在未接 ranne 回家之前，我同蘿蔔佬每晚都會同蘿蔔貓貓訓話，叫佢地唔好蝦 ranne，因為過門都係客，一定要錫錫我地的客人，唔可以失禮蘿蔔之家的名譽。
ranne 初初返到蘿蔔之家，好驚，見貓就 feeeeee except huey 喎。可能 ranne 感覺到 huey 係完全無殺傷氣亦無任何攻擊力。無論任何一隻貓想行近 ranne，ranne 一定會勁 feeeeee 甚至乎出拳。
Day 1 同 Day 2，ranne 同 huey 相處得好好，從未 fee 過對方，huey 甚至同 ranne 一齊玩佢的至愛玩具 - 牛牛毛公仔，可見得 huey 完完全全接受到 ranne 。
Day 3，Day 4 同 Day 5，我開始嘗試將 ranne 同其他貓貓一齊，milk + botti + mike 十分禮讓 ranne，無論 ranne feee or 出拳，佢地三隻貓貓都會寧願 back off 而不會還擊。唯獨是 jheena 跟 ranne 真係水火不容，好彩佢地只係互 feeee or 間中 "kok" 頭，不至於會大打出手。不過 ranne 好鍾意同 jheena 爭寵，只要佢一聽到 jheena 叫我摸佢，ranne 會即刻一支箭咁標到我面前，又叫我摸佢。係呢個時候，jheena 會走開唔同 ranne 爭寵。
Day 6 同 Day 7，貓貓之間的相處開始有進展，ranne 眼見 jheena 成日同 botti + mike + milk 玩你追我逐，於是 ranne 亦開始加入呢個遊戲。ranne 跟 jheena 可能因為身型差不多，佢地追玩的次數亦較其他貓貓多，因此佢地的關係逐漸變成了玩伴。
總括來講，ranne 已經 100% 融入咗蘿蔔大家庭，佢同蘿蔔貓貓的相處已經完全無問題，except . . . . . ranne 仍然會同 jheena 爭寵 !
