小霸王 Botti

Botti 係屋企的小霸王，所有o既野都要係佢o既，連唔關佢事都要係佢o既。


Botti 仔仔，呢個係煲墊，用o黎放媽咪心愛的靚煲煲o架。


Botti : 我知呀，不過妳未問過我喎，妳想用就問准我先啦 ! 或者用一罐濕糧o黎交換啦 !

古惑仔

眾多蘿蔔貓貓之中，botti 係最最最聰明的貓貓，亦係最最最古惑的貓貓。

話說昨天晚上蘿蔔佬沖涼期間，botti 係客廳度 "喪跑"! 由窗台跳落地顫然後半跑半跳 "片彎" 入走廊，如是者來來回回數轉，結果整到張地顫就算有防滑地墊都俾佢喪跑到變成 "會移動的地顫"。當 botti 一聽廁所門有聲响，佢即時跑到我腳邊然後坐定定扮乖，蘿蔔佬出來時見到成張地顫變成 "一道拱橋"，佢即刻望住 botti 問 "邊個攪到張地顫咁 ?"

說時遲，那時快 . . . . . botti 即係望住我，然後望下左又望下右，好似話 "係囉，係邊個，係咪媽咪妳呀? "

@_@

貓貓愛你有多深??

[轉載] 貓貓愛你有多深??

1級愛：貓咪用尾巴繞著你，用頭或身體碰你的腿，用耳背或臉蹭你。此種方法最為常見，這樣做是想在你身上留下熟悉的氣味，令牠覺得更舒服，也可能是把你當成牠的從屬。
2級愛：舔你，像舔其牠貓一樣，這表示信任和好感。這種方式一般人都能瞭解，但是多疑的人在被舔完後有時會冒出一些怪異的法，比如貓是不是嫌自己太髒，要替自己洗臉等。
3級愛：當人撫摸牠之後，牠會舔自己，不要以為貓咪為了愛護自己的髮型而梳理毛髮，其實牠這是在“品嘗”人的氣味。這種氣味是我們不能聞到而貓能察覺的。
4級愛：當貓臥在你的膝上，肯定是對你有好感，牠不會跳到不喜歡的人的膝上。
5級愛：牠帶給你“禮物”，如蟑螂。我家貓咪曾經在夜裡把魚缸裡所有的魚都叼了出來，然後一條條整齊地擺在茶几上，趴在旁邊看著小魚舔爪子。其實牠這麼做也是表示牠對你有好感，牠認為你是牠的媽媽。
6級愛：貓尾巴直豎是表示非常強烈的好感。你會發現，當貓接近牠不認識的人或貓時，尾巴是垂下的。
7級愛：翻滾身體表示“跟我玩吧”，貓不會與牠不喜歡的人玩的。
8級愛：把爪放在你的手臂上是“重申”牠對你很有好感。
9級愛：貓咕嚕咕嚕地叫有很多原因，如果牠在蹭你時這樣叫，表示牠真的很愛你。
10級愛：貓跳上主人身上肉緊地按摩。這表示你的體味令牠想起母親，故此便情不自禁的找奶吃。
------------------------------------------------------
究竟蘿蔔貓貓愛我有多深 ?

huey - 1 + 5 + 6 + 7 + 9
milk - 1 + 3 + 4 + 5 + 6 + 7 + 9
mike - 1 + 2 + 4 + 6 + 7 + 8 + 9 + 10
botti - 1 + 2 + 3 + 6 + 7 + 9
jheena - 1 + 4 + 6 + 7 + 8 + 9

Simon's Cat 西蒙的貓

一本愛貓的人看了一定會即時大笑 (= 蘿蔔人) 或會心微笑 (= 蘿蔔佬) 的漫畫書。

基基男

mike 同 botti 成日都要頭掂頭 or 頭瞓人地蘿柚 or 四隻手腳互攬，然後好滿足地 ZZzzzzz . . . . . 是旦邊隻中途醒咗就會勁 lam 另一隻，lam 一陣又繼續瞓過。

狂風暴雨的日子

狂風暴雨之下，究竟蘿蔔貓貓驚唔驚呢 ? 長毛一族的 huey 同 milk 會驚到搵地方呢埋，例如梳化後面 or 窗簾後面。反而短毛一族的 mike，botti 同 jheena 好似無事發生咁，照玩照食照瞓，一切如常。

如果我地係屋企而又狂風暴雨呢 ? 所有蘿蔔貓貓都無有怕 !


huey 氣定神閒咁係窗台上面攤抖


最愛睇住 d 雨打落玻璃窗


huey 賞雨中


botti 一切如常，一見到我拎住相機，即刻 "醒神" 扮有型。


botti 無懼我近距離拍攝，雙眼仍然瞪得大大。


milk 公主繼續公主般地瞓覺


閒時打個呵欠 . . . (出爪呀 !)


呢期係輪到 mike 霸住個路軌玩具


成個身剛剛好 "坐得落"

HOT HOT HOT

多得政府批准各大地產商不停建造屏風樓宇，香港變成了一個熱島，沒有涼風吹入小島，所有悶熱空氣根本無處可散。今個夏天，七月初已經連續數天超過三十三度高溫，香港已經開始熱死人了。

天氣 "超熱"，蘿蔔家族每一個成員都不想動了，只想攤下抖下。

蘿蔔貓貓就是這樣攤抖再攤抖，就過了每一天。

蘿蔔人同蘿蔔佬亦是這樣攤抖再攤抖，就過了寶貴的週末。

貓貓也 FIFA

每晚電視狂播世界盃精華片段，連帶蘿蔔貓貓都好似中咗毒咁。

mike + jheena + ranne: 乜傢伙來o既呢 ?
(諗 . . . 諗 ing . . . 諗 ed . . .)
mike: 我知，上面有個波，一定同世界盃有關。
ranne: E, 唔通係蘿蔔媽咪買俾我地玩的 FIFA fever ? 不過點玩o架 ?
jheena: 你地一個二個行開 d 啦，我就知點玩呢。



jheena: 嗱 ! 咁咪係足球比賽入面，d 球迷成日想見到的 "入頭" 囉 !
ranne: 哎吔，亞妹，人地果 d 係叫 "入球"，唔係 "入頭" 呀 !
. . . @_@ . . .

夏日炎炎我要眠

一向以斯文溫柔見稱的 huey，無論攤抖或瞓晏覺都一樣咁有貴氣 . . . 蘿蔔佬見到我咁讚 huey，佢一定又話我偏心。


俾 anna 契媽話係大肥豬的 mike，完全唔怕做豬腩肉王子，一於反肚瞓晏覺，將佢的豬腩公諸同好。


寄宿生去完新居探路兼探爸爸之後，攰到打擂打鼓都唔會醒，皆因o係新居俾兩位 "咸濕貓" 攪到發晒脾氣，仲要為咗避免受到侵犯，不停咁出拳保護自己。


玩完一輪紙波波的 botti，可能太攰所以瞓到無晒儀態，蘿蔔佬話佢肥到好似一隻航空母艦喎！

魔鏡魔鏡，邊個最靚

Jheena 最新花名係 "垃圾妹"，皆因佢經常偷偷跟我入廁所，然後靜雞雞用自己個鼻頂起個垃圾筒蓋，之後 "hung" 個頭入去 "聞垃圾"!!!!! 為免垃圾妹變成乞衣妹，於是決定買個腳踏垃圾筒。


靚靚垃圾筒，咁大個人未試過買一個 $2xx 的垃圾筒放係廁所用。


垃圾妹 Jheena 八卦ing


Jheena 發現呢個垃圾筒無得用個鼻頂開喎，於是唯有照下鏡 . . . "魔鏡魔鏡，邊個最靚"。

Huey 變心了

最近幾個月發現 huey 同 ranne 經常有影皆雙，huey 亦會替 ranne lam 毛 . . . . . so sweet。由於 ranne 就快要回歸娘家了，所以今個月初我已經開始棒打鴛鴦，朝早 huey 同 milk 一齊，ranne 就跟短毛一族。

ranne 跟短毛一齊當然無問題，ranne 仲會同 jheena 時不時就玩到 "飛貓" 咁激 ! 反而 huey 同 milk 就無以前咁恩愛了，每次 milk 想同 huey 好似以前咁玩追玩咬大脾，huey 竟然 feeeeeeeee milk 公主喎 ! so hurt ! 當然 milk 公主唔會就此罷休，你呢個負心的人，我更加要咬大啖 d 大力 d o添 . . . 嘿 !

嘆冷氣

最近天氣悶熱，一早一晚係屋企都要開住冷氣機，我發現蘿蔔貓貓仲識得嘆冷氣過我地。

Huey 最愛企係冷氣機前面，抬起頭等 d 冷風直接吹住佢個頭。
Milk 最愛瞓係冷氣機對出柜頂的貓床。
Mike 最愛瞓係冷氣機對出貓樹的屋頂。
Botti 最愛以上 1 + 3。
Jheena 嘆冷氣的方法我覺得係最正最嘆 . . .

Ranne 寄宿生活的回顧

Ranne 同 Mike 是名符其實的親生/孖生兄妹，佢地同父同母兼且同一胎。當佢地一歲半時就分開咗，因為 Mike 來咗我屋企而 Ranne 就留係陳宅。Ranne 自去年 12 月中來到蘿蔔家庭做寄宿生，不知不覺已經 5 個月，Ranne 同蘿蔔貓貓的相處完全無問題。

Ranne 同 Huey - 佢地簡直就好似一對小情侶咁，日日都糖似豆，少見一分鐘 Ranne 就會四圍揾 Huey，so sweet。

Ranne 同 Milk - 佢地兩個都話自己係最靚的貓囡，於是間中會進行 K.O. 比賽或妳追我逐。

Ranne 同 Botti - 佢地相處無乜火花，只會間中爭下食物搶下玩具玩下追逐戰。

Ranne 同 Jheena - 呢一對姐妹花認真 wulala ! 可能身型 size 差唔多，所以玩得最多最癲係佢地兩個。屋企成日見到有兩個影飛來飛去，原來係佢地係度極度狂奔妳追我逐，間中仲要玩埋伏擊，首先呢埋然後突然跳出來，誓言要嚇到對方爆膽。

Ranne 同 Mike - 點講點睇佢地真係雙生兒，連性格都一模一樣，勁鍾意痴住人，又成日要人摸，有時唔為意無摸佢地就出聲鬧人。

Ranne 下個月就要返娘家，結束係蘿蔔家庭的寄宿生活。希望 Ranne 返到自己屋企之後唔會忘記係蘿蔔家庭 5 個月來的點點滴滴，希望將來我地去陳宅探佢時 Ranne 仲記得蘿蔔老豆同蘿蔔媽咪。

iris 812 雙層貓籠

Huey 的雙層獨立別墅 . . . . . 差不多霸佔咗半個窗台 !


huey 多數時間係下層攤抖 or 瞓覺，遇到敵人先會跳上上層避難。


ranne 經常陪伴住 huey . . . sweet sweet


對 huey 不離不棄 . . . 連我呢個蘿蔔媽媽都好感動呀 !

比較其他牌子的貓籠，我最欣賞就係呢塊層板，唔同其他牌子就咁三邊幾個鈎扣住就算，iris 係成塊層板原身 "bear" 出來的，可以承受 30kg 的重量，呢個就係我指定要買 iris 的原因。

成班短毛貓一入貓籠，即時跳上跳落，當正係 playground 咁玩。

ranne 係上層都要發出嗲功，不停咁 high 度門，佢話要由呢個門口出返來喎。

蘿霸選舉

冠軍 . . . botti


亞軍 . . . milk

季軍 . . . mike

K.O.

賽前先來個熱身


milk 公主熱身時都要順便賣下廣告


ranne 留意住對手的一舉一動

milk 都話要及實對手的動態

未比賽先來一個 "眼超超"

milk 分明唔鍾意俾貓 bear，於是決定先下手為強。

兩位小姐一齊出招，但求一擊即中，希望可以一拳就 knock out 對手。

淑女即是淑女，兩位小姐出咗一招之後就收手，呢個回合不分勝負。

天使魔鬼混合體

[天使篇] 天真無邪扮可愛，伸脷係佢的強項，亦係遺傳自公公 hobo 的特別技能。


[魔鬼篇] 每次週末過後，呢個奀皮仔就一定會出盡百寶唔想我返工，其中一招就係壓住我對鞋，仲要用隻手穿埋入去。botti 仔仔，媽咪唔只一對鞋o架。

蘿蔔貓貓體重排行榜 2010-04-18

個電子磅壞咗幾個月，終於買返個新的。結果發現蘿蔔貓貓就算食咗減肥糧，體重仍然不斷上升。

Huey - 10 lbs (需要增磅)
Milk - 10.8 lbs (嚴重超重)
Mike - 14 lbs (超重)
Botti - 15 lbs (嚴重超重)
Jheena - 9.8 lbs (輕微超重)
Ranne - 8.4 lbs (標重體重)

Mama I Love You !

anna 話 ranne 只愛男生，不愛女生，ranne 唔會主動上 anna 身。每晚係我屋企 ranne 同 mike 一定要上我身，先來一輪 "四手按摩"，然後要我攬住佢地一齊睇電視。所以我話 "其實係要睇人o既" . . . 哈哈哈 . . . 。