中秋新玩意

中秋節又到，為免蘿蔔小朋友玩煲蠟，於是買了呢個新玩具俾蘿蔔小朋友玩。


購於 citysuper


不倒翁 + 彩色羽毛


一放落地，mike 同 jheena 已經兩支箭標埋去，話要測試新玩具的好玩指數。

botti 等咗超過 15 分鐘，等到第一輪貓貓玩到攰，終於輪到佢玩。

點知一玩上癮，咬住唔放。

索性獨霸玩具

拖佢入房慢慢玩

連 huey 咁細胆的貓貓，都要冒住俾 botti "勁揪" 的危險，點都要試玩一下。

所以呢個玩具的好玩指數係 . . . . . 8 /10 分。

邊個幸福 D ? (蘿蔔貓貓版)

蘿蔔佬同蘿蔔人日日都同蘿蔔貓貓講：你地睇下亞邊個 D 貓貓幾慘，連續三日都無人餵食。你地又睇下亞乜水 D 貓貓仲慘，成日俾屋企人用腳踢。蘿蔔貓貓，你地睇下你地幾咁幸福呀，日日食足三餐，每日都有 daddy 媽咪又抱又錫。

蘿蔔貓貓諗住一陣，決定回答：喵喵 . . . 喵 . . . 喵喵喵 . . . 喵喵 . . . 喵 . . . 喵喵喵 . . . (翻譯中) . . . 你地睇下隔離屋 D 貓貓完全唔啋佢地 daddy 媽咪o架，你地又睇下隔離大廈 D 貓貓日日都又爪又咬佢地 daddy 媽咪o架。蘿蔔 Daddy 媽咪，你地睇下你地幾咁幸福呀，次次叫我地都會喵喵應你地，日日我地都肯俾你地又抱又錫。

另有 "邊個幸福 D ? (蘿蔔伉儷版)" http://lifeatsnapshot.blogspot.com/2008/09/d_09.html

Huey 反肚專輯

每當長毛貓與短毛貓分開時，就是 Huey 最開心的時刻。

Huey 最喜歡獨處，Huey 最愛蘿蔔媽媽，Huey 最怕受短毛蘿蔔貓迫害。


指定甫士


開心到反肚


Huey BB 樣

反肚擰來擰去

反肚甜睡中

救命呀!

Huey：媽呀! 救命呀!

女魔頭：哈哈哈！你嗌都無用o架，你媽咪同 daddy 去咗拍拖，佢地救你唔到o架，不如你乖乖地任我魚肉啦！

(Photo credits: Kenneth)

好玩的一天

星期六帶咗 Jheena 同 Huey 去 Pattyhouse 洗白白。貓友 Elaine 同 Kenneth 亦帶咗 Momo 同Cookie 一齊探我地，於是我地四個人四隻貓又傾又玩又食下午茶，開開心心過咗一個星期六。期間亦遇到新羊毛貓主 Elisa 同佢蝦子餅，大伙兒傾下點樣去 "糟" 肥 d 貓豬，呢家野我就最有經驗，因為我屋企的蘿蔔貓貓全部都俾我地糟肥到豬仔咁樣。

Jheena 求救的眼神, 真係我見猶憐 !

羊毛貓獅子王 Twins - Huey & Momo，究竟邊個係 Huey，邊個係 Momo 呢 ?

(註 : 鳴謝 Kenneth 幫我地一眾貓主一班貓豬影靚相)

仔仔的心聲

Botti：爸爸，點解裏面唔係貓糧o既？


Botti：嘿，爸爸唔錫我啦！我嬲！

趴地影貓貓

忽然間好想係貓貓同一樣的水平去影佢地，於是趴係地下追住貓貓影相。每次追貓，手踭同膝頭哥都會 kok kok 聲敲響地板，影咗幾張，己經開始手踭痛，膝頭哥又痛。趴地兼 "冷" 地 10 分鐘，已經好似老人家咁週身開始痛。

反斗妹

Jheena 成日都會攬住或者壓住 d hifi 線瞓覺，亞囡呀，呢 d 線雖然唔會漏電，不過會俾妳壓斷o架，我無錢賠俾妳爸爸呀！

(後註：有朋友問我，點解我見到咁的情況，唔係第一時間移走亞囡免得佢壓壞 d 線，而係走去拎部相機影相o既？ . . . . . Hmm . . . . . good question!)

懶貓

貓貓有幾懶？我話佢地要幾懶就有幾懶！


攤開腳咁瞓


插水式攤抖


啊 . . . 啊 . . . 啊 . . . . . 放完蚊就瞓

貓女巫 & 貓女模

昨天帶 Jheena 到 G.O.D. 替寵物雜誌影相，一共有三隻羊毛貓 . . . . .

我家小霸王 Jheena

Jheena 的同胎哥哥 Momo

同埋 Cookie，哎吔，唔記得叫 Kenneth 幫我同 Cookie 影相o添。

請支持 11 月貓展

請大家支持 11 月貓展，到時入場幫我地加油呀 !

仲影妳唔到？

終於影到 Jheena 打 "喊路" 的相啦！

各有睡姿

貓貓自由行時段，Huey 大部份時間都呢埋係 hi fi 柜最底層。


Milk 無論瞓覺唔瞓覺，都鍾意反轉肚攤抖。


Botti 鍾意係貓樹最高層，吹住冷氣瞓覺覺。


Mike 無時無刻都痴住我地。


Jheena 話：未化粧的貓樣，唔准影！

蘿蔔貓貓特徵

我地蘿蔔家族的貓貓，就算佢地初來時點瘦點奀，只要經過我蘿蔔人努力培育之下，一定會有以下的成績：


大 pat pat

大肚腩

天然貓糧

一直以來都希望蘿蔔家庭的貓貓可以 "活得開心，食得健康"，所以我經常會購買新出的貓玩具及天然貓糧。

多年來曾嘗試過餵不同牌子的天然貓糧給蘿蔔貓貓食，可能天然貓糧較為 "淡口"，所以貓貓都是 "聞下就算"，肯咬一兩口已經算 "俾足面子" 去應酬我。試過的牌子有 Natural Balance，Chicken Soup，Pinnacle，Wellness， Felidae ，California Natural ，結果是全部貓糧都送給了義工團體。蘿蔔貓貓最肯食的只有 Hill's Nature Best，可惜此糧並非真正的天然糧，而且貓貓食多了會變成肥貓，所以我唯有將 Hill's Nature Best 溝 Proplan Indoor 或 Weight Management 貓糧。

最近 Pattyhouse 新進口了美國天然貓糧 Evolve，於是我買了一包 Maintenance 成貓糧回家給蘿蔔貓貓嘗試，結果 . . . . . 五隻貓貓都鍾意食，未到一個星期已經清了整袋 3 lb 裝的貓糧。

Evlove Cat Food - Maintenance 成貓糧
http://www.evolvepet.com/catmain.html

多愁善感貓詩人

又到打風落雨的日子，Huey 最開心，因為佢最愛 "睇雨"，興起時佢又會 "捉雨"。

Huey 係咪好似一個多愁善感的詩人呢 !

貓貓專用化粧箱

每星期我都要幫貓貓梳毛剪指甲兼清潔眼耳口鼻，每次清潔前都會用一個托盤放上 oral gel，eye cleanser，ear cleanser，eye envy，nail clipper，comb，scissors，cotton balls，cotton pads，Q tips。偶一不慎就會跌到一地都係清潔用品。

上次見到 Anna 幫 Botti 美容時，所有架撐全部放入一個大型化粧箱裏面，真係一個好主意。於是上週末我都買咗一個專門放貓貓美容用品的中型化粧箱，日本入口，人手製造，所以好輕身，又防水。

以後我幫貓貓預備梳毛清潔時就唔駛 "lai 咁 hea" 囉。

無有怕

Jheena 陪 Botti 到 Pattyhouse，Jheena 一 d 都唔怕陌生環境陌生人，一出貓袋就玩到傻晒。不停跑來跑去，不停同眾姐姐們玩毛毛棒，間中又停下來讓 Ken 哥哥拍照。

呢張文靜靚女相就係 Ken 哥哥幫 Jheena 影的，thank you Ken !

扁面貓

有人話 Jheena 似扁面貓喎 . . . . . 乜真係似咩？

變面之 Botti 篇

早兩年 Huey 的一張變面相片，曾經有朋友以為係合成相片，可以想像得到 Huey 的變面功夫好掂。

今次輪到 Botti，唔知他的變面功夫又有幾掂呢？

變面前 . . .


3 . . 2 . . 1 . . 我變！

羊咩咩的下場

昨晚放工返到屋企，一打開睡房門就發現小羊咩咩慘遭毒手，大羊咩咩未能及時伸出援手，傷心過度繼而暈倒。



法醫話，按照小羊咩咩發漲程度，事發應該超過三小時。


疑犯一有野講：一屋不能藏二美，尤其是奶白色毛的靚女。


疑犯二都有野講：我最憎係短毛，尤其是短毛羊毛的物體。

貓貓體重排行榜 2008-07-08

Huey - 9.6 lbs (較個多月前重了 0.2 lbs) - 希望 Huey 可以增肥成功，目標係 11 lbs。

Milk - 10 lbs (較個多月前重了 0.2 lbs) - 希望 Milk 可以減肥成功，目標係 9 lbs。

Mike - 12.2 lbs (無變) - Mike 的體重尚算標準，不過外型就有個細肚腩。

Botti - 11.6 lbs (較個多月前重了 0.2 lbs) - Botti 的體型較大隻，應該仲可以重多少少就 perfect 啦。

Jheena - 9 lbs (較個多月前重了 0.8 lbs) - 回想當初 Jheena "瘦炆炆"，模特兒的身型，從來唔鍾意食幼貓糧，只肯食成貓糧，而且食量又唔多，曾經為佢擔心過。到而家 10 個月大，開始越來越大食，每隔幾分鐘就會自動自覺去食少少乾糧，密密咁食，攪到變成肥妹身型。

今日 high 咗未

上星期 pattyhouse 返咗新的 catnip toy . . . . .

雪茄

萍果

檸檬

香蕉

黃魚，綠魚，鯊魚

貓草玩具色彩繽紛，貓草味勁濃。

我買了一個萍果同埋一條鯊魚，支持環保 BYOB 的我，將呢兩件野就咁放入我個手袋裏面。當晚一返到屋企，三隻短毛緝私貓直刻出動，左索右索，mike 同 jheena 仲未知道氣味來源。結果 botti 一馬當先，一個肥大身軀由高而下飛撲落我個手袋上面，我的 MMJ 手袋當場被壓扁。

試玩結果：全部蘿蔔貓貓對呢兩個貓草玩具百份之二百咁有反應！

huey 直情攬實條鯊魚慢慢嘆，盡情 high，係咁 "lam" . . . . . 去片 . . . . .

http://www.youtube.com/v/Ji3GQaQUY40