 6+，相機像素提高了，光圈亦增大了，果然不同凡響。

日落後的天然光。

藏身於隧道裏。

瞓身於無燈光走廊。

芝麻包

用新手機影相，有貓豬自動波擺定甫士任我影。

來一張大頭相，十足一個黑芝麻包包咁樣。