Hagen Cat It Food Maze

一直以來都鍾意 Hagen Cat It 呢個系列的產品，屋企果三套 play circuit 路軌玩具，Botti 玩咗就快三年了，仍然日日都要玩過先開心 ! 初初係新玩具時三隻短毛會得一齊玩，你推我接，過了一年，Jheena + Mike 只會間中玩下。反而 Botti 真係日玩一次夜又玩一次，無人陪玩佢就自己玩，仲要樂在其中。

Cat It 呢個係列的產品好處係可以自由組合，路軌玩具中間可以放埋 Cat It 的水機或磨爪紙板。早前見佢地新出咗一個 food maze 食物迷宮，訓練貓貓思考先有得食。太有趣了，於是買咗返屋企考下貓豬，睇下邊個 IQ 高 D。

一如往常，佢地對個紙盒較有興趣。

初時放入貓糧，結果無貓 "hou" . . . 哈哈哈。


結果要出動小食，每隻貓豬先餵一粒小食，引下佢地先。然後當住佢地面前將小食放入新玩具，睇下佢地點 "搵食"。

 
結果係 Jheena 最聰明，試咗兩三次就以後都識得咁樣去搵食。

Milk + Mike 就最叻 "執屎雞"，Jheena 掃落小食佢地就即刻走去食咗佢。

Botti 初時濫用暴力，捉住一邊狂搖，希望搖跌 D 小食。

 
後來發覺唔多 work，於是佢就開始 . . .

someone is CHEATING !!!!!!

獵鷹行動

J2 台做旅遊節目，播緊 D 老鷹飛天情況，Botti 睇得好緊張！

當時佢好專心睇住電視 D 飛鷹，之後想跳上電視柜預備 "獵鷹" 之際剛好播完，於是佢就左望右望，最後竟然跳上喇叭頂坐定定，仲擺靚甫士俾我任影 . . . . .
 

上次 8 磅的 Jheena 企呢個位都還可以，今次竟然係 15 磅的超級肥仔，爸爸預備入廚房磨刀喇！仔仔，快 D 呢埋啦！

魚生之夜

今晚我地食完魚生返屋企，一入門口就見到 Botti 先玩後食 ＂銀魚＂魚生 !

話說我一打開大門，見到有條 silver fish 係地下＂冷冷下＂，Botti 就係隔離玩緊佢，用隻手一襟一放，再一襟一放，然後脷一 lam，落了肚 @.@

唔知係咪食飽咗，Botti 未夠 10pm 就攤係飯枱面瞓覺覺。

 

短毛組美容日

天氣回暖，咁啱今日係公眾假期，一於同短毛組洗白白。




每次同貓豬沖涼都會用 Jerob shampoo 系列，今日短毛組就用咗呢幾枝，所以話呢 . . . . .  貓貓美容絕對唔簡單。 

雖然係短毛組，但沖涼前都要同佢梳下毛，先用疏齒梳熱下身，然後用密齒梳梳走死毛。

借用長毛豬專用的黃金梳。

梳下梳下，Botti 搶咗我把靚梳，佢話要自己梳靚個下巴喎 @.@

沖完涼之後，全體短毛豬放入貓籠，旁邊放暖風機，加埋人手用風筒吹毛，快夾妥。

沖涼後，Jheena 的毛無咁鬈，要等返兩三日 D 鬈毛就會返來。

沖涼後，Mike 的毛鬈到痴咗。

沖涼後，Botti 的毛無咁鬈，不過一執執好得意，遲兩三日又會變返鬈。

沖涼後，三隻短毛豬都香噴噴，好好索 ^0^

霸王短毛組

返工前見到佢地十分合拍地霸晒兩個 cushion 成張梳化，我想坐低著鞋都無地方坐 !

基基男子組

晚上 11:30，基基男子組霸咗我地張床，佢地話要早抖喎，唔通要我地瞓廳 ?

學邊個咁曳 ?

放工返到屋企，一入門口就見到呢個場面，今次我都幫佢唔到！Jheena，爸爸入咗廚房洗緊米喇，妳仲唔快 D 返落嚟！ 

Grooming Day @ Pattyhouse

天氣無咁凍，臭臭貓豬係時候要沖涼啦! 首先帶咗 Huey + Milk 去 Pattyhouse 美容，待下星期 long weekend 就自己幫短毛組沖涼。

成個冬天都無幫佢地沖過涼，所以全部變晒乞衣仔乞衣女，表面的披毛還可以接受，底毛就積埋好多死毛。

梳出來的死毛，係咪好似羊咩咩俾人剃出來的羊毛呢 ^.^

 

同場加影 Pattyhouse 新店長 Coco 小姐。

濕水貓豬放入烘毛機慢慢烘乾 D 毛。

美容後，Huey 變了 (出前) 一丁王子。

美容後，Milk 變了香香公主。

另類貓床

記得買過幾張寵物用的睡床，只有其中一張有貓肯瞓下。反而我同蘿蔔佬平時用的大 cushion，佢地就成日都霸住晒。

亞仔要霸，點少得佢份呀!

亞女又霸 . . .

連小妹都要霸，仲要瞓得好有型 ^_^

 

小霸王 - 兩兄妹一齊霸晒兩個 cushion !

軟硬兼施

一邊壓住我個手袋（好彩我今日用另外一個），一邊發功用電眼 + 天真可愛 look 想迷暈我，原因只有一個 - 媽咪，唔好返工啦！

嘆冷氣

天氣又潮濕又悶熱，連貓豬都頂唔住，喵喵嘈話要開冷氣喎。

冷氣機一開，Huey 即刻跳上冷氣機前面的貓床，一於霸返個靚位嘆冷氣先。

Good Night Everybody

每個晚上，總會有一隻貓豬未夠九點就要瞓覺。

星期四晚的睡公主 . . .

 星期五晚的奀皮王子 . . .

 星期六晚的 "裙腳仔" . . .

月黑風高

今晚唔知係咪月圓，不過我屋企就有一隻彊屍仔出現 !

又來貓模

Botti 真係特別鍾意影相， 每次影相佢一定會企定定，任影唔嬲。今次佢見到我拎住部大機幫佢影相，竟然即刻擺個有型又靚仔的甫士。

繼續扮正經兼 CHOK 樣。

 

Jheena 小妹妹就剛好相反，最憎影相，一見我影相就會即刻變 "屎面" + 飛機耳。

貓模

Botti︰媽咪，呢幾日咁熱咁潮濕，點解妳仲唔開冷氣俾我嘆呀?

 

Botti 本來坐得好佬下，但一見我拎住部手機影佢相，即時彈起 (真係成個身彈起)，擺個靚仔甫士兼 CHOK 樣俾我慢慢影。三分鐘後我見佢仲係呢個甫士喎，我同佢講 "GOOD BOY 喇，媽咪影完相仲幫你 post 咗上 facebook 俾 D 哥哥姐姐 LIKE 你喇"，跟住佢就即刻攤返係地下 lam 手 . . .

肥騰騰

天氣轉涼，長毛貓會生多 D 毛保暖，咁短毛貓呢 ? 我家 Botti 都會生多 D 毛保暖，不過同一時間，佢話都要 "深層保暖" 喎 ! 即係，生多 D 肥膏囉 ! Hahahaaaaaaaa . . .

毛神神

天氣轉涼，貓貓自然會生多 D 毛保暖，短毛貓會唔多覺，長毛貓多咗毛會好覺眼。

Milk 的頸位 D 毛厚到好似帶了頸巾一樣 ^_^

Huey 的毛又鬆又厚，好似金毛獅王 ^0^

Botti - the voodoo doll

呢張相 . . . 我每次見到都笑到唔停得 + 笑到氣到咳 . . . kakakaaaaaa . . .