寵物展收穫

全部都係新產品：

1）The Innocent Cat 英國製造的雞肉+鴨肉+貓草小食，貓豬們超愛，入貨 20 包。

2）AVP 英國品牌的無穀物主食罐頭，全港獨有的「雞肉+龍蝦肉」及「雞肉+雞軟骨」，入貨 12 罐。

貓豬們話全部食品都必需要經過嚴格挑選才可以放入口。

餐餐清兜

朝早未夠八點，頭圍已經用饍完畢。

蘿蔔佬要加油！貓豬每日兩餐嘅罐罐靠曬你喇！

寵鮮肉

最近在誠品購入台灣品牌的即食毛孩濕糧，賣相跟我們食用的完全無分別，貓貓愛吃程度：滿分爆曬燈！


大塊雞腿肉 + 鮪魚肉碎 + 鮭魚肉碎 + 蔬菜 + 湯汁

 有多款不同味道的選擇，一定有合毛孩心意的。

Primal Raw Food

Huey 今年 12 歲，由去年開始牙齦發炎，食乾糧時總會吐出數粒乾糧。獸醫說由於 Huey 年紀大了，不會冒險替他全身麻醉然後洗牙；亦不會開止痛消炎藥，因為需要長期服用，但副作用就是會傷肝臟。現時只能做的就是儘量餵食濕糧，令到 Huey 進食時不會感到牙肉疼痛。

我家羊毛貓豬都是腸胃敏感的，每次食濕糧都會肚痾，所以每星期只會餵一次罐頭。如果 Huey 需要每天食濕糧的話，真的是一個大問題！

早前跟朋友談及此事，她建議我可以試下餵 Huey 食生肉，尤其是火雞肉更適合腸胃敏感的貓豬。於是我首先買了一包 Raw Frozen Turkey，平時需要將生肉放入冰箱冷藏，餵食前 8 小時將餵食份量放在雪櫃下格解凍。試食報告：生肉的氣味真的難聞，Huey 聞了幾下便走開了，結果每星期將生肉溝入大量罐頭濕糧，加上其他貓豬協助下才能勉強清倉。

跟著我買了 Freeze Dried Turkey，生肉是乾磚形狀，平時放入密氣樽儲存，每次餵食前，只需將一塊乾磚用手指搣碎，加入適量清水，待肉碎吸收水份後便成。試食報告：生肉乾磚的香味跟豬肉鬆一模一樣，Huey 大愛！

加入清水後變成濕糧

貓豬大愛

餐餐清碟

貓貓的 fine dining

為咗呃蘿蔔貓豬食三文魚油，用盡心思，今餐係三文魚油撈罐罐，topping with cat-man-do 及白灼海中蝦。

結果當然係清晒兜啦 !

濕糧

耐唔耐都會有朋友問我，究竟要幾耐餵一次濕糧俾貓貓呢? 一日一次抑或兩日一次呢? 其實無一定的答案，要視乎貓貓的身體狀況。

例如我家蘿蔔貓貓，其中三隻貓貓腸胃天生敏感，每次食完濕糧就會 soft pu，為免我經常要做事後清潔，所以我每星期才餵一次濕糧，當作是奬賞。

多年來我都係餵 almo nature 呢個牌子，因為係蘿蔔貓豬的最愛。有幾愛? 有相為証 . . .

食得幾乾淨! 乾淨到我差 D 唔駛洗碟呀!

吐毛問題

我家 "毛神" Huey 一直以來都有吐毛的問題，每隔一兩天就會嘔毛一大球，就算日日餵吐毛膏都無效。

直至今個月初，經朋友介紹開始食 proplan 的 hairball 貓糧，好 work 呀。溝糧食咗兩個星期，毛神 TOUCH WOOD 暫時未有嘔過毛。不過最弊就係 proplan 成日缺糧，就快食完呢包，點知又無貨，唔通今次又要搵契媽救命 ?

饑饉三月

2009 年 1 月
朋友告知 Proplan 開始缺貨，於是立刻向 online shop 訂購了 20 lbs 裝的 breeder size。

2009 年 2 月
情況惡劣，大部份寵物店都已經缺貨，幾經辛苦，多處頻撲才能購入 2 x 4 lbs 裝。

2009 年 3 月 1 日
在家 stock take，發現存貨量已到達警覺線，只剩下 1.5 jar。

2009 年 3 月 2 日
市面情況更為險峻，全部店舖都無存貨，總代理通知的貨期一再延誤。

2009 年 3 月 3 日
情況告急，正式宣佈蘿蔔貓貓就快斷糧，需要尋求契媽協助。

2009 年 3 月 4 日
得到契爺契媽的出手相助，蘿蔔貓貓斷糧情況暫時放緩。
蘿蔔貓貓話: “多謝契爺契媽，賜給我們每日的食糧 !”

天然貓糧推介 - Evolve

自從 8 月開始轉餵 Evolve Maintenance 天然糧之後，貓貓好喜歡食，連一向難以增磅的 Huey 亦成功達到理想體重 10 lbs，蘿蔔貓貓已經演變成蘿蔔豬貓了。於是上週末開始替蘿蔔豬貓轉食 Evolve Senior/Light 天然糧，希望可以控制一下豬貓們的體重，如我所料，貓貓仍然食得好滋味。


milk milk 公主要同新糧 "落訂"，milk 以為 "hi" 下包裝留下自己的氣味，貓糧就會屬於她的所有 . . . 傻貓 !


"hi" 多幾下


milk milk 連小食都唔放過，一於據為己有。

天然小食 kitty kissers，有蝦味、雞味、魷魚味。

天然貓糧

一直以來都希望蘿蔔家庭的貓貓可以 "活得開心，食得健康"，所以我經常會購買新出的貓玩具及天然貓糧。

多年來曾嘗試過餵不同牌子的天然貓糧給蘿蔔貓貓食，可能天然貓糧較為 "淡口"，所以貓貓都是 "聞下就算"，肯咬一兩口已經算 "俾足面子" 去應酬我。試過的牌子有 Natural Balance，Chicken Soup，Pinnacle，Wellness， Felidae ，California Natural ，結果是全部貓糧都送給了義工團體。蘿蔔貓貓最肯食的只有 Hill's Nature Best，可惜此糧並非真正的天然糧，而且貓貓食多了會變成肥貓，所以我唯有將 Hill's Nature Best 溝 Proplan Indoor 或 Weight Management 貓糧。

最近 Pattyhouse 新進口了美國天然貓糧 Evolve，於是我買了一包 Maintenance 成貓糧回家給蘿蔔貓貓嘗試，結果 . . . . . 五隻貓貓都鍾意食，未到一個星期已經清了整袋 3 lb 裝的貓糧。

Evlove Cat Food - Maintenance 成貓糧
http://www.evolvepet.com/catmain.html

Easter Fest - 金裝貓糧

上週末去咗太古城 shopping，好耐無逛 Apita 的超市，見到有新的外國牌子濕糧，崇洋心態之下，決定買俾貓大爺貓小姐們慶祝復活節。


買咗兩款味道 : (1) 三文魚 + 蝦 (2) 火雞肉 + 羊肉

底部 description 全部德文 or 其他外文，無英文，唔識睇。

免治肉 + 少少肉汁

試食報告 :

Botti & Jheena - 鍾意食 (基本上佢地無乜濕糧唔食)

Huey & Milk - ok 鍾意食

Mike - 麻麻地鍾意食

小食多滋味

Pattyhouse 近期又返咗新食品 . . . . .


Evolve 天然濕糧，海鮮味 (蘿蔔貓貓全部都鍾意食)，雞味 (未試)，火雞味 (未試)。
濕糧係肉醬形狀，蘿蔔貓貓向來唔 hou 肉醬濕糧，掂都唔掂，但由於 evolve 係自然糧，所以姑且一試。點知蘿蔔貓貓出奇地肯食喎，仲要食完自己個兜，走去食埋人地個兜o添。
試食結果 : 又係清晒兜。

小食未開袋，已經有貓想偷食。

IRIS 雞味小食 jello。我係驚張貓媽，所以我唔敢一貓餵一粒，我驚會 "芹" 親貓貓，於是一粒 jello 分五小份。

試食結果 : 貓貓鍾意食到 . . . . . 當我都想試食一小粒時，未及放入自己口裏，蘿蔔貓貓已經衝到我面前搶住食。為免俾貓貓毀容，我唯有唔敢偷食。

貓貓也瘋狂

我甚少買小食給貓貓，因為坊間的小食有太多的味精，對貓貓的健康不大好。Pattyhouse 最近入了新小食，由美國直接入口的 Cat-Man-Doo Dried Bonita Flakes。我參考過網頁 http://www.catmandoo.biz/，此貓貓小食 100% 天然無添加，無味精，無人造色素，無防腐劑，高疍白質，低脂。聽 Anna 講，她家中眾多貓貓，只有兩隻貓貓不大喜歡，其餘十多隻貓貓簡直 "勁鍾意食"。

於是我上星期五買了兩盒回家，一打開 sealed packing，貓貓已經一擁而上，我家全部貓貓都搶住食。我同蘿蔔佬用齊四隻手都未能滿足五隻貓貓的為食行動，Mike 更跳上梳化， 直接將頭 "ong" 落小食兜大啖食。如果我們不加以阻止或不停止餵食行動，相信一盒 bonita flakes 可於十五份鐘內一掃而空。

蘿蔔貓貓話：我為 flakes 狂！

Weekend Shopping

Shopping 是會上癮的, 越買越開心, 越開心越會繼續買。

貓貓的收穫：

Pattyhouse Shop

罐頭

Pattyhouse 最近入了 Applaws 罐頭，我買了其中三款味道：chicken + cheese, tuna + cheese, tuna + shrimp，每款買了四罐。

測試結果：第一晚開了 tuna + cheese，貓貓全部清兜，食得快的 Huey 仲要搶埋其他貓貓的食物。

三文魚油小食

同我上次介紹的三文魚油同一牌子，效果亦一樣，可以改善貓貓的皮膚及毛髮情況，亦可以有助增加貓貓的體重，對於不太喜歡淨食三文魚油的貓貓，這款小食是另一個選擇。

測試結果：小食十分 crunchy，可以 "meet" 成小塊餵貓貓，亦可以 "meet" 碎加入乾糧或濕糧入面。我家貓貓喜歡當小食吃，連抗拒三文魚油的 Mike 和 Milk 都搶住食。

Cat Teaser

又一款橡筋加閃閃波的貓貓棒，今次呢款條橡筋粗了後多，經過貓貓多日來的又咬又拉，貓貓棒仍然完好無缺。

測試結果：貓貓勁玩，Huey 咬住唔放，Botti 就成日偷走自己玩。

咬到成條橡筋都係 Huey d 口水

賊仔偷野

同哥哥一齊分享 "賊贓"

O.I.C. Shop

Cat Teaser "Da Bird"

聞名已久的 "Da Bird" 終於在香港有代理，代理的店舖竟然好近我屋企，於是我一口氣買了兩支，一支當然係買俾我家貓貓，另一支係買俾 Ingrid 小妹妹，等佢可以係 "安全距離" 同屋企的羊毛貓 "玩到癲晒"。

測試結果：名乎其實，無一隻貓貓唔會玩到癲晒。

連 Huey 都搶住玩

追住玩

又跳又撲

蘿蔔伉儷的收穫請瀏覽 "隨心 ... 隨意 ..... 隨時拍 .......... http://lifeatsnapshot.blogspot.com/"

三文魚油

前天去了 pattyhouse, 店主 anna 推介新到產品 - kronch 挪威三文魚油, 對貓貓的好處: 潤澤毛色, 增加毛量, 軟化毛質, 改善敏感皮膚, 增強免疫力.

anna 每次加入新產品前, 一定會用自己的貓貓作試驗品, 所以這是我一直以來都這麼信任 anna 推介的產品的原因.

今次這款三文魚油, anna 家中的貓貓已經食用了兩個多月, 剛巧前天 anna 帶了其中一隻貓貓到店舖沖涼, 所以我可以親眼驗証到三文魚油的功效. 九月貓展時見到該隻貓貓毛質較為乾硬, 毛量較少. 現在眼前的貓貓毛量明顯增加了不少, 毛質亦十分柔順. 之後 anna 亦向我示範如何餵貓貓食三文魚油, 每 10 lbs 貓貓的份量是按一下 pump, 可以直接按入貓貓口中, 或按入糧兜, 或溝入濕糧中食用. 眼見 pattyhouse 所有貓貓都 "搶住食", 於是我亦買了一支回家, 希望可以藉此改善我家貓貓的皮膚及毛質問題.

試食結果: 只有 botti 可以直接用湯匙餵食, 其餘貓貓較為抗拒魚油味道. 為了可以改善貓貓的毛質及增強免疫力, 所以我用了少少 tricks 去氹貓貓食用這款三文魚油. huey 要溝入濕糧食用, mike 及 milk 要用湯匙再溝平時最愛食的營養膏食用. (備註: anna 說如果想省卻這些步驟, 最快夾妥的方法就是直接按入貓貓口中.)

現在我家貓貓全部都開始每天食用這款三文魚油, 相信在未來的月內, 我家貓貓的毛質及皮膚問題會得以改善.




(按一下圖片可以放大)

潮流興纖體

人人都話要纖體, 我就一於逆流而上, 幫 Botti 增肥.
Pattyhouse 推介新到貨品 meg-a-cal 增肥膏, 每支 $75, 一隻貓貓應該可以食到 2 至 3 個月.


質感係 "稀" 的, 香味都幾吸引.


每 10 磅貓貓每日餵食一湯匙 (tablespoonful), 我驚貓貓一下子營養過多, 所以每次都係餵半湯匙.


由開蓋到倒出增肥膏, Botti 全程企高身及到實.


蜂擁而上, 場面失控. (註: 平時我會靜雞雞同 botti 呢埋係廚房餵佢, 今日為咗影相 . . . . . 其他貓貓竟然俾 meg-a-cal 的香味吸引到要搶食, 後來我都俾其他貓貓試一下, 試食結果: 全部貓貓都勁鍾意.)

十秒內, 食到乾乾淨淨無得淨!

掃貨記

Pattyhouse 有好多又靚又好玩的 cat teaser, 大部份來自美國及歐洲, 部份更是貓展評判之最愛款式. 所以每次當我想買新 cat teaser 時, 一定去 pattyhouse . . . . .


又紅又綠, 外型有 d 似迷你版的新潮雞毛掃. 試用後報告: 貓貓好鍾意咁搶眼的顏色.


摸落好柔軟的毛毛棒, 掃落面都感到好舒服. 試用後報告: 我未捨得俾貓貓玩.


外型十分可愛的橡筋棒, 顏色夠搶眼. 試用後報告: 貓貓咬住毛毛球唔肯放.


好攪鬼的貓棒, 毛毛球有隻眼, 配合就快來臨的 "哈囉喂" 節日. 試用後報告: 未俾貓貓玩.

除咗貓貓棒, 當然要買令到貓貓至 high 的 catnip .

唔買呢樣, 貓貓肯定唔俾我返屋企.

貓貓最愛 almo nature 的 salmon & carrot 味 + tuna & shrimp 味

貓貓最愛 ProPlan 的 urinary tract health formula + weight control