極力推介 !!!!!

Pattyhouse 近期進口咗一系列獸醫推介的 oxyfresh 用品, 我買咗其中兩個產品.
http://oxyfresh.com/pet/default.asp


左: ear cleanser 洗耳水 右: oral cleansing solution 口腔清潔水


按一下相片可以放大, 清楚睇到中文的介紹.

試用結果: oral cleansing solution 好好好好好啱我用!

我家無隻貓貓肯俾我刷牙, 於是我會用 oral gel 整濕 cotton pad 捽落牙肉同牙面, 不過太入的位置去唔到. 以後唔駛嚇怕貓貓強迫佢地刷牙或用 cotton pad 捽牙, 因為呢款 oxyfresh 口腔清潔水, 可以消除口氣預防牙石牙菌膜的形成, 非常容易使用, 對於懶惰貓主人或唔准人掂牙仔的貓貓最合用. 呢支水除咗可以每天直接噴少少入貓貓口入面, 亦可以溝入水中讓貓貓喝下去, 每一湯匙 (tablespoonful) 溝 一公升 (litre) 食水.

剛巧我家中有一個 710 ml 玻璃樽, 於是我就用半湯匙溝 710 ml 食水, oral cleansing 無色無味, 同普通水一樣. 家中四隻貓貓都無發現食水加咗料, 照飲如常!

呢個真係大發現! 用簡單的方法就可以代替咗多年來要同貓貓角力的場面, 好開心呀! 今次真係 mission possible 啦!

試用結果: ear cleanser 好洗又襟用!

我好怕油質的洗耳水, 所以多年來都係用 epi 的洗耳水, 效果一般 ok 啦, 如果貓貓耳仔污糟的話, 要抹好多次先會乾淨. 呢款 oxyfresh 洗耳水清潔效果較為有效, 抹幾次已經可以去晒 d 污糟油耳屎.

epi 細支裝 $7x, oxyfresh 大支裝 $9x, 加上 oxyfresh 每次用的份量較 epi 少一半, 所以我覺得呢款 oxyfresh 真係平靚正!

溫馨提示

近日天氣較涼, 提提你地記得為貓貓提供一個溫暖的休息地方. 前年冬天我買了一個大 size 南瓜屋, 去年夏天買了兩個中 size 露營帳幕, 去年冬天買了一個大 size 菠蘿屋, 今年我就買了呢個四四方方的彩色貓屋.

諗諗下, 四隻貓貓竟然有五間貓屋, 反觀我同蘿蔔佬兩個人只有一間不足 100 呎的細房 . . . . . 原來做貓真好!


買佢的原因有二, 第一, 因為我家貓貓勁鍾意顏色鮮艷的物品, 第二, 因為佢係一間貓屋同時摺疊後會變成一張貓床, 一物二用, one price for two, 合乎經濟原則.


新貓屋一落地, Mike 第一時間跑入去賴死唔走, Milk 同 Botti 一於前後夾攻, 點都要迫佢出來.

結果係 Botti 凌空跳上貓屋用自己的重量壓住 Mike 迫佢走出來. 然後 . . . . .

Botti: 望乜呀? 呢張新床係我o架, 你地千祈咪打佢主意呀!

DIY 心意球

去年貓展首次見到 DIY 心意球, 於是做了幾個用來裝飾貓籠. 今年只有 botti 會參加貓展, 所以諗緊用 botti 的大個頭貓樣做一個 A3 size 的心意球, 下個月貓展時用.

http://www.diygifts.com.hk/gallery_index.htm

襯唔襯呀?

我地 d 貓貓狀態好時有機會係貓展攞下大奬, 咁我地 d 貓媽係未應該買返呢個姑姑袋去襯返貓貓 d 大花花呢?

虎視眈眈

Milk Milk 眼定定 . . . . . 睇緊乜呢 ?

未就係我地的色香味俱全的晚餐囉 . . . . . yummy!

孖寶兄弟

咿, 果邊好似有野睇?

原來有花生騷睇, 我都係搵個靚位坐定定先 . . . . .

貓模著上今年秋冬大熱的格仔時裝.

多謝各位捧場! 謝幕!

體重排行榜 2007-11-06

Mike 12 lbs
Huey 10.4 lbs
Milk 9.8 lbs
Botti 9.0 lbs

上次磅重是 3 星期前, M+M (Mike + Milk) 體重維持不變, Huey 重了 0.4 lbs, Botti 重了 0.6 lbs. 剛巧我 3 星期前開始餵 meg-a-cal, Botti 每天 1/2 tablespoonful, Huey 每三天 1/4 tabelspoonsful. 唔知 Botti & Huey 的增磅是否與 meg-a-cal 有關, 抑或天氣轉涼佢地不期然食多咗乾糧呢.

我一直有用 excel 記錄了我家所有貓貓的資料的習慣, 由第一天到達我家開始, e.g. 貓名, 出生日期, 品種, 顏色, CFA no., 貓父母姓名, 得奬日期, 體重磅數, 沖涼或美容日期, 打針日期, 以至到突發事件 (e.g. 癩尿), 都一一記錄在 excel file 裏面.

剛剛翻查了 Huey 的記錄, Huey 10 個月大時只有 7.6 lbs, 而 Botti 現時 9.5 個月大已有 9 lbs, 成績不錯, 可惜 Botti 仍然係同胎裏面最輕的一隻貓貓. Huey 的父母都係身型較為纖瘦的羊毛貓, 相反 Botti 的爸爸係一隻超級大舊貓, 希望 Botti 可以遺傳到爸爸的大隻身型就好了. 因為我始終認為, 藍色貓仔應該係大隻身型大舊肌肉會有型好多!

潮流興纖體

人人都話要纖體, 我就一於逆流而上, 幫 Botti 增肥.
Pattyhouse 推介新到貨品 meg-a-cal 增肥膏, 每支 $75, 一隻貓貓應該可以食到 2 至 3 個月.


質感係 "稀" 的, 香味都幾吸引.


每 10 磅貓貓每日餵食一湯匙 (tablespoonful), 我驚貓貓一下子營養過多, 所以每次都係餵半湯匙.


由開蓋到倒出增肥膏, Botti 全程企高身及到實.


蜂擁而上, 場面失控. (註: 平時我會靜雞雞同 botti 呢埋係廚房餵佢, 今日為咗影相 . . . . . 其他貓貓竟然俾 meg-a-cal 的香味吸引到要搶食, 後來我都俾其他貓貓試一下, 試食結果: 全部貓貓都勁鍾意.)

十秒內, 食到乾乾淨淨無得淨!

慈父多敗兒

蘿蔔佬花了整晚時間, 將一對高音喇叭 DIY 到完全出得廳堂見得下人. 怎料昨晚放工回家, 見到一隻喇叭已經被解體, 另一隻就搖搖欲墜. 蘿蔔佬教訓完 Botti 之後, 又花了一晚時間去將它們還原.

今早起床後, 發現其中一隻喇叭有少許偏離航道, 於是蘿蔔佬一面訓話一面整理, 蘿蔔佬對 Botti 講 "你好曵呀! 我罰你今朝無麵包食!" (註: 早餐我們多數選擇天然酵母造的英國方包, 因為可以搣少少用來餵貓貓.) 我心想: "哈, Botti, you have today!" (你都有今日!)

早餐時間到, 開餐! 我自己還未咬下第一口, 已經見到蘿蔔佬正在搣少少麵包, 然後話 "Botti, 食麵包啦!"

嘿! 又話罰佢! 真係慈父多敗兒!

2007 Hong Kong International Cat Show

每年各貓會都會舉辦貓展活動, 期望通過美國貓會的評審, 選出具代表性的貓隻們, 頒出獎項以作鼓勵. 本年度香港愛貓協會 Hong Kong Cat Fanciers' Club 主辦的香港國際貓展將於十一月十日 (星期六) 在灣仔會展舉行, 此活動除了是愛貓人士的每年盛事之外, 亦是一大型家庭同樂活動. 屆時會場設有貓隻展覽區, 貓隻評審區, 兒童遊樂區, 寵物用品購物區. 除此之外, 貓會亦安排了多個講座供入場人士參予.

喜歡貓貓的朋友, 一定不可以錯過, 因為可以一次過觀賞到不同品種的貓貓, 簡直是賞心樂事. 打算飼養貓貓的朋友, 更加不可以錯過, 因為可以有機會與各貓主或繁殖家傾談有關個別貓種的性格或其他資料.

養貓養到上癮的我, 又怎會錯過這個盛事呢! 認得我的朋友, 到時記得過來 say "hi" 呀!

又偷野 !!!!!

繼上次偷了無線 mouse 的 usb 插頭之後, 破壞王又再施展 "神偷貓影" 的技倆 . . . . .

案件一: 上星期收到朋友的請帖, 順手放入我至愛的 "姑姑" 大袋裏面 (備註: 手袋是橫度開口的款式). 第二天早上, 門口的一張貓貓專用的貓抓地毯竟然 "大移位", 然後見到 "做錯事有樣睇" 的破壞王仍然 "痴住" 犯案現場, 於是我立刻單手揭起地毯, 看到朋友的請帖, 封套已被咬去一角.

案件二: 前晚放工回家後我與蘿蔔佬出去了半小時, 前前後後只有半小時! 回家之後發覺貓抓地毯又再 "大移位", 而且疑犯破壞王正用雙手 sip 下 sip 下地毯下面位置, 於是我立刻揭起地毯, 竟然發現我的八達通咭! 其實要取得我的八達通咭都算有難度的, 因為它是放在直度插入式的 name card holder 裏面, 需要有些技巧才可以從 name card holder 中只取出八達通咭. 佩服 ! 佩服 !

掃貨記

Pattyhouse 有好多又靚又好玩的 cat teaser, 大部份來自美國及歐洲, 部份更是貓展評判之最愛款式. 所以每次當我想買新 cat teaser 時, 一定去 pattyhouse . . . . .


又紅又綠, 外型有 d 似迷你版的新潮雞毛掃. 試用後報告: 貓貓好鍾意咁搶眼的顏色.


摸落好柔軟的毛毛棒, 掃落面都感到好舒服. 試用後報告: 我未捨得俾貓貓玩.


外型十分可愛的橡筋棒, 顏色夠搶眼. 試用後報告: 貓貓咬住毛毛球唔肯放.


好攪鬼的貓棒, 毛毛球有隻眼, 配合就快來臨的 "哈囉喂" 節日. 試用後報告: 未俾貓貓玩.

除咗貓貓棒, 當然要買令到貓貓至 high 的 catnip .

唔買呢樣, 貓貓肯定唔俾我返屋企.

貓貓最愛 almo nature 的 salmon & carrot 味 + tuna & shrimp 味

貓貓最愛 ProPlan 的 urinary tract health formula + weight control

一家人

Botti 的叔叔 Max, 係一隻勁靚樣勁靚身型的羊毛貓 ^0^


橫睇掂睇, 都係覺得 Botti 勁似外公 Hobo, 尤其是神態兼表情.

唔知 Botti 大個仔後會唔會好似外公 Hobo 咁大頭靚仔呢 ?

貓貓也焗油

天氣乾燥, 一於帶貓貓去美容兼焗油, pattyhouse 當然係用 jerob 焗油.


困焗毛機困了幾個鐘, 一返到屋企要嘆冷氣嘆返夠本 . . . . . 爽呀 !

貓豬肉鬆呀 . . . . .

我美容時你地就嘆下午茶, 哼 . . . 我嬲 !

攪了大半天, 又攰又眼瞓 . . . . .

貓貓餐單

貓貓好愛你餐單

早餐: 罐頭糧

午餐: 罐頭糧

晚餐: 罐頭糧

另需長期提供乾糧

(以上餐單由蘿蔔貓貓們提供)

神氣的 Huey

難得 Huey 肯合作, 坐定定做 model, 一於影多幾張靚相相.

扮乖的 Huey.

Huey, the Lion King.

Huey 與他的最佳成績 "2nd Best Cat" in Premiership.

頑皮的 Huey

昨晚需要拍攝一些與貓有關的照片, 於是困了 M+M (Milk + Mike) 及 Botti 在房中, 本以為乖乖的 Huey 絶不會攪攪震, 怎料今次我跌眼鏡.

第一輯照片是拍兩條白色羽毛, 相機還未調較好, Huey 以最快速度跳上拍攝台, 用最八態度去面對羽毛.




當拍攝乾糧及水兜期間, Huey 毫不客氣地要 "先享用, 後拍照" 喎.

破壞王之破壞日記 - 十月篇

原本是破壞日記, 後來結局變成整古日記.

話說有一晚我們通宵開著部 laptop 放在餐枱上, 第二天早上發現無線 mouse 的 usb 插頭不翼而飛. 由於上次破壞王咬斷了有線 mouse 的 cable, 於是我們懶聰明地買無線 mouse, 點知一樣 "joe yeung". 我們搵了又搵, 搵完再搵, 仍然未能找到失物. 蘿蔔佬用恐嚇口吻同破壞王講, "我俾一日時間你交返個 usb 插頭出來, 否則 xxxxxxxx". 又過了一晚, 第三天早上食完早餐之後, 蘿蔔佬入房更衣, 我就入廚房洗碗, 我返到飯廳, 突然見到餐枱下面出現了失蹤一日的無線 mouse usb 插頭!!!!!!!!!!!

失而復得的感覺真好!

奀皮豬

Botti 係一隻既奀皮但聰明的貓豬, 除了每個月的破壞日記之外, 佢時不時都會俾我發現到有聰明的一面.

除了曉得開門鎖門之外, 近期發現 Botti 曉得 "走捷徑". 話說 Botti 同 Mike 日日都 "你追我逐", 由客廳追到入房, 由地面 play fight 上到貓樹頂. 昨晚佢地 "追戰" 期間, Mike 俾 Botti 追打, 眼見 Mike 由左邊 "sip" 入梳化後面逃亡, Botti 即時由梳化前面跑去右邊 "等" Mike 出現, 結果 Mike 真係俾 Botti 嚇了一跳! 嘩哈哈!

Botti 的加入, 令到蘿蔔一家, 從此平靜不再, 變成熱鬧非凡!

新玩具

好久沒有逛又一城, 上週末逛完鴨記之後去了又一城, HandM 剛剛開業第二天, 店外排了長長的人龍. 我喜歡 log on, 因為 clothing, accessories, pet stuffs, 樣樣都有. 結果買了三樣 pet stuffs . . . . .

(1) 震震球 (2) 皮製魚型玩具 (3) 貓型手機繩

一見到呢隻藍貓手機繩, 即時聯想到我家 Botti, 於是唔理卅七廿一, 一於要買! 大 B 見細 B.

一路震一路 look 的波波, 質地用堅固的軟膠造的, 震了一個鐘都無乜花痕, 幾 come 玩.

不過貓貓鍾意睇多過玩.