山雞毛有幾好玩

之前介紹過貓隧道同埋毛毛玩具有幾好玩，今次輪到山雞毛，由蘿蔔貓傢俬 huey 親自示範。叫得 huey 做貓傢俬，証明佢平時幾咁唔肯郁，成件傢俬咁放係蘿蔔屋企。所以呢件連 huey 都玩得咁開心的山雞毛，相信其他貓貓一定話正 !


huey 識得用單手拎起 . . .


or 用雙手夾起條山雞毛。


又會得用手襟住條山雞毛，然後用口咬 or "妹"。

我又會用山雞毛引 huey 去追左追右，跳上跳落，連續運動咗 15 min，huey 話要抖抖喎。

抖抖下，直情攰到瞓著咗 ZzzZZzzz . . .

尋求良方妙葯

未老先衰，少年禿頭。我家 mike mike 同 botti 咁後生就開始禿頭，真無陰功囉。


mike mike 係 homozygous (carry 兩個 luen 毛基因)，所以佢 d 毛特別 luen 但又特別薄，只要少咗少少毛就會好明顯。


botti 就好勇鬥狠，成日追打其他貓貓，經常同 mike mike 激戰連場，互相 cool 頸 kangaroo kick。

每次激鬥之後，mike 同 botti 眼角對上就會留低打鬥痕跡 - 少年禿頭。通常 mike mike 係輸家，因為除咗甩毛之外，仲會有兩三條抓痕/血痕。

又翳又熱

打風前，天氣又翳焗又悶熱，週末懶得出街，唯有係屋企開 "行" 冷氣嘆世界。

milk milk 話最好係瞓覺。

千祈唔好叫醒我。

huey 伸直對腳攤係地板上面。

mike mike 又係成個肚腩貼住地板。

叫佢都唔願郁。

botti 鍾意 "i" 住 d 野攤抖，佢又係瞓係地板度。

影張相都話騷擾到佢，睇下佢個 "怒 bear" 樣，十分不滿咁喎。

連 jheena 都最愛趴地板。

唔通羊毛貓特別鍾意做 "趴地" 貓 ?

吐毛問題

我家 "毛神" Huey 一直以來都有吐毛的問題，每隔一兩天就會嘔毛一大球，就算日日餵吐毛膏都無效。

直至今個月初，經朋友介紹開始食 proplan 的 hairball 貓糧，好 work 呀。溝糧食咗兩個星期，毛神 TOUCH WOOD 暫時未有嘔過毛。不過最弊就係 proplan 成日缺糧，就快食完呢包，點知又無貨，唔通今次又要搵契媽救命 ?

微調方案

教學語言微調方案獲行政會議通過之後，容許擁有 85% 英語能力達標學生的班別成為英語班。

蘿蔔伉儷本來都想來一個微調方案，計算一下有無 85% 係乖巧的蘿蔔貓貓，咁就可以成為 "乖貓一族" or "一班乖貓"。可惜 . . . 計來計去 . . . . .

五隻蘿蔔貓貓入面 :

huey - 100% 乖貓
milk - 75% 乖貓
mike - 50% 乖貓
botti - 25% 乖貓
jheena - 5% 乖貓

平均只有 51% 係乖貓，唉 !

蘿蔔 Body Guard

話說星期六蘿蔔家族係屋企攤抖ing，短毛貓困房，huey 係廳自由行。蘿蔔佬玩緊 hi fi，我就睇緊雜誌；突然我眼尾 "哨" 到有小型物體係走廊 "閃" 過，呢埋咗係我個化粧箱後面。

嘩，呢下非同小可，眼見 huey 有所行動之際，我即刻叫蘿蔔佬睇下乜事。原來係一隻半死的大強，仲要係一隻身型龐大的大強，身長由頭到尾兩吋有多。

蘿蔔佬今次好英勇咁用拖鞋拍死大強，蘿蔔佬今次竟然無離我而去，好感動呀 !

我地將大大大強毀屍滅跡之後，即刻開門入房睇下情況，話晒大強兄係由睡房走出客廳。哈，好似戰場咁亂呀，床頭燈跌低咗，紙巾盒跌低咗，十字架跌低咗，好明顯係短毛一族玩弄完大強之後的爛攤子。

我同蘿蔔佬即時讚貓貓 good boy 同埋 good girl，星期日仲買咗新鮮雞柳俾蘿蔔貓貓食，以示獎勵。

Terminator 粉絲

蘿蔔佬話 Terminator 就快有新電影上畫，為咗配合呢部期待已久的電影，我地特別將蘿蔔貓貓打扮成 Terminator 的樣子。

邊個神似 d 呢 ? 仲記唔記得之前好經典的對白呢 ?


Talk to my hand!

I will be back!

毛毛玩具 - 長毛貓玩法

上個週末係 pattyhouse 買咗兩條毛毛玩具。


huey 自己揀咗要白色，咁我就留返紅色俾短毛幫玩。


huey 咬住白色毛毛 "喪玩"，佢竟然識得用口咬住 or 用雙手夾住條毛毛，然後企起身 or 跳起身，將毛毛抛高然後自己接返住。初時我不以為意，係廚房聽到 huey 不停咁叫，我嚇到以為條毛毛可能卡住 huey d 牙仔，點知原來係 huey 玩到勁 high，個傻仔 high 到叫呀 !

玩咗兩日仲係咁鍾意呢條毛毛玩具，趴係地要玩。

坐係地都要玩。

毛毛玩具 - 短毛貓玩法

蘿蔔短毛貓比較長毛貓真係百厭好多好多倍。


毛毛玩具唔駛五份鐘已經變成濕水 (口水) 毛一條。


jheena 搶住玩


botti 又搶住 lam

我都未預備好，botti 已經跳上我身強搶，結果當然係我腳上多了幾條爪痕。

botti 玩得好肉緊，一雙腳掌抓緊地下，八隻腳指樹開晒，雙手又係出晒爪，最驚搶唔到毛毛玩具。

最毒少女心

呢個 mickey + minnie 係香港迪士尼主題公園剛開幕時買的，多年來都放係電視機頂，一路都相安無事，因為眾蘿蔔貓貓對唔會郁的老鼠完全無興趣。

及至到 jheena 出現之後，佢初時對 mickey + minnie 有些少好奇，間中會用鼻子聞一兩下就算。可能 jheena 大個女，就快兩歲的佢的獸性終於發出了。

上星期某朝早起身，蘿蔔佬係廳中間發現了一隻 "斷掌" !!!!!!!!!!!!!!!!!!!!!! minnie 從此就變成了 t bag (prison break 其中一個角色) 一樣，只有一隻左手。

相隔多兩日，我亦加發現了 mickey 的頭移了位 !!!!!!!!!!!!!!!!!!!!!!!!!! mickey 從此就變了長頸老鼠。

蘿蔔人在此奉勸各位，千祈唔好俾貓貓 "扮乖" 的樣子扼到，因為到頭來受害的可能係你地身邊的任何物件 !

放假後的貓貓

每個週末過後，尤其是 long weekend 之後，除咗係自己唔想返工之外，連蘿蔔貓貓都唔想我地返工。

係好耐之前已經開始係咁 . . . . . 每逢假期後的第一個工作天 . . . . .

huey - 眼定定用佢溫柔的眼神，加上輕輕的喵聲，希望可以將我留住。
milk - 初時係不停係腳邊纏繞，後來加埋攤係門口阻止我地出門。
mike - 咬鞋帶，攪到我地綁唔到鞋。
jheena - 有樣學樣，同 mike 左右夾攻狂咬鞋帶。
botti - 計仔最多，千奇百怪都俾佢諗到。最初係偷襪，以為我得一對襪；試過咬住鞋帶想拖走隻鞋，點知拖得幾步路就俾我睇到，跟住用個身瞓係對鞋上面，以為我會搵唔到對鞋；去年開始學識打開我個手袋偷八達通咭，將張八達通咭收埋係地氈下面，點知 mike 出賣佢，mike 企係地氈前面望住我，我估到實有 "境滾"；而家佢識得集合晒哥哥姐姐的絕招，眼定定望住我，好溫柔咁喵我，成個身攤係門口，誓要我地留係屋企繼續服侍佢地。

傻瓜貓貓之貓隧道

究竟貓隧道有幾好玩 . . . 去相 . . .


mike mike 一早就呢埋係隧道入面，jheena 行過，mike 即時由個窗口 "出拳"。
"哎吔" jheena 中咗拳。


jheena 即刻慢慢爬入隧道預備報仇


大家都處於備戰狀態 (張相無倒轉，佢地真係咁的姿勢)

開片中

戰況好激烈

傻瓜貓貓之古怪樣

用傻瓜相機影貓貓，由於佢地動作太快，相機 capture 唔切，於是會有好多蝦碌相。


mike mike 扮大頭貓


jheena 前後 fing 頭相


jheena 左右 fing 頭相

jheena 突然好似攝石咁痴住個鏡頭

傻瓜貓貓之特瞓篇

上個週末用傻瓜相機拍攝蘿蔔貓貓 zzZzzZZzzz . . .

揾個靚位先

炎炎夏日，雲石面最正

冷氣開放中，木地板都唔錯

甜睡中

影後

影前

貓樹中間有個 lone 俾貓貓跳上跳落，mike mike 就物盡其用呢個 lone 去 long 住佢個大肚 dum。

晒住太陽瞓，好舒服

嘆住冷氣瞓

一樣咁舒服

貓貓百態之沖涼篇

整個冬天都無幫蘿蔔貓貓沖過涼，貓毛開始有 “立手” 的感覺，於是蘿蔔佬同我決定向難度挑戰，係復活節假期的最後一天幫其中三隻貓貓沖涼 – Milk, Mike, Botti。

全部貓貓都做齊所有沖涼步驟 – pre-cleansing + one step + shampoo + rinse。

Milk – 好乖，全程坐定定，任沖任洗。

Mike – 唔掂，完全發晒顛，不停咁好大力掙扎，又咬又出爪，有幾次嚇到我要叫蘿蔔佬放手由得佢，免得俾佢咬傷或抓傷。結果我地以最快速度，幾經辛苦，終於沖完涼。我知道佢好驚沖涼，差不多半年無沖過涼，相信日後我要對佢勤加訓練，每一個月沖涼一次，開始時步驟盡量減到最少 (one step + rinse)，等佢習慣咗先加多一個 step (pre-cleansing + one step + rinse)，再等佢習慣埋先沖齊所有 steps。

Botti – 麻麻地乖，初期少少掙扎想 “走佬”，後期好無奈咁坐定定任沖任洗，不過同一時間不停 “吽吽” 聲以示不滿。

嚇餐死

為咗預備貓展，上星期六係屋企幫 Jheena 沖涼。首先 pre-cleansing cream 去油，然後 one step，跟住 shampoo，最後用 texturizing shampoo，之後用暖風機 “烘乾”。

沖涼後香噴噴的 Jheena 竟然受到臭 bun bun 的 Botti 所妒忌，Botti 耐心等候到我同蘿蔔佬入房就寢時，窮追兼猛打 Jheena。蘿蔔佬一聽到 “獅” 殺聲已經即時衝出客廳，只見 Botti 剛剛由 Jheena 身邊跑開扮唔關佢事，Mike + Milk 係另一邊瞓緊覺。

貓貓打交係平常事，通常都係 “拳霸上身” 或 “踢頭咬頸” 之類，我起初以為今次都會係咁。但突然間我發覺好唔妥，因為 Jheena 發晒顛咁追住自己隻右後腳來 lam，佢隻後腳係 fing 下 fing 下咁係地下拖行。當時的情況真係好嚇人，我好驚，我同蘿蔔佬都無晒主見，Jheena 隻腳好似甩咗骹咁。我即時 (凌晨 1 時 50 分) call Anna，我問駛唔駛帶 Jheena 睇急症，Anna 話可以睇定 d 先，等第二朝先決定。佢話如果貓貓甩骹或斷骨的話，第二日情況都會一樣，到時就要睇醫生兼照 x ray，如果貓貓只係扭親或撞親，第二日情況會好好多。於是我就用張氈包住 Jheena 然後放佢入籠，希望佢可以抖一晚唔好週圍走。Jheena 係籠入面不停慘叫同埋 lam 腳，聽得出係痛苦的叫聲，於是我地成晚都好担心 Jheena，大家無瞓過，時不時行埋籠邊摸下安慰下 Jheena。

直到朝早 7 點左右，Jheena 的叫聲開始正常返，變返好似貓仔咁 “蚊滋喵喵喵”，於是我地放佢出籠，佢即時跳上我地床行來行去，然後一半時間瞓係我身邊一半時間霸咗我個枕頭瞓。結果我地全家都瞓到中午時份先起身，我繼續觀察 Jheena 的 “每一步”，可以話係回復正常，於是我同蘿蔔佬都放心出街，去 Anna 舖頭親自匯報情況，然後順道係隔離餐廳買咗一隻麵包蟹一隻龍蝦返屋企做晚餐。

三級制

天文台昨天宣佈新設颱風 “三級制”，分別為 “颱風”、”強颱風”、”超強颱風”。

我亦於今天宣佈新設蘿蔔貓貓 “三級制” :

“貓貓”

“曵貓貓”

“超曵貓貓”

無心睡眠

以前蘿蔔貓貓日頭時間會瞓覺，黃昏時間會玩到顛晒喪晒，跟住我地瞓覺時佢地又會瞓覺。

最近蘿蔔貓貓晚晚都好似無心睡眠 . . . . .

係兩個月之前開始，botti 每日的黎明時份 (朝早五時至六時)，就會係房門口不停咁喵喵叫，直到我地開 門為止。

又係兩日之前開始，mike 係半夜時段 (凌晨三時至四時)，開始不停抓房門。

間中亦會加插 jheena 的小貓喵喵叫聲。

貓貓體重排行榜 2009-03-11

Huey – 10 lbs (1 月時 9.8 lbs) 希望可以增磅到 11 lbs
Milk – 10.2 lbs (1 月時 10.2 lbs) 希望可以減磅到 9.4 – 9.6 lbs
Mike – 12.6 lbs (1 月時 12 lbs) 體重 ok 喎
Botti – 13.2 lbs (1 月時 12.6 lbs) 唔好再肥啦
Jheena – 9.4 lbs (1 月時 9.4 lbs) 好標準的體重

饑饉三月

2009 年 1 月
朋友告知 Proplan 開始缺貨，於是立刻向 online shop 訂購了 20 lbs 裝的 breeder size。

2009 年 2 月
情況惡劣，大部份寵物店都已經缺貨，幾經辛苦，多處頻撲才能購入 2 x 4 lbs 裝。

2009 年 3 月 1 日
在家 stock take，發現存貨量已到達警覺線，只剩下 1.5 jar。

2009 年 3 月 2 日
市面情況更為險峻，全部店舖都無存貨，總代理通知的貨期一再延誤。

2009 年 3 月 3 日
情況告急，正式宣佈蘿蔔貓貓就快斷糧，需要尋求契媽協助。

2009 年 3 月 4 日
得到契爺契媽的出手相助，蘿蔔貓貓斷糧情況暫時放緩。
蘿蔔貓貓話: “多謝契爺契媽，賜給我們每日的食糧 !”