是日包場

今日帶咗 Huey, Milk, Jheena 去 Pattyhouse 美容，由於無其他客人的貓豬，所以是日由蘿蔔貓豬包場做美容 !

美容後的香香 Milk 公主

美容後的 Huey 由於披毛要等幾日先會鬆返起做 Lion King，剛剛沖完涼會特別傻仔樣，暫時做住 "豬肉鬆" 王子。

Jheena 今次只係梳毛，因為上次做完美容返屋企之後，俾短毛組的惡霸打到飛起，慘慘 !

Grooming Day @ Pattyhouse

天氣無咁凍，臭臭貓豬係時候要沖涼啦! 首先帶咗 Huey + Milk 去 Pattyhouse 美容，待下星期 long weekend 就自己幫短毛組沖涼。

成個冬天都無幫佢地沖過涼，所以全部變晒乞衣仔乞衣女，表面的披毛還可以接受，底毛就積埋好多死毛。

梳出來的死毛，係咪好似羊咩咩俾人剃出來的羊毛呢 ^.^

 

同場加影 Pattyhouse 新店長 Coco 小姐。

濕水貓豬放入烘毛機慢慢烘乾 D 毛。

美容後，Huey 變了 (出前) 一丁王子。

美容後，Milk 變了香香公主。

AXXPET 網上寵物用品店

話說上個月打電話想訂貓糧兩包，A 牌子無貨，好啦咁我淨要一包 16lbs B 牌子貓糧，佢不停叫我訂兩包，我話我無位放兩包 16lbs。跟住又叫我買某日本牌子小食，我話我 D 貓唔食小食。跟住叫我買罐頭，我話我 D 貓都唔食濕糧。跟住佢話點都買 D 啦，我又 repeat 我都話我 D 貓唔食囉。佢問係咪即係淨買一包 B 牌子 16lbs 貓糧，我話係，約第二晚送貨。佢話第二晚無期喎，不如星期六好嘛 ? 我話好啦，跟住佢又問我仲有乜野要買，我話無，要住一包 16lbs 貓糧先，等 A 牌子貓糧有貨到時再買。跟住佢即刻話星期六都無期喎，呢排佢地都無晒期，未知幾時可以送貨喎。

##$$*@#@^#*!@($^%#$

咁多年來我差不多每個月都向佢地訂貨 HKD1,000 - HKD1,200 ! 今次由於佢地貓砂無貨，貓糧又缺貨，我只可以買一包 HKD3XX 的貓糧。電視廣告話 HKD100 都送貨，點解今次要拒單呀 ! 其實佢地的貨唔係最平，貓砂仲貴過其他網上店，貓糧只係平十元八塊，我個個月同佢地訂貨只因為佢地貨品齊全，我可以一次過訂晒貓砂 & 三個牌子的貓糧。既然而家佢地的態度咁寸，我無謂俾錢佢賺仲要受佢氣，所以我決定以後都唔會幫襯呢間 AXXPET !

美容日

星期六帶咗 Huey 去 Pattyhouse，例牌一整就差不多成日，皆因羊毛貓唔可以用吹風機，要花時間慢慢去 "烘" 乾 d 毛。Huey d 毛又多又厚，每次 grooming 最少要 5 小時，最高紀錄係 7 小時。

期間蘿蔔佬話悶，於是去咗每一個男人都去過的地方 . . . . . 鴨寮街，而我就攞住部相機影東影西。


靚靚短毛貓囡

蘿蔔佬係度 "點" 緊 d "貓 lan" 做事 . . . . . "嗱, 你去換過 d 貓糧, 你去抹玻璃窗, 你就去剷屎啦 !"

Pattyhouse 新返的 catnip 產品，隻 catnip 老鼠好可愛。

我家貓貓喜歡食的 applaws, 我又入咗貨。

最喜歡呢盞水晶燈

Huey 大版 + Huey 迷你版

Grooming Day @ Pattyhouse

Pattyhouse 的貓隻美容房係玻璃房，所以貓主可以隨時看到整個美容過程，安心又放心。

清潔耳仔 . . . 



剪指甲 . . .



邊搽 shampoo 邊替貓貓按摩 . . . 爽呀! 喵!






Pattyhouse 用全套美國名牌 Jerob 沖溶產品。



仲有 Groomer's Goop 去油 cream



Huey 好緊張，雙手抓到實一實。



開始沖水了 . . . Huey 話驚驚呀!



整個沖水過程，Huey 不停喊救命 ! ! !



Huey 見無人救援，唯有接受事實，乖乖地就範。

Patty House

Patty House 專門售賣高品質寵物食品及用品，兼有貓隻美容服務。


今天我帶了 Huey + Milk 到 Pattyhouse 做美容。Huey 一放出來就驚到呢埋，呢咗係邊，睇唔睇到呀?


Close up! 原來 Huey 呢埋咗係貨架入面 . . .


未到 Milk 沖涼，唯有放入貓房 VIP 玻璃房等一下。


大貓房住咗 Pattyhouse 的 PR 貓 Mike . . . 好 cute 呀!


Mike 跟 Huey 是同父同母唔同胎的兄弟 ^_^


大貓房仲有住咗 Pattyhouse 店長 Hobo . . . 好英呀!