冷氣開放中

酷熱天氣警告之下，全日冷氣開放的日子又到了。

高床軟枕

 

用兩個大型羽絨 cushions 叠在一起，Milk 公主一定瞓得好舒服。

慳錢貓玩具

又到介紹慳錢的貓玩具︰

1)  更換浴簾時，可以繼續使用舊的浴簾環，將新的一批做成貓玩具，每兩個環扣上成為一組。貓貓會咬住週圍走，又或會將之踢去遠處，然後自己跑去捉住，自得其樂。

2)  膠製的軟身捲髮工具，仲可以一分為二，貓貓會踢來踢去，又會咬住週圍走。

極速變面

好犀利的「變臉」功夫 !

前一秒 ! 

  
後一秒！

衰豬樣

難得我放假一天，貓豬們竟然日光日白都瞓到豬仔咁，無貓理我喎。見到 Botti 瞓到撐晒手腳出來，我終於忍唔住要 meet 下佢手板腳板肉。

俾我攪醒咗的 Botti，即刻樣衰衰咁。

S 身型

眾多蘿蔔貓豬之中，Jheena 的身型最 fit，皆因佢擁有美麗的 S 身型。

Botti 最強

Botti 邊樣最強 ? 佢最叻就係反肚扮可愛囉，有時仲要同場加映扮埋彊屍仔。

妹妹復仇記

我終於見証咗「見到後面就憎到前面」呢句說話！

話說 Botti + Jheena 一齊俾我趕出廚房，Botti 行先，Jheena 隨後。Botti 行咗五步左右，Jheena 就一支箭衝前跳高一野 「kok」Botti 個頭！肥仔嚇到呆咗！

貓豬盆

新買呢個好似乳豬盆的「貓豬盆」成為蘿蔔貓豬們的大愛呀 !

其實呢個係貓抓盆，質地軟綿綿，瞓得又抓得。款式有長方形及圓形，同樣都有兩隻貓耳。圓形加一對貓耳，睇落更加似一個貓頭。長方形的設計，貓豬會瞓得幾舒服。

結果，長方形圓形我都買晒返屋企 !

小霸王明明自知肥過頭唔夠佢瞓，佢都要打走家姐打走細妹，就算瞓得唔舒服都唔要讓人地。哼 !

Botti BB

相信好多朋友都未見過 Botti bb 樣同埋 Botti 曳 b 樣。正所謂「三個月定八十」，三個月大已經好曳樣，到八歲十歲時，我肯定佢仍然係全家最曳的貓豬。

三無

Botti 係「三無」人士，無頸，無腰，仲要肥到無朋友。哈哈哈 . . .

邊個夠我「醉」

原來形容人地飲醉酒的「醉貓」一詞係有根有據的，睇下 Botti 的坐姿，猶如一隻飲醉酒的貓豬。

黑炭頭

蝦蝦霸霸黑炭頭，好想 dup 佢！哼！

今朝早，Jheena 瞓係梳化好舒服樣，Botti 可能唔抵得埋去打走佢。跟住 Jheena 唯有瞓係地下，Botti 又衝埋去兇佢，嚇到小妹呢埋唔敢出來。之後 Botti 竟然大模斯樣跳上貓樹頂瞓覺覺，我真係好想 dup 佢呀 ! 

可愛仔

為咗増加收視，Botti 今次就扮可愛仔。睇見佢企係度的姿勢，兩隻手仔合埋企得好斯文，一 D 都唔佬喎。

點解我會咁靚仔

媽媽：亞仔，你又阻住我化妝！
Botti：媽媽，我之不過想睇下點解我會咁靚仔啫。

Home Alone - 貓豬篇

Home Alone 貓豬篇 - 爸爸上班去，媽媽搓包中，貓豬們唯有 ZzzZzzZzz . . .

 「貓太極」- 天氣寒冷，最好痴住一齊瞓。

探訪 CurlyBurly 貓星球

上週末聯同眾貓友們再訪羊毛貓星球，同行有兩位愛貓的新朋友。

十分掛念我至愛的 Ranne。

Charlie 爸爸慘被剷去又長又厚的披毛，誰之過 !

跟我家 Huey 同胎的 Oliver，兩兄弟都遺傳了 Charlie 爸爸溫柔的性格。

跟我家 Botti 同胎的 Wills，兩兄弟都有各自的私家枱面。

難得有兩位王子的合照，我寵愛的奧利華王子 + 我欣賞的蛋撻皇子。

原來蛋撻皇子都有很多貓粉絲。

Photo credit: 哈利波波

奇怪的睡姿

點解呢個囡瞓覺一定會 gut 起 pat pat 瞓，呢個睡姿舒服咩？

復活節貓豬

復活節四天的假期，蘿蔔貓豬們一如往日，日日瞓 + 食 + 等食。

Botti 竟然好乖咁坐定定，陪我係廚房搓包包喎。

Milk 公主嘆住冷氣咁瞓。

Botti 鍾意 "吊吊 fing" 住隻腳攤抖。

唔知點解 Jheena 咁鍾意 gut 起 pat pat 瞓覺。

私家餐枱

Botti 啱啱瞓醒，係度 lam 毛，順便開定張私家枱面（肚腩）預備開餐，佢個肚腩大到可以放一湯兩餸 !