貓豬美容

冬天過去了，又是貓豬要沖涼的時候。

朋友在柴灣設有貓咪美容工作室，內有貓咪專用海景休息室。

Milk 公主享受 spa 中

一向胆小的 Huey 王子亦樂在其中

貓咪去旅行

話說 Huey 王子話要去旅行，於是找來名牌 mini case 才襯得起王子的身份。

貓咪去旅行，當然只需要帶一樣東西就足夠！

出發喇！

朋友問：Huey 去那裏旅行呢？ 

Hmmm ..... 其實 Huey 去了客廳旅行呀！

美容日

又到貓貓要做美容的日子了。

 Huey 濕水後，有即時瘦身的效果。

Milk 濕水後，仍然是美麗 Milk 公主。

獅子王 crossover 公仔麵

Huey 年青時擁有一身又長又厚的披毛，完全是一隻「獅子王」。隨著年齡的增長，披長變薄了，但仍然保持著「公仔麵」的鬈曲度。

是日 Huey 美容日 @ Pattyhouse。

今個聖誕貓豬做過乜

一時兩兄弟瞓

一時兩兄妹瞓

有貓繼續 chok

有貓時刻都咁溫柔

日日唔係食就係瞓，肥仔 Botti 越來越肥了。

高牀軟枕

蘿蔔貓豬最識嘆，佢地瞓覺嘅床係太空枕頭，連平時都要霸埋我地張太空床墊。

乞丐王子

My Prince Huey - 天氣轉涼，貓豬的披毛又長又厚，容易打結的長鬈毛 Huey 王子，變成了乞丐王子。

我的 Huey BB

就快 10 歲的 Huey，仍然是那麼 baby face。

超強颱風「天兔」襲港

「天兔」開始打到嚟！窗外吹到＂焚焚＂聲，Huey 欣賞緊窗外＂風+景＂。

 

衰貓 vs 乖貓

Botti 曳到無朋友，成日蝦蝦霸霸。佢今日仲打細妹，打到細妹好唔開心。

Huey 乖到無朋友，只因佢太細膽。俾其他貓打又唔識還手，行雷閃電又會驚到呢埋係書柜其中一格。

Huey BB 的最愛

Huey BB 最愛食新鮮蟹肉，每次佢聞到我地食蟹，佢一定要食埋一份。

1）扮可愛的為食樣
2）等不及自己跳上餐椅
3）食啖蟹肉之後話「好~好~味~呀！」

想嚇屎貓咩 ?

無 la la 行雷閃電落大雨，嚇到 Huey BB 趴低唔敢郁。

是日包場

今日帶咗 Huey, Milk, Jheena 去 Pattyhouse 美容，由於無其他客人的貓豬，所以是日由蘿蔔貓豬包場做美容 !

美容後的香香 Milk 公主

美容後的 Huey 由於披毛要等幾日先會鬆返起做 Lion King，剛剛沖完涼會特別傻仔樣，暫時做住 "豬肉鬆" 王子。

Jheena 今次只係梳毛，因為上次做完美容返屋企之後，俾短毛組的惡霸打到飛起，慘慘 !

長毛組

爸爸去街街ing，媽媽搓包包ing，兩條友仔 play fighting！

八卦豬

爸爸幫＂木棋子＂抹油期間，有隻貓豬八卦ing 喎 . . .

邊個咁八卦，Huey 是也 !

Huey BB

Huey 雖然已經 8 歲多，間中都會擺個 BB 樣。

颱風下的貓豬

T8 前趕返屋企，所有窗口全部打直角開到盡，窗台及近窗的地下全濕，貓籠仲有少少水浸。風大雨大，風聲＂逢逢＂不停，差不多全部貓豬都驚到搵地方呢埋，Jheena 可能驚水浸跳上最高櫃頂。

除咗 . . . . . 肥仔 Botti 仲可以玩到 high high！

首先我去抹貓籠裏面的積水時， Botti 成隻攤係貓籠，用自己個身去 "吸水"，攪到成身濕晒。 跟住我去關窗時佢又飛過來吹風淋雨，趕都唔肯走。我已經好忙咁要同颱風角力，千辛萬苦用支爬山拐杖想鈎返隻窗返來，肥仔就成個身挨住窗口，真正的＂任狂風吹往面上，任雨點打在身上＂！仲週不時極速狂奔，由房跑出廳，又由廳跑返入房，仲要邊跑邊叫喎。



Botti 簡直曳到呢 !

Huey 例牌好驚，縮埋一角，我要將貓籠用布遮好，等佢有安全感，可以放心係籠裏面欣賞雨景。

貓頭鷹

Huey 陪緊住我睇 "蝦你波特"，無 lar lar 開始飛機耳，仲要勁平機翼，唔通佢想嘗試收埋對耳仔，做「貓頭英」？
 

Huey 撲蝶

呢排每論日與夜都有幾多飛飛 (廣蠟蟬翼) 入屋，昨晚 Huey 首先企定定及實佢地的去向，然後 analysis 下自己可唔可以撲到蝶，結果有隻飛咗去電視面, Huey 即刻好輕盈咁跳上柜面，企直個身，用雙手去撲蝶。

細膽 Huey

師傅安裝抽油煙機ing，細膽豬 Huey 好驚ing。