等你等到我心痛

缺貨兩個多月，終於等到了，一口氣買了兩款共三件新玩具俾蘿蔔貓貓。


兩款玩具都係訓練貓貓手眼並用的遊戲。


兩組路軌玩具可以砌成呢個 8 字。

輸送帶玩具玩爛條 string 之後，可以自己用針線縫一條新的 string or ribbon 上去，繼續玩過。

飛機 . . . . . 耳

明明抖攤ing . . .


唔知有 d 乜野令到佢 0.99 秒之內突然變成 . . . 飛機耳


仲要飛機耳 + 怒 bear

風暴之下

打風前後，天氣悶熱，最好就係開 "行" 冷氣抖攤下。


Botti 一早就霸定靚位。


一隻貓就霸咗我地半張梳化。


仲要好 "大爺" 咁款攤係度喎。

Milk 好乖唔會同人同貓爭位，可能佢怕嘈，所以多數揀 d "偏遠" 地方抖攤。

Jheena 最愛係鞋柜頂抖攤，實行一眼關七，睇住各人各貓做緊乜。

就算趴地都要揀個位置可以睇到晒我地。

Mike 抖攤時一定要搵 "靠山"，意思即係一定要有野挨住塊面。

屋企有老鼠 ! ! !

之前曾經在 pattyhouse 買過內有貓草的冷球俾蘿蔔貓貓玩，佢地勁鍾意，日玩夜又玩，結果四個波波好快就玩到唔知碌咗去邊。

上星期見到 pattyhouse 返咗 d 內有貓草的毛冷老鼠，仲要係好似真老鼠仔咁大隻，我諗都無諗就一口氣買咗兩隻老鼠返屋企，測試下我家蘿蔔貓貓係咪 "識得捉老鼠" 的好貓先。


外型十分 cutie 的毛冷老鼠。


Huey 唔駛一秒鐘，即刻搶住玩。

只見 Huey 好快手就用手抛起隻 "老鼠甲"。

跟住用口 "接住"。

玩完呢隻，跟住用雙手捉實 "老鼠乙"，然後用雙腳不停 kangaroo kick。

試玩完 "老鼠甲" + "老鼠乙" . . . . . Huey 諗緊究竟揀邊隻做佢的 "寵物" 好呢 ?

結果 Huey 揀咗 "老鼠乙"，仲幫佢改咗個名叫做 "黃仔"。從此黃仔就係 Huey 的寵物，每日都陪伴 Huey 左右，忠心不二。

而 "老鼠甲" 就輪為蘿蔔短毛貓的寵物，尤其最得 Mike 心，睇下 Mike 瞓覺都要捉住 "老鼠甲" 條尾先瞓得著就知啦。

始終都係一家人嘛

每次放自由行的時候，Botti 一定追住 Huey，一直追到睡房窗台 or 甚至追入貓籠，然後用全身13.8 磅的重量壓住 Huey，嚇得 Huey 目瞪口呆， 縮埋一角。

最近喜見情況有轉變，yes，係 "喜" 見。唔係 Botti 唔再蝦 Huey，Botti 仍然繼續蝦 Huey，不過就加插咗少少 "唔知好嬲定好笑" 的場面。

每次 Botti 追到 Huey 無路可逃的時候，Botti 竟然會 lam Huey 個頭 or 面，lam 咗 10 秒左右，然後 Botti 會大啖咬 Huey 隻耳仔 or 面珠登，咬完一下 Botti 就會好滿足咁走開。

Botti 幫 Huey lam 毛時係好專心的，好似一路 lam 一路同 Huey 講， "哥哥，唔駛驚喎，俾我咬一啖啦，我會好細力咁咬咋" . . . lam lam lam . . .

Cat's Life 貓之生活 2009 年 7 月刊 - Selkirk Rex 羊毛貓篇

貓模 : Botti + Jheena 加埋朋友的貓貓 Sophie + 芊芊


Botti + Jheena 做封面貓模


Sophie - 長毛羊毛貓 + 芊芊 - 短毛羊毛貓


Sophie 當日有 d 驚, 大部份時間都係 "爬行"。


Botti + Jheena 內頁

芊芊當日最大膽，無有怕。

Sophie，芊芊，Jheena，蘿蔔佬竟然認錯芊芊係 Jheena . . . 套用益力多的廣告對白 . . . "唔認得 ! ! ! "

Botti 做慣我蘿蔔人的 model，所以當日都係坐定定任影。

備註 : click 一下可以放大相片

Cat's Life 貓之生活 2009 年 7 月刊 - Birman 伯曼貓篇

貓模 - Milk 公主

備註 : click 一下可以放大相片

山雞毛有幾好玩

之前介紹過貓隧道同埋毛毛玩具有幾好玩，今次輪到山雞毛，由蘿蔔貓傢俬 huey 親自示範。叫得 huey 做貓傢俬，証明佢平時幾咁唔肯郁，成件傢俬咁放係蘿蔔屋企。所以呢件連 huey 都玩得咁開心的山雞毛，相信其他貓貓一定話正 !


huey 識得用單手拎起 . . .


or 用雙手夾起條山雞毛。


又會得用手襟住條山雞毛，然後用口咬 or "妹"。

我又會用山雞毛引 huey 去追左追右，跳上跳落，連續運動咗 15 min，huey 話要抖抖喎。

抖抖下，直情攰到瞓著咗 ZzzZZzzz . . .

尋求良方妙葯

未老先衰，少年禿頭。我家 mike mike 同 botti 咁後生就開始禿頭，真無陰功囉。


mike mike 係 homozygous (carry 兩個 luen 毛基因)，所以佢 d 毛特別 luen 但又特別薄，只要少咗少少毛就會好明顯。


botti 就好勇鬥狠，成日追打其他貓貓，經常同 mike mike 激戰連場，互相 cool 頸 kangaroo kick。

每次激鬥之後，mike 同 botti 眼角對上就會留低打鬥痕跡 - 少年禿頭。通常 mike mike 係輸家，因為除咗甩毛之外，仲會有兩三條抓痕/血痕。

又翳又熱

打風前，天氣又翳焗又悶熱，週末懶得出街，唯有係屋企開 "行" 冷氣嘆世界。

milk milk 話最好係瞓覺。

千祈唔好叫醒我。

huey 伸直對腳攤係地板上面。

mike mike 又係成個肚腩貼住地板。

叫佢都唔願郁。

botti 鍾意 "i" 住 d 野攤抖，佢又係瞓係地板度。

影張相都話騷擾到佢，睇下佢個 "怒 bear" 樣，十分不滿咁喎。

連 jheena 都最愛趴地板。

唔通羊毛貓特別鍾意做 "趴地" 貓 ?

吐毛問題

我家 "毛神" Huey 一直以來都有吐毛的問題，每隔一兩天就會嘔毛一大球，就算日日餵吐毛膏都無效。

直至今個月初，經朋友介紹開始食 proplan 的 hairball 貓糧，好 work 呀。溝糧食咗兩個星期，毛神 TOUCH WOOD 暫時未有嘔過毛。不過最弊就係 proplan 成日缺糧，就快食完呢包，點知又無貨，唔通今次又要搵契媽救命 ?

微調方案

教學語言微調方案獲行政會議通過之後，容許擁有 85% 英語能力達標學生的班別成為英語班。

蘿蔔伉儷本來都想來一個微調方案，計算一下有無 85% 係乖巧的蘿蔔貓貓，咁就可以成為 "乖貓一族" or "一班乖貓"。可惜 . . . 計來計去 . . . . .

五隻蘿蔔貓貓入面 :

huey - 100% 乖貓
milk - 75% 乖貓
mike - 50% 乖貓
botti - 25% 乖貓
jheena - 5% 乖貓

平均只有 51% 係乖貓，唉 !

蘿蔔 Body Guard

話說星期六蘿蔔家族係屋企攤抖ing，短毛貓困房，huey 係廳自由行。蘿蔔佬玩緊 hi fi，我就睇緊雜誌；突然我眼尾 "哨" 到有小型物體係走廊 "閃" 過，呢埋咗係我個化粧箱後面。

嘩，呢下非同小可，眼見 huey 有所行動之際，我即刻叫蘿蔔佬睇下乜事。原來係一隻半死的大強，仲要係一隻身型龐大的大強，身長由頭到尾兩吋有多。

蘿蔔佬今次好英勇咁用拖鞋拍死大強，蘿蔔佬今次竟然無離我而去，好感動呀 !

我地將大大大強毀屍滅跡之後，即刻開門入房睇下情況，話晒大強兄係由睡房走出客廳。哈，好似戰場咁亂呀，床頭燈跌低咗，紙巾盒跌低咗，十字架跌低咗，好明顯係短毛一族玩弄完大強之後的爛攤子。

我同蘿蔔佬即時讚貓貓 good boy 同埋 good girl，星期日仲買咗新鮮雞柳俾蘿蔔貓貓食，以示獎勵。