undercover mouse "二五鼠"

Pattyhouse 又返咗新玩具，今次呢個玩具叫做 undercover mouse，我叫佢做 “二五鼠”，哈哈。

呢個玩具得到美國的寵物玩具設計奬冠軍，好啱好奇心重或八八卦卦的貓貓玩。如果屋企的貓貓係懶貓的話，都可以利用呢個玩具吸引佢走多幾步。


botti：乜傢伙嚟o架？
jheena：(大驚少怪地大叫) 哎吔 . . . 會郁o架！！！


botti：我襟住先，隻老鼠係我o既。
jheena： 係我睇到佢先，隻老鼠應該歸我所有。

蘿蔔貓貓示範片段 . . . . . 去片 . . . . .

短毛貓第一 round，先玩羽毛尾，玩到顛晒喪晒，最爛玩係 jheena，玩到成條羽毛搶走要獨佔喎。
http://www.youtube.com/watch?v=QmGt2hyx_Mk

短毛貓第二 round，今次俾老鼠尾佢地玩，仍然玩到連亞媽喺邊個都唔認得。
http://www.youtube.com/watch?v=5ZIC4hsFTAM

斯文的長毛貓 huey 同 milk，對付 "二五鼠" 時係保持觀望態度，不停繞圈陪跑，最多係用手撩幾下，然後繼續觀望。
http://www.youtube.com/watch?v=uQlTuI5O3bs

小氣鬼

話說昨晚其中一隻 "飛飛" 飛咗入屋企，仲要係睡房裏面徘徊，於是我就推咗 mike 同 botti 入房，叫佢地幫媽咪 "攪掂" 佢。結果 . . . . .

數分鐘後，隻 "飛飛" die flat 咁俾 botti 係房門 lar zip 出來。

於是我打開房門入去預備讚下 botti，點知佢一見我叫佢就即刻擰開面，仲要用背脊 "得" 住我，咁我未一路讚佢 good boy 一路摸佢個頭，平時佢會好得戚咁 "gut" pat pat 兼 "fing" 尾尾，點知昨晚佢竟然 "入後波" 避開我。

唉，佢嬲我困咗佢入房喎！嘿，小氣鬼！

Animal Farm

新買咗一套 Animal Farm 毛公仔俾蘿蔔貓貓玩。

試玩結果：如相中一樣，mike 同 jheena 勁鍾意。jheena 成日咬住隻細綿羊跑來跑去，朝早仲咬住羊咩咩跳上我床俾我玩。平時多數時間係 jheena 霸住間農舍，唔准其他貓貓入屋。

露營

之前買的黃色帳幕已經被 milk 咬到千瘡百孔，上個月見到 pattyhouse 返咗新的營幕，顏色及質料更靚，於是買咗一個幻彩藍色的俾蘿蔔貓貓。

試玩結果：每隻貓貓都貪新鮮輪流霸一陣，瞓得最多係 mike，第二係 milk，第三係 jheena。

蘿蔔家庭慘被侵略實錄

自從上星期四開始，無時無刻窗外都有數十隻 "廣翅臘蟬" (原以為係飛娥，後經 hi fi 網友提供正確資料) 聚集。就算晚上落大雨將佢地沖走，第二天早上停雨後，又開始聚集。

貓貓由朝早開始睇住 d 飛飛。

到夜晚仍然不放棄要睇住 d 飛飛。

每晚窗外的情境。

偶一不慎飛咗入屋，就會慘被蘿蔔貓貓先虐後殺。

星期日早上影到的 "廣翅臘蟬" close up。

捐助

蘿蔔佬 : 公司募捐，我個人捐咗 xxx 元。
蘿蔔人 : 我都夾咗 xxx 元俾公司去 offset 公司的葯品捐贈俾災區。
蘿蔔貓貓 : 喵 . . . 喵 . . . 喵喵喵 . . .
蘿蔔人 : 哎吔，捐貓糧無用o架。不如我將用來買你地今個月罐頭糧 + 小食的款項一共 $300 捐出去啦，好嘛?
蘿蔔貓貓 : 喵。

最上鏡先生

Botti 影相最緊要睇心情，心情靚靚的話，擺晒最靚甫士任影唔嬲。

貓傢俬

最近家中的多了一件貓傢俬 - mike。佢大部份時間都係瞓覺，一係瞓我地張床，一係就瞓我個身。

玩到顛貓

而家 jheena 變成蘿蔔家族中最爛玩的貓貓 . . .


預備 . . . . .


attack! (出晒爪)


玩到攰時只會就地休息片刻，之後又要繼續。

驚青 huey

huey 越來越無胆，越來越驚青。每日 "自由行" 時間，huey 只會呢埋係 hifi 後面，希望其他貓貓 "你睇我唔到"。


huey 驚青到連家中最細的 jheena 都怕 . . . . . 不過暫時無 feee jheena，huey 只係唔鍾意佢行過。

貓貓體重排行榜 2008-05-13

huey - 9.4 lbs
milk - 9.8 lbs
mike - 12.2 lbs
botti - 11.4 lbs
jheena - 8.2 lbs

打針的後遺症

上週末帶 Mike 同 Botti 去打預防針，回家後 Huey，Milk，Jheena 勁聞佢地。唔知係咪佢地身上有陣診所味，Huey 竟然唔怕佢地；又唔知係咪佢地俾獸醫舞完一輪驚魂未定，Mike 同 Botti 竟然勁痴住 Huey 哥哥。Huey，Mike，Botti 可以和平共處，一齊係窗台上瞓覺覺，而 Botti 竟然係瞓覺前幫 Huey 哥哥 lam 頭仔 . . . . . 真係好似奇蹟一樣呀！

喂！咪咁開心住呀 . . . . . 因為第二日已經全部 back to normal 啦！

唔通打針都會有後遺症？ Hahaha . . .

惡女

milk - 各位熟朋友一定知道 milk 最鍾意先嗲後咬蘿蔔佬，在亳無因由之下，蘿蔔佬唯有好亞 Q 咁同自己講，話 milk 愛佢先會咬佢。

jheena - 佢已經晉升成為蘿蔔家的小霸王，對住 botti 大灰熊都無有怕，如果 botti 飲水飲慢 d，或者 botti 個肥大身驅有少少阻住佢行路，jheena 即刻出手兜頭打 botti 一下。

蘿蔔人 - 俗語有話，怕老婆先會有發達o架 ! 所以為咗蘿蔔家族，我唯有委屈自己扮惡女。

充滿動感的貓貓

經常練習 "飛躍" 動作


結果有一個 long looooooooooong body

青出於藍

千祈咪俾 jheena 咁乖巧的甫士扼咗你/妳。

自從 jheena 第一日到達蘿蔔家，佢就好鍾意痴住 botti，跟出跟入，唔單只學齊 botti 的頑皮本領，簡直就係青出於藍。

咬鞋帶 - 唔單只咬斷鞋帶咁簡單，仲要咬到條鞋帶又濕又霉。
偷毛毛棒 - 唔單只識得不問自取，仲識得收埋支毛毛棒唔俾我發現。
無時停 - 每日都不停咁跑來跑去，跳高跳低，係患上 "過度活躍症" 的典型例子。

養貓的煩惱

養貓就快四年，最大的煩惱有二 :

1) 貓糧
2) 貓砂

貓糧 – 因為家中有幼貓和成貓，成貓之中又有腸胃敏感的和需要控制體重的，所以家中儲存的乾糧最少都有四至五款 – 幼貓糧，普通成貓糧，腸胃敏感糧，體重控制糧，天然配方糧。最頭痛係貓貓需要食適合自己的貓糧，可惜經常係事與願違，幼貓偏偏愛食成貓糧，肥胖貓貓偷食幼貓糧。

貓砂 – 呢個一直係我最大的煩惱 !!!!! 試用過多款不同類型的貓砂 – 礙結砂，木片砂 ，木粒砂，豆腐砂，粟米砂，紙粒砂，紙條砂。

礙結砂 – 好處係容易剷走排泄物，襟用；唔好處係木地板變成沙池，尤其是貓貓用雙手玩水兜後，木地板佈滿沙腳印。
木片砂 – 好處係勁吸味；唔好處係貓砂輕身，長毛貓痴到成身都係貓砂。
木粒砂 – 好處係勁吸味，貓砂大粒唔會痴落貓毛；唔好處係遇濕會變成粉末，我家其中一隻貓貓對木砂敏感，手掌又紅又腫，嚴重時會有損口兼結焦。
豆腐砂 – 好處係貓貓唔覺意食落肚都無害；唔好處係吸味麻麻，價錢較貴。
粟米砂 – 好處係貓貓唔覺意食落肚都無害；唔好處係吸味麻麻，容易有谷牛。
紙粒砂 – 好處係大粒唔會痴落貓毛；唔好處係吸味麻麻，濕後變成糊狀兼痴盤底。
紙條砂 – 好處係實心紙條狀，唔會痴落貓毛，濕後紙質仍然結實唔會變糊狀；唔好處係唔會礙結。

近兩年我一直都係用紙粒砂，由於我家有長毛貓亦有短毛貓，更加有一隻喜歡 “炒” 砂的貓貓；試想想剛換了一盆新砂，貓貓去 peepee，然後將濕砂炒到散晒，攪到成盆新砂都有濕砂兼尿味。唉，結果係 . . . 又要換過一盆新砂。

今個月初我開始試用紙條砂，效果唔錯，唔會痴落貓毛，ok 吸味，由於濕後紙質仍然結實，所以就算貓貓狂炒貓砂，我都唔需要從新換過全部貓砂。

日日都係潑水節

今個星期係泰國的潑水節 Songkran Festival，亦即泰國的新年。蘿蔔家庭無須等到特定日子都可以有潑水節，事關 jheena 日日都會係屋企慶祝呢個節日! 以前好整齊的食水兜，而家每分每秒都一定要用毛巾墊底。

兔兔貓

旺角金魚街的寵物店經常見到不同品種的可愛兔仔出售，其中一款甚為可愛的長毛兔仔叫作 "貓貓兔"。

其實我家亦有五隻 "兔兔貓" . . . . .


huey 兔兔貓


milk 兔兔貓


mike 兔兔貓


botti 兔兔貓


jheena 兔兔貓

究竟邊個最似真正的兔兔呢?

最享受的時刻

由於 huey 較為不享受 "群貓生活"，所以每天定時我都會將 mike，botti，jheena 間中加上 milk 關於房內，讓 huey 可以享受一下 "不被打擾" 的時刻。


mike 每天最享受的就是可以躺於我們的懷抱內，時不時 lam 下我們的下巴 or 咀咀。

成熟男

一歲後的 botti，好像忽然成熟了不少 . . . . .


呢張好有 hobo feel (註: hobo 係 botti 的外公)


頭大咗少少圓咗 d d，不過身型就暴漲咗好多。

朋友到訪後遺症

昨天茱莉亞姐姐及彼得哥哥到訪蘿蔔家庭，同蘿蔔貓貓們玩得十分開心。茱莉亞姐姐例牌向 botti 不停抽水 (話個秘密你地知，其實茱莉亞最愛 milk 的甜美外型，可惜眼見 milk 如何又抓又咬蘿蔔爸爸隻手，嚇得佢對 milk 公主 "敢看不敢摸")，彼得就不停用相機左拍右攝，捕捉蘿蔔貓貓佻皮的一面。

兩小時之後 . . . . .


mike 攰到咁o既樣 . . .

來個 close up

jheena 都攰到唔理儀態

milk 公主點攰都要保持淑女形象

botti 玩極都唔攰，繼續係地板 "典來典去"

朋友到訪時，huey 例牌只會露一面就繼續我行我素，所以無時無刻都處於優閒狀態。

貓貓駁髮

相處咗咁耐，huey 淨係同 milk 夾得來，佢同 mike，botti，jheena，總係三句唔埋就出手，唔通 huey 唔鍾意短毛貓 ? 於是我把心一橫，決定拎三隻短毛貓去駁髮，變身成為三隻長毛貓，今趟 huey 再無藉口唔啋佢地啦 !