mike + 天然光

當蘿蔔佬幫貓貓吹毛期間，我就幫 mike 影了一個專輯。今次特登利用天然光代替閃光燈，睇落顏色較為 soft。

蘿蔔貓貓洗白白

上個星期日一次過幫三隻蘿蔔貓貓沖涼 - milk，botti，jheena。沖涼用了一個小時，吹毛用了一個半小時。

沖涼最乖係 jheena，仲要佢係沖得最耐最多 steps 的，要讚佢 good girl。
milk 沖涼都算 ok，佢的缺點係無耐性，沖到一半就開始掙扎，再沖耐 d 就開始咬爸爸。
botti 沖涼唔多乖，成日掙扎兼 complain complain 又 complain。


特地買咗呢張櫈仔，唔駛再 mou 係浴缸咁辛苦。


三隻貓貓一共用咗五條毛巾，最左一條係吸水力特強的物料，真係可以吸到好多水份，抹完一隻貓貓，用手摟下水又可以繼續用。


jheena 不停用可憐貓 b 的聲線喵喵叫。

botti 用佢的怒 bear 樣表示佢的不耐煩。

吹風筒後 milk 的毛仍然有少少濕。

botti 的毛最快吹得乾。

jheena 的毛唔係好 luen，仍然係背脊直毛，心口及大脾位有少少 luen。

蘿蔔人之 top model

大家都會發現 botti 的相特別多，原因只有一個，就係 botti 係天生的模特兒。botti 唔怕有閃燈，botti 會坐定定任我影，botti 會望住我的鏡頭擺甫士。

扮憂鬱

扮可愛

扮有型

無論 botti 扮乜樣都入型入格。

咁都得 ?

mike 同 botti 成日都互相 cool 住對方 lam 毛，互相攬住 or 掂住對方一齊瞓覺。


甜睡中 . . .


越瞓越埋 . . .


mike 瞓著覺都要用雙手 kneading botti 個 pat pat . . . 傻仔o黎o架 !

多下閃燈之後，mike 發現俾我發現之後，即時彈起身扮無事發生過。

天使 or 魔鬼

咪話我偏心，huey 幾時都係天使咁乖咁可愛。


milk 對住我係天使，但對住蘿蔔佬就會化身為魔鬼 . . . 咬咬咬。

mike 無時無刻都要做我的守護天使。

咁古惑又鬼靈精的樣，點扮都做唔到天使啦。

曾幾何時，jheena 係 anna 契媽心中好乖的天使。可惜當 jheena 跌落凡間跟錯大佬 (botti) 之後，即刻變成十分奀皮的魔鬼。

愛是無罪

botti 成日都鍾意捉住我或蘿蔔佬的手，然後好大力咁去 lam，跟住突然會好大啖咁咬落去，之後又用力去 lam 返，跟住又大啖咬過。


botti : lam . . . lam . . . lam . . . (lam 到立立聲 . . . )
忽然間 . . .
蘿蔔媽媽/蘿蔔爸爸 : 哎吔，好痛呀 !
botti : 媽咪/daddy，我愛妳/你。

開講有話，"打者愛也"，於是 botti 將呢句演繹為 "lam 者愛也，愛者咬多幾下"。

好句 !

於是 . . . 有一日 . . . botti 瞓到三隻腳 fing 晒出貓樹 . . .

蘿蔔媽媽 : 好誘人的豬腳仔呀 . . . (然後好大力咁 meet 落去)
botti : 哎吔，好痛呀 !

蘿蔔媽媽 : 仔呀，媽咪好愛你嘛。

Time flies

轉眼間 . . . . .


攝於 2007 年 5 月，當時 botti 只有 4 個月，一隻手就可以捉實佢。


攝於 2009 年 8 月，現時 botti 已經 2.5 歲，用齊兩隻手都未必抱得實佢。

路軌玩具測試 . . . 一個月後

玩咗一個月，路軌玩具仍然好受歡迎，蘿蔔短毛幫日日都有幫襯，尤其是 Jheena，日玩夜又玩，半夜都要玩。只要其中一隻貓玩下撞球，其餘短毛貓會係 0.99 秒之內出現。

Jheena 鍾愛路軌玩具的程度，簡直是玩到顛晒，玩到跳晒身，玩到攰晒都仲要瞓係度繼續玩。

I Know What You Did Last Weekend

Huey係房入面瞓得好舒服自在


Huey 一出客廳就變成受保護貓貓


Milk 好嘆好舒服咁攤抖ing

Milk 好鍾意做影后 (後)

Mike 閒時飲水食野

Mike 其餘時間用來 “目及” 實 Huey，預備隨時 attack

Botti 幫自己 lam 毛

Botti 教蘿蔔爸爸點樣煮呢隻法國羔蟹

Jheena 約咗朋友 “蟻仔”，係度等 “蟻” 到

Jheena 玩瑜珈

玩具測試 - 路軌

長毛貓代表 - huey


huey 一見到條路軌，即刻唔駛客氣自己埋位，係呢邊伸隻手入去推下個波 . . .


跟住即刻伸前隻手去另一邊擋住個波。


短毛貓代表 - botti + jheena


大家一齊研究下呢樣係乜傢伙先 !

botti 以為係貓傢俬，一於唔理三七廿一，一個大 pat pat 坐咗先。

都係 jheena 聰明 d，佢睇咗一陣就識得伸隻手入去推下個波。

見到妹妹玩得咁過癮，botti 終於開 hiu，一於學妹妹咁玩。

jheena 自推自擋，玩得肉緊時，成隻手插咗入去。

最後兩兄妹發覺，"獨樂樂，不如眾樂樂"，於是 jheena 係呢邊推波 . . .

botti 係果邊擋波

三日後測試結果 - 除咗 milk milk，全部貓貓都咁鍾意玩呢個路軌玩具，有時會 "獨樂樂"，間中亦曉得 "眾樂樂"。

玩具測試 - 輸送帶

等機會


最初幾次捉唔到，習慣咗個轉速之後就 . . .

捉住 / 咬住唔放

測試結果 - 斯文的 huey 好鍾意玩，我 turn off 咗部玩具之後，huey 竟然投訴。huey 睇住我襟停部玩具，佢即刻喵喵喵問我點解停咗部玩具唔俾佢繼續玩。

備註 : 呢件玩具只係俾 huey 測試咗一次，因為我唔想一時間太多新玩具，所以呢件會收埋先，等到 8 月先拎俾佢地玩，到時再報告。