和諧之家

呢個就係蘿蔔家庭的每一天 . . . . .

milk 瞓到 "與世無爭"。

mike 最愛 i 住梳化的扶手去睇其他貓貓 "過馬路" (係走廊度橫衝直撞)。

mike 話好睇過電視節目喎。

mike 一旦發現我坐低係梳化，佢會即時以 0.09 秒極度過來 "上身" 然後 "錫錫" (佢要錫咀o架)。

botti 隨時都可以咁 "反瞓"。

botti 你係度扮可愛呀 ?

botti 即刻 up 頭話 "係呀，係呀"。

jheena 好鍾意用條路軌 long 住個頭瞓覺。

真係咁舒服 ?

俾 botti 霸咗路軌，唯有瞓貓樹頂。

寄宿生 ranne 好鍾意跟住我，我去到邊佢就跟到邊，仲成日會抬起頭望住我。

我一坐低係梳化，ranne 一定以 0.07 秒 (快過 mike) "搶灘登陸"，一於坐係我大脾度唔肯走開。

如果不幸俾 mike 快過佢，佢唯有跳上窗台陪住係貓籠入面的愛人 huey。

所以話呢，唔駛問特首，我已經知道蘿蔔家庭係和諧的。

心痛

huey 係我最心愛的蘿蔔貓貓，因為佢溫柔斯文怕事，永遠唔會撩交打又唔會打交，就算俾人打都只會慘叫救命唔會還拖。

每日貓貓自由行時間，為免 huey 俾短毛貓圍毆，我會將佢放入 panic room (貓籠) 入面。

究竟係邊個曵貓隔住貓籠都抓到 huey 咁傷 ?!?!?!

經過呢兩日的觀察，最大可能係 jheena ! 因為我親眼見到佢伸手入去抓 huey !

邊個最無辜 ?

1. botti 行過來搵我要我摸佢，點知越摸越肉緊，結果 botti 反肚用雙手 cool 住我隻手然後大啖咬，我隻手即時留下兩個彊屍牙 lone。

2. 被 botti 大啖咬的同時，我當然大叫咗一聲啦。於是 jheena 以 0.99 秒的速度衝過來，企係我前面，jheena bear 住 botti 話要保護媽媽。botti 唔妥 jheena 話佢係 "架両"，即刻出手打咗 jheena 一巴掌。

3. jheena 受到傷害之後好 hurt，與媽媽一齊撤退，剛巧 mike 行過，jheena 遷怒於佢話佢好多事仲乜行過來，即時出拳打咗 mike 一下發洩，mike 無 lar lar 俾妹妹打咗一下，成個呆咗 !

週末雜影

上個週末叫蘿蔔佬替客廳的天花燈換上較大 watt 數的慳電膽，於是嘗試唔用閃光燈影相。當然要用大光圈兼推高 iso，效果都可以接受喎。


mike mike 八卦ing - 眼都唔斬望住個冷氣機


仍然望住部冷氣機


望到條頸都攰o刺，於是去飲水食下貓糧。

jheena 鍾意打橫個身瞓係貓樹的屋頂上面 while 其他貓貓係打直個身瞓 (望向我)

可能 jheena 鍾意個屋頂尖可以俾佢咁樣 long 住對節瓜手

隻隻貓都攤抖ing，悶到 botti 發 mo

無貓陪佢玩，botti 唯有開始 zzZZzzz . . .

整天窗外都係白矇矇，越夜就越矇，矇到連蘿蔔貓貓都覺得好奇怪，點解無得睇車車o既 ?

botti + jheena 就係咁就過咗一晚

寄宿生的 1st appraisal

寄宿生 ranne 已經係蘿蔔家住咗 3 個月，都係時候要同佢做第一份 appraisal。

第一個月 ranne 同學十分乖巧又文靜，遇到困難時曉得即閃，避免與其他蘿蔔貓貓發生不必要的磨擦。ranne 對 huey 更是又愛又錫，經常主動陪伴左右，閒時兩個又會互相聞鼻問候安好。

第二個月 ranne 同學已經習慣了蘿蔔家的生活細節，與蘿蔔貓貓相處融洽又愉快。日日與 jheena & mike 玩追逐 + 玩打交，一齊食一齊瞓，完全無主客之分。

第三個月 ranne 同學可能與蘿蔔短毛貓相處久了，竟然染上了一模一樣的惡習 ! 玩波時不會理會週圍環境，只求將膠波/紙波爭奪到手，跳高踩在其他貓貓背脊也不理會。又學識用鼻尖打開手袋，偷出手機咬電話繩。更會爬入 hi fi 柜，在 blu ray 機 or pre amp 上面攤抖唔肯走。

到底 ranne 同學之後的 appraisal 會係點呢 . . . . . stay tuned !

Desperate Housecat

最近 botti 心煩氣燥，唔知市面上有無 "貓太太口服液" 呢 ?

botti 呢排成日打貓，日日都打到 jheena 一執執毛咁甩出來，打到 jheena 見到佢行埋 d 都要 feeeeee。同 botti 最相親相愛的 mike 都俾佢打到要還拖，有時兩兄弟打到好似撕殺咁。更甚的是 botti 連屋企的和平使者 milk 公主都唔放過，攪到家姐一見佢出手就勁 feeeeeeeee。

botti 真係曵到無朋友。

昨日早餐時段，botti 又想撩交打，結果無一隻蘿蔔貓貓肯 so 佢。之後 botti 竟然跳上我坐緊的餐椅，坐係我背後，然後用雙腳企高，雙手搭住我膊頭，不停幫我 lam 頭髮。

在極度 desperate 之下，呢個 botti 竟然當我係貓貓，要從我身上搵返 "丁丁多" 的友誼。

拜年

每年的年初一，蘿蔔伉儷到親戚處拜年後，蘿蔔舅舅同舅母一定會跟住返屋企，佢地話要同蘿蔔貓貓拜年兼請安喎。


Botti 話 : 唔，乖啦!

以上的相片，一睇就知蘿蔔舅舅同舅母都唔係養貓的人，因為佢地都唔識抱我地呢 d 大肥貓貓。

終於找到了

每次逛寵物店我都一定會搵下有無食物兜連木架，市面上售賣的多數係不锈鋼架或是木架太高 (設計給狗用的)，有的合 size 但食物兜連架都是用 silicon 造的。

尋尋覓覓了多年，2010 年 2 月 6 日，終於俾我係貓展時搵到寶。食物兜的 size 跟木架的高度都啱啱好，簡直是 perfect ! 於是一口氣就買了兩套回家，送給蘿蔔貓貓的禮物。

Ranne 的家書 - 最愛是誰

親愛的父母親大人 :

十分感謝你們多年來的養育之恩，我實在無以為報，唯有以後活得更好以報答你們的一番愛心。

在蘿蔔家生活了六個星期，竟然被我遇上了 . . . 我的最愛，我一生最愛 !


我愛 Huey


Huey 愛我

經過了無數的失眠夜，經過了內心的掙扎，我已作出了決定。為了可以與 Huey 朝夕相對，我決定留下來，不再回娘家。為了要成為蘿蔔貓貓，我昨天已遞交了戶籍轉移的申請表，由原來的陳家轉到蘿蔔家，我亦已到民政事務署作出了宣誓，加多了一個中文名字 "雷韻兒"。

我要徹徹底底的成為蘿蔔家族的成員。

爸爸，媽媽，請你們祝福我吧 !

永遠愛你們的，
Ranne 敬上
2010 年 2 月 10 日

Ranne 的家書 - 一個月之後 (I)

寄宿生 ranne 同邊個蘿蔔貓貓最 friend 呢 ?

咪就係 jheena 妹妹囉，可能大家都係短毛囡囡，大家身型都差唔多，所以成日都一齊妳追我逐，一齊妳打我咬。

. . . 待續 (寄宿生 ranne 最愛邊個蘿蔔貓貓 ?)

叉燒與貓

一碟肥叉燒


一隻肥 botti

兩者之間究竟有乜關係呢 ?

蘿蔔佬話: 呢個衰仔成日咬爛我 d hi fi 線，真係生舊叉燒好過生佢囉。

laser 玩具 - 終極版

每一位貓人的屋企梗有一件 laser 玩具，因為 laser pointer 係貓貓最愛的玩具。

一直以來都係用普通的 laser pointer 同貓貓玩，我隻手狂 fing，蘿蔔貓貓狂追。貓貓玩到攰時，我隻手仲攰呀。

好彩後來有人發現咗用電芯推動的 auto laser toy，只要入電芯，laser point 會自動打圈，貓貓就會自動追。

科技日新月異，最近我係 pattyhouse 發現咗一件 laser 玩具的終極版。入咗電芯之後，laser pointer 竟然會 "畫花" o架 ! 件玩具頂有一塊鏡，可以調校 laser 的角度。好正呀 ! ! ! ! !

新貓床

呢張貓床，驟眼看似一張咀唇，又似一隻小船，望真 d 英文字，原來係一粒豆 !

ranne: 蘿蔔姨姨妳玩野咩 ! 張床咁窄，邊有蘿蔔貓貓入到去呀 ?

Ranne 的家書 - 第三個星期

親愛的爸爸媽媽，來到蘿蔔姨姨家已經三個星期了，在這三個星期裏面，我盡力學習兼努力實踐，終於名列前茅，學有所成。

蘿蔔姨姨剛剛頒發了以下的獎項給我 :

蘿蔔曵貓貓 - 第三名

Ranne 給父母的信

敬愛的父母親大人 :


初到寄養家庭時，真的很害怕，超細的居住環境，陌生的蘿蔔貓貓，女兒十分掛念您們及家中各成員。


經過了數天的新生活，發覺蘿蔔叔叔及姨姨對我十分愛錫，姨姨更加會 24 小時貼身保護我，免受其他貓貓的欺凌。


過了一個星期，我已經學懂如何去融入蘿蔔家庭。我與蘿蔔貓貓相處甚歡，有 cat-man-do 齊齊食，有山雞毛齊齊玩。每天晚上我都會疲於奔命，週旋於蘿蔔叔叔及姨姨的肚腩之間。

現在的我，生活得十分快樂，請勿掛念 !

我感到自己已經真真正正成為蘿蔔貓貓了，我決定要離棄原來的家庭，永遠留在蘿蔔家庭。

Dad + Mom, Ciao !

好掛住 . . . 佢

Huey: 望街望咗成晚都未見佢的踪影 . . .


Milk: 我祈禱祈咗成晚都唔聽見有門鐘 . . .


Mike: 我練手腕力練咗成晚等住幫佢按摩 . . .

Botti: 我企係門口岳高個頭成晚就快變成長頸貓 . . .

Jheena: 我瞓係門口旁邊的貓樹成晚已經等到瞓 lai 頸 . . .

Ranne: 我有三條路軌係我面前都無心機玩 . . . 因為 . . . 我有少少鍾意咗佢呀 ! Uncle Jimmy 你幾時再返香港探我呀?

山雞毛真係好好玩

我相信十隻貓貓有九隻都鍾意玩山雞毛，連蘿蔔家的斯文一族 huey 同 milk 都玩得好開心好肉緊。

我就咁隨意地放低條山雞毛係梳化，佢地已經千方百計去 "爭取"，可想而知當我用手將山雞毛當 cat teaser 咁同佢地玩，佢地會有幾顛呢 ! 直頭顛到我有手同佢地玩，無手揸相機影相。