天然貓糧

一直以來都希望蘿蔔家庭的貓貓可以 "活得開心，食得健康"，所以我經常會購買新出的貓玩具及天然貓糧。

多年來曾嘗試過餵不同牌子的天然貓糧給蘿蔔貓貓食，可能天然貓糧較為 "淡口"，所以貓貓都是 "聞下就算"，肯咬一兩口已經算 "俾足面子" 去應酬我。試過的牌子有 Natural Balance，Chicken Soup，Pinnacle，Wellness， Felidae ，California Natural ，結果是全部貓糧都送給了義工團體。蘿蔔貓貓最肯食的只有 Hill's Nature Best，可惜此糧並非真正的天然糧，而且貓貓食多了會變成肥貓，所以我唯有將 Hill's Nature Best 溝 Proplan Indoor 或 Weight Management 貓糧。

最近 Pattyhouse 新進口了美國天然貓糧 Evolve，於是我買了一包 Maintenance 成貓糧回家給蘿蔔貓貓嘗試，結果 . . . . . 五隻貓貓都鍾意食，未到一個星期已經清了整袋 3 lb 裝的貓糧。

Evlove Cat Food - Maintenance 成貓糧
http://www.evolvepet.com/catmain.html

多愁善感貓詩人

又到打風落雨的日子，Huey 最開心，因為佢最愛 "睇雨"，興起時佢又會 "捉雨"。

Huey 係咪好似一個多愁善感的詩人呢 !

貓貓專用化粧箱

每星期我都要幫貓貓梳毛剪指甲兼清潔眼耳口鼻，每次清潔前都會用一個托盤放上 oral gel，eye cleanser，ear cleanser，eye envy，nail clipper，comb，scissors，cotton balls，cotton pads，Q tips。偶一不慎就會跌到一地都係清潔用品。

上次見到 Anna 幫 Botti 美容時，所有架撐全部放入一個大型化粧箱裏面，真係一個好主意。於是上週末我都買咗一個專門放貓貓美容用品的中型化粧箱，日本入口，人手製造，所以好輕身，又防水。

以後我幫貓貓預備梳毛清潔時就唔駛 "lai 咁 hea" 囉。

無有怕

Jheena 陪 Botti 到 Pattyhouse，Jheena 一 d 都唔怕陌生環境陌生人，一出貓袋就玩到傻晒。不停跑來跑去，不停同眾姐姐們玩毛毛棒，間中又停下來讓 Ken 哥哥拍照。

呢張文靜靚女相就係 Ken 哥哥幫 Jheena 影的，thank you Ken !

扁面貓

有人話 Jheena 似扁面貓喎 . . . . . 乜真係似咩？

變面之 Botti 篇

早兩年 Huey 的一張變面相片，曾經有朋友以為係合成相片，可以想像得到 Huey 的變面功夫好掂。

今次輪到 Botti，唔知他的變面功夫又有幾掂呢？

變面前 . . .


3 . . 2 . . 1 . . 我變！

羊咩咩的下場

昨晚放工返到屋企，一打開睡房門就發現小羊咩咩慘遭毒手，大羊咩咩未能及時伸出援手，傷心過度繼而暈倒。



法醫話，按照小羊咩咩發漲程度，事發應該超過三小時。


疑犯一有野講：一屋不能藏二美，尤其是奶白色毛的靚女。


疑犯二都有野講：我最憎係短毛，尤其是短毛羊毛的物體。

貓貓體重排行榜 2008-07-08

Huey - 9.6 lbs (較個多月前重了 0.2 lbs) - 希望 Huey 可以增肥成功，目標係 11 lbs。

Milk - 10 lbs (較個多月前重了 0.2 lbs) - 希望 Milk 可以減肥成功，目標係 9 lbs。

Mike - 12.2 lbs (無變) - Mike 的體重尚算標準，不過外型就有個細肚腩。

Botti - 11.6 lbs (較個多月前重了 0.2 lbs) - Botti 的體型較大隻，應該仲可以重多少少就 perfect 啦。

Jheena - 9 lbs (較個多月前重了 0.8 lbs) - 回想當初 Jheena "瘦炆炆"，模特兒的身型，從來唔鍾意食幼貓糧，只肯食成貓糧，而且食量又唔多，曾經為佢擔心過。到而家 10 個月大，開始越來越大食，每隔幾分鐘就會自動自覺去食少少乾糧，密密咁食，攪到變成肥妹身型。

今日 high 咗未

上星期 pattyhouse 返咗新的 catnip toy . . . . .

雪茄

萍果

檸檬

香蕉

黃魚，綠魚，鯊魚

貓草玩具色彩繽紛，貓草味勁濃。

我買了一個萍果同埋一條鯊魚，支持環保 BYOB 的我，將呢兩件野就咁放入我個手袋裏面。當晚一返到屋企，三隻短毛緝私貓直刻出動，左索右索，mike 同 jheena 仲未知道氣味來源。結果 botti 一馬當先，一個肥大身軀由高而下飛撲落我個手袋上面，我的 MMJ 手袋當場被壓扁。

試玩結果：全部蘿蔔貓貓對呢兩個貓草玩具百份之二百咁有反應！

huey 直情攬實條鯊魚慢慢嘆，盡情 high，係咁 "lam" . . . . . 去片 . . . . .

http://www.youtube.com/v/Ji3GQaQUY40

Jheena

Jheena 已經榮獲 "最頑皮蘿蔔貓貓" 的名銜。


閒時最愛扮斯文


扮可愛


唔攪鬼時就最愛瞓覺

或者 "目及" 實 Huey 哥哥

Botti

八卦貓


仲要越 “訌” 越埋喎

之後就俾個 "唔耐煩樣" 我睇啦，huh！

Milk

Milk Milk 最愛瞓覺，無時無刻都係度瞓覺。

Mike

Mike Mike 越來越懶，於是佢的 “羅友” 亦同時越來越大 . . . . . kakakakaka . . . . .

眼中貓

蘿蔔人眼中的 botti 。

Me-ow, The Professional

這班殺手不太冷 !

自從被 "廣翅蠟蟬" 開始入侵之後 ，蘿蔔屋企間唔中都會有 "屍體發現" 事件。有時係 die twisted (死到扭曲埋一舊)，有時係 die flat (死到扁直)。

話說今早係客廳中央發現一具 "無翼 die twisted 屍體"，經過我蘿蔔人初步觀察，斷定受害者並非近期經常遇害的 "廣翅蠟蟬"，因為屍體上明顯可以見到有一支 "針"，所以我懷疑受害者係一隻近日早上愛徘徊於窗外的一隻 "大蜂"。

後註：蘿蔔爸爸剛剛得悉此事，話要獎勵呢班貓殺手，今晚一於開罐頭食大餐。

放假三天

放咗三日假，蘿蔔家庭做過 d 乜呢？

蘿蔔貓貓：例牌 -- 吃喝玩樂大覺瞓
蘿蔔伉儷：ditto 同上 . . . . . 哈哈哈 . . . . .

其實蘿蔔伉儷襯住三日假期，抽出其中一日幫 milk milk 同 mike mike 沖咗涼。


沖涼後，milk milk 變得又白又滑，簡直係 "香香公主" 呀！

沖涼後，mike mike 變得勁 luen 毛呀！

廚房 -- "預備中"

貓貓真係好聰明o架，佢地識得分辨出我地係廚房入面究竟預備緊人的晚餐抑或貓貓的晚餐。

昨晚蘿蔔佬係廚房同 d 大大隻的羔蟹拼搏中，先用刀劈，之後又要喺柜底揾個大煲出來蒸蟹用，攪到 "砰砰嘭嘭"。

大部份貓貓都瞓緊覺，就算攪到 d "煲煲撐撐" 嘈到拆天，佢地都懶得理。

唯獨 huey 變咗一隻長頸貓，係廚房門口等到頸都長晒，(有無見到佢真係伸長咗條頸咁裝入去) 只因為蘿蔔爸爸係廚房入面煮緊 huey 的至愛食物 -- crab ah！

undercover mouse "二五鼠"

Pattyhouse 又返咗新玩具，今次呢個玩具叫做 undercover mouse，我叫佢做 “二五鼠”，哈哈。

呢個玩具得到美國的寵物玩具設計奬冠軍，好啱好奇心重或八八卦卦的貓貓玩。如果屋企的貓貓係懶貓的話，都可以利用呢個玩具吸引佢走多幾步。


botti：乜傢伙嚟o架？
jheena：(大驚少怪地大叫) 哎吔 . . . 會郁o架！！！


botti：我襟住先，隻老鼠係我o既。
jheena： 係我睇到佢先，隻老鼠應該歸我所有。

蘿蔔貓貓示範片段 . . . . . 去片 . . . . .

短毛貓第一 round，先玩羽毛尾，玩到顛晒喪晒，最爛玩係 jheena，玩到成條羽毛搶走要獨佔喎。
http://www.youtube.com/watch?v=QmGt2hyx_Mk

短毛貓第二 round，今次俾老鼠尾佢地玩，仍然玩到連亞媽喺邊個都唔認得。
http://www.youtube.com/watch?v=5ZIC4hsFTAM

斯文的長毛貓 huey 同 milk，對付 "二五鼠" 時係保持觀望態度，不停繞圈陪跑，最多係用手撩幾下，然後繼續觀望。
http://www.youtube.com/watch?v=uQlTuI5O3bs

小氣鬼

話說昨晚其中一隻 "飛飛" 飛咗入屋企，仲要係睡房裏面徘徊，於是我就推咗 mike 同 botti 入房，叫佢地幫媽咪 "攪掂" 佢。結果 . . . . .

數分鐘後，隻 "飛飛" die flat 咁俾 botti 係房門 lar zip 出來。

於是我打開房門入去預備讚下 botti，點知佢一見我叫佢就即刻擰開面，仲要用背脊 "得" 住我，咁我未一路讚佢 good boy 一路摸佢個頭，平時佢會好得戚咁 "gut" pat pat 兼 "fing" 尾尾，點知昨晚佢竟然 "入後波" 避開我。

唉，佢嬲我困咗佢入房喎！嘿，小氣鬼！

Animal Farm

新買咗一套 Animal Farm 毛公仔俾蘿蔔貓貓玩。

試玩結果：如相中一樣，mike 同 jheena 勁鍾意。jheena 成日咬住隻細綿羊跑來跑去，朝早仲咬住羊咩咩跳上我床俾我玩。平時多數時間係 jheena 霸住間農舍，唔准其他貓貓入屋。