寵物展收穫

全部都係新產品：

1）The Innocent Cat 英國製造的雞肉+鴨肉+貓草小食，貓豬們超愛，入貨 20 包。

2）AVP 英國品牌的無穀物主食罐頭，全港獨有的「雞肉+龍蝦肉」及「雞肉+雞軟骨」，入貨 12 罐。

貓豬們話全部食品都必需要經過嚴格挑選才可以放入口。

餐餐清兜

朝早未夠八點，頭圍已經用饍完畢。

蘿蔔佬要加油！貓豬每日兩餐嘅罐罐靠曬你喇！

勞動星期日

今早下大雨，現在又出太陽。無論晴天雨天，一早跟短毛組約定好，今天就是沖涼的日子。

再一次要讚這個風筒，以前用過低 watt 慢速風筒，又用過高 watt 髮型屋專業風筒，貓豬們都會避開吹風，每次吹毛最少一小時。

自從用了這個風筒，無論長毛組及短毛組，全部都坐定定任吹毛，每次吹毛半小時就完成了。

記得品牌初賣廣告時，標榜這風筒吹出「自然風」，怪不得貓豬們從此不怕吹風筒了。

High 爆星期天

這個是 king sized pawbreaker！一個直徑 6cm 的貓草（catnip 亦即貓大麻）球，令到蘿蔔貓豬們渡過了一個 high 爆嘅星期天。

Cat's Mansion

因為蘿蔔貓豬們鍾意做露宿者，即是最愛瞓紙皮是也，所以我經網上寵物店購入日本的紙箱貓屋。

入得蘿蔔屋企個門口，就要預咗俾佢檢測過。

蘿蔔露宿者之家。

貓豬都會驚

政府強制驗窗計劃，全屋鋁窗都需要維修，全部貓豬都喊晒驚，唉！

朝早將最細膽的兩隻長毛組，送了去朋友店做美容，否則我真係驚佢地會心臟病發。

冷氣開放中

酷熱天氣警告之下，全日冷氣開放的日子又到了。

貓豬盆

新買呢個好似乳豬盆的「貓豬盆」成為蘿蔔貓豬們的大愛呀 !

其實呢個係貓抓盆，質地軟綿綿，瞓得又抓得。款式有長方形及圓形，同樣都有兩隻貓耳。圓形加一對貓耳，睇落更加似一個貓頭。長方形的設計，貓豬會瞓得幾舒服。

結果，長方形圓形我都買晒返屋企 !

小霸王明明自知肥過頭唔夠佢瞓，佢都要打走家姐打走細妹，就算瞓得唔舒服都唔要讓人地。哼 !

蘿蔔貓豬的卡片

如果真係印成卡片，唔知派俾邊個呢 ? 唔通要派返俾其他貓貓 ?

蛋形寵物屋

太空船降落了蘿蔔貓部屋 . . . . . 

床戰

人貓爭床大戰

Jheena - 第一行右邊
Huey - 第一行中間, 第三行中間
Milk - 第二行右邊, 第三行中間

週末 @ 蘿蔔貓部屋

Botti - "夾瘦 D" 纖體ing

Milk - 同妹妹玩 "僕呢呢"

Jheena - 呢埋嚇家姐

Huey - 守住廚房門口等食ing 

貓貓的 fine dining

為咗呃蘿蔔貓豬食三文魚油，用盡心思，今餐係三文魚油撈罐罐，topping with cat-man-do 及白灼海中蝦。

結果當然係清晒兜啦 !

富貴晚餐

貓豬是日富貴晚餐 - 白烚游水海蝦 + almo nature 鷄肉罐罐。

呢碟係 Huey BB 專用的 ^_^

呢碟係另外四隻貓豬的。

四隻貓豬，佢地知道一人一份，有 D 食完就行開，有 D 食完會幫隔離果個一齊清兜。

另類貓床

記得買過幾張寵物用的睡床，只有其中一張有貓肯瞓下。反而我同蘿蔔佬平時用的大 cushion，佢地就成日都霸住晒。

亞仔要霸，點少得佢份呀!

亞女又霸 . . .

連小妹都要霸，仲要瞓得好有型 ^_^

 

小霸王 - 兩兄妹一齊霸晒兩個 cushion !

貓貓體重排行榜 2012-02-15

Huey - 10.2 lbs (標準)
Milk - 10.8 lbs (超重)
Mike - 14.4 lbs (超重)
Botti - 15.2 lbs (超級超重)
Jheena - 8.4 lbs (標準)

"乾物貓"

日劇 "螢之光" 裏面的 "乾物女" 最鍾意係屋企拎 D 報紙當被冚。唔通蘿蔔貓貓陪我睇得呢套劇集太多，變咗 "乾物貓" @_@

蘿蔔佬失眠夜

話說蘿蔔佬開心地預備同短毛組瞓覺，佢話好耐無俾短毛入房瞓喎。FINE！關燈後，mike 首先一野跳上蘿蔔佬心口，成個頭 ＂hon＂埋去爸爸度要咀咀喎 ^3^，之後繼續用成身十幾磅的重量集中係四隻腳，企係爸爸心口。

半夜輪到 jheena 出招，懶 sweet 咁瞓係爸爸枕頭，幫爸爸塊面＂四腳按摩＂，為免被毀容，蘿蔔佬唯用隻手擋住！

跟住臨天光 4：30AM，botti 仔仔壓軸出場！一個大 pat pat 瞓落爸爸枕頭，仲要個 pat pat 越＂bell＂越過，最後蘿蔔佬個頭跌出枕頭以外 ! 哈哈哈 !

無辦法之下，蘿蔔佬決定要換出短毛換入長毛，終於有覺好瞓！

夏天吃野味 ???

話說今朝一早就見到一隻三角型的飛飛，幾年前有網友話我知這款飛飛不是蛾，應該叫 "廣翅蠟蟬"，素食者，即是只吃葉子。每逢到春夏季節，經常有 "亞蟬" 飛入屋內或停留在玻璃窗外面，前年最高記錄是一晚發現數十隻在窗外 . . . . . 好嚇人 !
話說回頭，"亞蟬" 昨晚已入屋，今早我見它停留在窗台的玻璃窗上，貓貓對它亦不作理會。我還以為經過了一個晚上，貓貓與 "亞蟬" 已經將對方 add 了 入 friend list . . . 哈哈哈 ! 怎料 . . . 突然聽到有貓撲窗的聲音，即時我已望向窗台，發現 Mike 眼甘甘望住雲石面，而 Botti 就正在 "lam lam 咀"，再望向玻璃窗，"亞蟬" 已經消失得無影無踪 !

亞仔，天時暑熱，你晨咁早就食野味，你唔怕流鼻血咩 !

突圍成功

蘿蔔短毛貓昨晚又一次突圍成功！

話說每晚我地入房瞓覺後，Botti 會不停跳高拍打 door knob 想開門 . . . 結果昨晚俾佢成功地 "打" 開門。Mike 同 Jheena 靜靜雞入咗房我地都唔知 . . . 直到 Jheena 細細聲喵我地，我地即時嚇醒。

好彩今次佢地同 Huey 的 encounter 天下太平，上次我地係半夜俾 Huey 被 Mike 狂咬的慘叫聲嚇醒。
話時話，Botti 真係好醒目，打開門之後佢無入房喎。