貓貓體重排行榜 2009-01-20

Huey 9.8 lbs (vs 2008/10 – 10 lbs)
Milk 10.2 lbs (vs 2008/10 – 10 lbs)
Mike 12 lbs (vs 2008/10 – 12.4 lbs)
Botti 12.6 lbs (vs 2008/10 – 12.4 lbs)
Jheena 9.4 lbs (vs 2008/10 – 9.4 lbs)

有油耳，用耳油

Botti 同 Jheena 的耳仔都勁多 ear wax 勁出油，平均每星期最少要清潔兩次，否則耳仔會變成油田。最近買咗呢支 Thomas Lab 的 Ear Ease，好好用，值得推介。呢款 cleanser 質地似油，我用棉花球 & 棉花棒 dip 少少，棉花球用來清潔耳縠，棉花棒用來清潔耳仔內部，所有污糟耳屎耳油一抹就甩。

邊個做o既?

前個月難得係連卡佛睇中一對唔太師奶唔太娘款的平底鞋 . . . 即買 ! 點知 . . . 未著新鞋就已經俾唔知邊隻 or 邊幾隻蘿蔔貓貓攪到變成一對爛鞋 ! 嘿 !

so so 被咬斷，無斷的 so so 上面勁多牙印。

究竟係邊個做o既 ! ! ! ! !

與別不同

蘿蔔短毛貓真係與別不同，大部份的貓貓瞓呢 paul 貓樹係頭向前望，全個身好舒服咁伸長攤係個 U 型屋頂。

唔知點解我家三隻短毛貓反而係好鍾意將個下巴 long 係屋頂尖，個身打側瞓，用個 U 型位置去 long 住佢地個 pat pat，有時 d 手仔腳仔仲要凌空伸晒出來喎。

甜睡寶寶

我鍾意叫 Huey 做 “Huey BB”，蘿蔔佬每次都會抗議話 Huey 就快 5 歲啦，仲 BB？

睇下 Huey 瞓覺瞓得幾咁 BB 樣，仲要攬實個貓草枕頭瞓覺喎，就覺得 Huey BB 呢個名係當之無愧o既！

蘿蔔貓貓搬屋過新年

半年前第一次見到就好鍾意呢棵貓樹，左諗右諗都係未捨得買，最近把心一橫，豪就豪 d 啦 ! 嗱，蘿蔔貓貓，呢棵新貓樹係你地今年的生日禮物 + 新年禮物 + 兒童節禮物 + 復活節禮物 + 聖誕禮物啦。


好鍾意呢個 pagoda 的設計，好靚好特別。

一見到新貓樹，三隻短毛已經急不及待要睇下係乜東東。

jheena 玩到變身成 "spidergirl 蜘蛛女"

5 分鐘之後，蘿蔔貓貓仍然未能夠成功登上新貓樹頂，佢地只識得係舊貓樹高層向新貓樹遙望。

於是我地將舊貓樹移近新貓樹，話咁快蘿蔔貓貓就爭住霸佔間 pagoda。

屋頂都唔錯喎

10 分鐘之後，我地將舊貓樹分拆，留返最低兩層放上窗台當作一棵矮貓樹。

無咗舊貓樹，蘿蔔貓貓都識得揾野駁腳跳上新貓樹屋仔度，叻叻呀 !

天氣咁凍做乜好

jheena : 好想瞓覺


botti : 緊係攤抖啦


milk : 最好係痴實張床褥

mike : 睇下你地做緊乜

冬暖夏涼的床褥

昨晚買咗兩張 “冬暖夏涼” 的床褥俾蘿蔔貓貓，一面係又滑又涼的布料，另一面係又絨又暖的布料。首先將兩張床褥不同質地的一面放係梳化上，以便測試貓貓的喜好。


botti 話咁快就跳上去，聞咗唔夠一秒就走咗，其測試速度快到連我都未預備好相機。

jheena 隨後跳上去，兩張床褥都踩下，跟住就走咗。

然後到 mike 跳上去，用隻手襟下呢邊襟下果邊，跟住聞一下就走咗。

唔通佢地唔鍾意呢兩張新床褥 ?

好彩跟住 milk 跳上新床褥，係兩張床褥上面行來行去。

milk 揀咗又滑又涼的布料

好 relax 咁開始 sweet dream

你知道我在等你嗎 ?

mike : uncle jimmy，我等著你回來。

夜半貓敲門

最近一個月我同蘿蔔佬晚晚都無覺好瞓，每晚都要醒幾次，最慘係醒咗好難瞓得返，就算好彩瞓得返又會被嘈醒。

原因係每晚 botti 都會係 1:30am，3:30am，4:30am 呢 d 時段係我地房門口係咁喵喵喵叫，有時 mike 仲會幫拖幫手敲門。初時以為佢地覺得凍，於是 overnight 開暖爐俾佢地用，我同蘿蔔佬無暖爐用唯有冚多張薄被，點知 botti 仍然晚晚係咁喵喵叫幾次。

botti 話 : 我要叻過個鬧鐘，我要係鬧鐘未响之前就叫醒爹吔媽咪。

Panic Room

係客廳窗台上面，長期放咗貓袋一個，呢個就係 Huey 的 panic room。

蘿蔔短毛貓貓好曵，經常嚇 Huey，明知 Huey 唔鍾意同佢地玩，梗係一見到 Huey 就追住佢，嚇到 Huey 成日揾地方呢埋。自從我蘿蔔人諗到用貓袋當作 panic room 之後，Huey 無咁驚青。如果 Mike 或 Botti 一行近貓袋，Huey 的 "motion detection" 即時響起 "胡 . . 胡 . . 胡 . . . " -- Huey 自己把超低音頻的聲線，希望可以藉此嚇退敵人。可惜呢 d 咁小兒科的 growling，又點可以嚇到 d 膽生毛的蘿蔔短毛貓呢 ? 所以每當短毛敵人接近貓袋入口時，Huey 有時會主動出擊，伸隻手出來亂打一通，希望是旦一拳可以打中目標。

蘿蔔佬上電視

一直以來都是我蘿蔔人接受報章、雜誌的訪問，2008 年 11 月貓展期間，由於我忙於做 ring clerk 的工作，所以只有蘿蔔佬 "獨自去 show 貓"，更加被某網上 TV 邀請做訪問。

訪問片段終於出街了，去片 . . . . .

http://www.weweb.tv/big5/channel_pet/main.php?page=0&sort=id&district_id=160&cuisine_id=161&id=5319

Merry Christmas

We wish you a Merry Christmas
We wish you a Merry Christmas
We wish you a MEOWY CHRISTMAS ..... and a HAPPY NEW YEAR!

Long Time No See

天氣轉涼，貓懶人更懶。好耐無同蘿蔔貓貓影相，上週末等到我 "的" 起心肝的時候，蘿蔔貓貓又唔多合作，結果只有影到 mike 同 botti 。


Mike 長時間瞓貓樹


Botti 長時間瞓貓床


Botti 每次見到相機，總會應酬一下

擺下型仔甫士

Mike 都話要型仔一下喎

動物傳心術 Animal Communication

最近幾年香港開始流行動物傳心術，信則有不信則無。

對於我來講，開始時我是半信半疑，現在我是深信不疑。自從前年開始養了第三隻貓貓之後，我發覺自己開始明白蘿蔔貓貓的想法，而蘿蔔貓貓亦完全聽得懂我的說話。有時蘿蔔貓貓做了一個動作或喵喵叫之後，我腦海裏面會即時出現了貓貓同我說話的畫面，真的很神奇 ! 一直以來我都叫這些感覺做 “直覺”，朋友 Carol 完成了整個 Animal Communication 課程之後，她說這些就是所謂的 Animal Communication 了。

第一次的蘿蔔媽媽與蘿蔔貓貓傳心術

話說當日 mike 被我關於睡房內 (房門掩上但並未關緊)，我正忙於預備晚餐，mike 在房內不停喵喵叫，於是我對 huey 說 “不如你幫我放 mike 出來好嗎?” 跟著我看到 huey 用頭頂開睡房門放了 mike 出來。這是 huey 從來未做過的動作，所以當我第一次見到 huey 竟然聽得明白我的說話時，我真的半信半疑。

及後亦多次發生類似的事件，令到我更加相信動物與人類是可以心靈溝通的。

最近一次與蘿蔔貓貓的溝通

11 月份的星期日，我一早起身預備早餐，botti 跨欄跳入廚房跳上垃圾桶頂陪著我煮麵，我跟 botti 說 “你幫我去叫醒 daddy，你話早餐預備好了。” 兩分鐘後蘿蔔佬出現在我眼前，眼中充滿疑惑對我說 “剛才 botti 坐在妳的枕頭上不停喵喵叫，不知何事呢 ?” 我呆了一呆，然後對蘿蔔佬說我向 botti 說了的對話。我估計 botti 特地坐在我的枕頭上，意思是 “媽咪叫我叫醒 daddy 呀”。botti 亦是從來沒有做過此動作，所以我和蘿蔔佬亦相信 botti 真的聽得明白我的說話。

朋友的傳心術
得到朋友 Carol 的幫忙，她分別與 mike，botti 及 jheena 溝通過，希望得知他們為何經常追打 huey；尤其是 mike，他經常又狂又狠地打得 huey 叫得淒慘叫得淒厲。 經過 Carol 的心靈溝通之下，得出的結果如下 :

mike – 我打 huey 因為佢靚仔過我，同埋 huey 又霸住我個至愛位置。
botti – 我同佢玩下啫。
jheena – 我學 botti 之嘛。

Carol 同時亦叫 mike，botti，jheena 不要再欺負 huey，因為這樣做蘿蔔媽媽會很傷心的。事隔一個月，mike 真的改變了，現時每晚 mike 都會乖乖的躺在我懷裏陪著我看電視或聽音樂，完全不再騷擾 huey 。

蘿蔔貓貓養寵物 ?

仲要係蜥蝪 ! ? ! ? ! ? ! Ooops ! 其實係 "鹽蛇" 至真 !

話說今朝一早就見到 botti 不停伸手入去喇叭底部係咁 liu，轉下頭又見到 jheena 係地下聞聞聞，於是行近一望 . . . 嘩 ! 不得了 . . . 有條 "鹽蛇" 仔呀 ! 條 "蛇仔" 已經俾 botti 同 jheena 玩到 "生不如死"，於是蘿蔔佬就成全佢，仲幫 "蛇仔" 海葬 (沖入廁所沖出大海)。

致賴醫生 To Dr Chris

如果我感染咗貓抓病，都係多得 Charlie 所賜，阿門 !

蘿蔔佬的成績

Best 4th in Championship

Best 6th in Championship

Best 8th in Championship

哈 . . 哈 . . 哈 . . . 其實係 Daiquiri 的成績至真，由於 Anna 太忙未能分身，所以由義工蘿蔔佬代領禮品。

香港國際貓展 2008-11-08 & 09

Jheena 第一次參加比賽，好驚呀 !


俾姨姨望下妳個靚囡樣啦 !


仲乜襟到我塊面 16 比 9 呀 ?

叔叔，你因住擰甩咗我個頭仔呀 !

你看著我，我看著你 . . . . .

jheena : 哥哥，你係邊呀 ? 我見唔到你呀，我好驚呀 !

botti : 唔駛驚，我係妳隔離間房呀。

jheena : 哥哥，我地幾時可以返屋企呀 ?
botti : hmm . . . 等我 call 到貓巴士先。

好開心 Jheena 可以入到十大，得到 Best 7th Cat in Premiership。評判 Gary Veach 十分喜歡 Jheena，佢話 Jheena 係唯一一隻 open class 入到十大的貓貓，其餘九隻貓貓都係 grand premier。Gary 見到我抱住貓貓拎住 rosette 去搵佢簽名影相時，佢話 : "What a surprise !" 原因係我係佢的 ring clerk，佢估唔到揀中的 open class 貓貓竟然係我的貓貓。