蘿蔔佬的成績

Best 4th in Championship

Best 6th in Championship

Best 8th in Championship

哈 . . 哈 . . 哈 . . . 其實係 Daiquiri 的成績至真，由於 Anna 太忙未能分身，所以由義工蘿蔔佬代領禮品。

香港國際貓展 2008-11-08 & 09

Jheena 第一次參加比賽，好驚呀 !


俾姨姨望下妳個靚囡樣啦 !


仲乜襟到我塊面 16 比 9 呀 ?

叔叔，你因住擰甩咗我個頭仔呀 !

你看著我，我看著你 . . . . .

jheena : 哥哥，你係邊呀 ? 我見唔到你呀，我好驚呀 !

botti : 唔駛驚，我係妳隔離間房呀。

jheena : 哥哥，我地幾時可以返屋企呀 ?
botti : hmm . . . 等我 call 到貓巴士先。

好開心 Jheena 可以入到十大，得到 Best 7th Cat in Premiership。評判 Gary Veach 十分喜歡 Jheena，佢話 Jheena 係唯一一隻 open class 入到十大的貓貓，其餘九隻貓貓都係 grand premier。Gary 見到我抱住貓貓拎住 rosette 去搵佢簽名影相時，佢話 : "What a surprise !" 原因係我係佢的 ring clerk，佢估唔到揀中的 open class 貓貓竟然係我的貓貓。

大整古

一向唔鍾意玩貓展的蘿蔔佬，係今次的貓展中竟然要一個人 show 晒兩隻蘿蔔貓貓，今次真係大整古 !

話說原本我蘿蔔人約好晒一班貓友一齊參加貓展，我地仲要坐埋一齊以便大談揍貓經。點知比賽前一小時，Anna 同我講話有 1 ring clerk 同埋 2 back up ring clerks 同時失場；ring clerk 由於飛機 delay 起飛，所以要到晚上先可以到達香港，而另外 2 位 back up 就唔知乜事無出現。Anna 希望我可以臨時頂上 ring clerk 一職，雖然我有上過 clerking school，去年做過一次 assistant ring clerk，但完全無 ring clerk 的實戰經驗。但基於情況太緊急，我唯有 “頂硬上”，亦臨時拖埋我朋友 Elaine 落水做 assistant ring clerk，一於拍住上。在全無預備之下，好彩多得靚女 Chloe 出手相助，指出犯錯之處並教曉我地好多要注意的地方，終於在有驚無險 (應該係 “好驚” 先啱) 之下完成咗一日做 acting 的工作。

再一次多謝 Chloe 教識咗我地好多實戰的常識 ! 當然亦要多謝 Elaine 諗都唔駛諗就答應幫我做 assistant ring clerk，減輕咗我一大截的工作，同時亦分擔咗我一半的壓力。

多謝 ! 多謝 !

有你著數

識熟我的朋友一定記得每次貓展比賽我都會預先向積哥訂講 "貓貓汽球" 用來佈置貓籠，當然今個週末的貓展亦不會例外。

積哥為了支持蘿蔔貓貓參加比賽，特地答應給予蘿蔔粉絲額外的優惠，凡持有 "貓貓五重唱" 卡片(蘿蔔人將於貓展內派發) 的朋友，於貓展期間到積哥 C11 "DIY 心意球" 攤位印製任何汽球，可以獲得額外的折扣。

提提你，今個週末約咗你

有時間的話，記得星期六到荃灣愉景新城商場探下蘿蔔人 + botti + jheena 。

(備註 : Click 一下 poster 可以放大)

Huey Lion King

炎炎夏日，唔單只人著得少，連貓貓都著少 d 毛 (= 甩毛)。夏天過去，貓貓開始換上秋裝 - 多毛裝。


心口成排毛呀


對手仔 d 毛長到好似乞衣仔呀


心口長毛堅晒出來

當然唔少得狐狸尾巴一條

貓草玩具

見到 pattyhouse 新入口貓草玩具，包括貓草大 cushion、細 cushion、香腸條、糖粒，見到 cushion 上面有一對精靈大眼睛，結果忍唔住手，一口氣買了兩個 cushion。


十分 kawaii 的外型


Huey 立即有晒反應，果然係 "貓草王"。


難得一見 Huey 的惡霸樣，目的只是為了要守衛住貓草 cushion。

玩咗差不多 20 分鐘，玩到 high 晒，玩到攰晒。

天然貓糧推介 - Evolve

自從 8 月開始轉餵 Evolve Maintenance 天然糧之後，貓貓好喜歡食，連一向難以增磅的 Huey 亦成功達到理想體重 10 lbs，蘿蔔貓貓已經演變成蘿蔔豬貓了。於是上週末開始替蘿蔔豬貓轉食 Evolve Senior/Light 天然糧，希望可以控制一下豬貓們的體重，如我所料，貓貓仍然食得好滋味。


milk milk 公主要同新糧 "落訂"，milk 以為 "hi" 下包裝留下自己的氣味，貓糧就會屬於她的所有 . . . 傻貓 !


"hi" 多幾下


milk milk 連小食都唔放過，一於據為己有。

天然小食 kitty kissers，有蝦味、雞味、魷魚味。

Botti @ Home

交叉手 + 交叉腳，究竟邊隻係手邊隻係腳？


就快 13 lbs 的 botti，經常瞓係貓樹最高一層，但又要瞓埋一邊，伸隻腳出來 fing 下 fing 下，仲要突埋半邊 pat pat 出來，結果攪到貓樹上層已經變成 "比薩斜塔"。



蘿蔔佬問我短毛貓係咪無腳底毛o架？
點會無呢，不過短 d 之嘛。

鬥氣小寃家

botti 同 mike 係一對好鬼痴纏的兄弟，經常互攬 (一個攬頸一個 cool 腰) 互 lam，被 lam 的一方簡直瞇晒眼咁 enjoy。唔知道佢地兩個都係仔的朋友，會以為佢地係一對情侶；知道佢地兩個都係仔的我，就會覺得佢好 gay。相片中呢一刻，botti 同 mike 勁似一對鬥緊氣的小寃家，尤其是 botti 鼓埋泡腮的嬲爆樣加上 mike 的不知如何是好的無奈樣。

小時候

昨天整理舊手機內 micro SD 咭的資料，發現存有用手機拍下 huey 同埋 milk 小時候的相片。


攝於 2004 年 12 月 19 日 milk milk 公主當時 6 個月大


攝於 2004 年 12 月 28 日 (milk milk 當時頭大身細，同而家剛剛相反)


攝於 2005 年 2 月 8 日 (huey 當時 10 個月大，剛剛加入成為蘿蔔貓貓)

貓貓體重排行榜 2008-10-18

Huey - 10 lbs (7 月時 9.6 lbs)
Milk - 10 lbs (7 月時 10 lbs)
Mike - 12.4 lbs (7 月時 12.2 lbs)
Botti - 12.4 lbs (7 月時 11.6 lbs)
Jheena - 9.4 lbs (7 月時 9 lbs)

我家蘿蔔貓貓就快要改口叫做 "蘿蔔豬豬貓" 了，不過好開心 huey 終始增磅成功，我相信係因為我轉了 evolve 天然糧的關係。首先貓貓鍾意食 evolve 自然會食多 d，其次天然糧的營養成份容易俾貓貓吸收，貓貓食得多又吸收得快，唔變豬就怪 ! 蘿蔔豬豬貓要開始轉食 evolve senior/light 糧，只有 huey 可以繼續食 evolve maintenance 糧去增磅。

蘿蔔舅舅 + 蘿蔔舅母

上週末同屋企人嘆茶後，細佬同弟婦都話要來我屋企探望蘿蔔貓貓。佢地一見到貓貓，即時話 "嘩，botti 同 jheena 都大隻咗好多好多呀"。 兩個鐘頭裏面，細佬追住 d 貓貓玩 cat teaser，弟婦追住 d 貓貓影相。

Paul + Mike

Paul + Botti

Edith + Botti

Edith + Mike

最得爸爸寵愛的仔仔

無論 botti 做錯乜野，蘿蔔佬緊有藉口幫佢解釋 . . . . . 嘿 !


例牌嬲爆 look

一時又扮可愛

間中會對鏡自我欣賞一番

扮 cool . . . . .

大個女

不經不覺，jheena 已經滿咗一歲，大個女啦 !


唔怪得連甫士都有 d 淑女形態，仲識得瞇起雙眼 . . . . . 放電呀 ! 哈哈哈，其實 jheena 係怕閃光燈至真。


難得影到龍眼咁大對的眼仔，o衣，呢張相又有 d 似 short nose 的扁面貓貓喎。


我最鍾意 jheena 頸位的 luen 毛，一執執的 luen 毛，好似豬肉鬆。

有爸媽陪伴的日子

今早電視新聞報導，有一家人其中五位小朋友被父母獨留家中，無人照顧。 反觀蘿蔔五貓就經常有爸媽在身邊侍候，寵得有如家中的大少爺大少姐。

mike mike 經常霸咗蘿蔔佬的坐位，佢話要同媽媽一齊排排坐，叫爸爸坐窗台喎。

每當蘿蔔佬或我蘿蔔人要用電腦上網時，mike mike 又唔准我地唔理佢，點都要用個身壓住我地隻手，等我地無得上網。

懶樣

貓貓最愛攤抖，貓貓的懶樣最令到我羡慕 . . . . .