貓貓也焗油

天氣乾燥, 一於帶貓貓去美容兼焗油, pattyhouse 當然係用 jerob 焗油.


困焗毛機困了幾個鐘, 一返到屋企要嘆冷氣嘆返夠本 . . . . . 爽呀 !

貓豬肉鬆呀 . . . . .

我美容時你地就嘆下午茶, 哼 . . . 我嬲 !

攪了大半天, 又攰又眼瞓 . . . . .

貓貓餐單

貓貓好愛你餐單

早餐: 罐頭糧

午餐: 罐頭糧

晚餐: 罐頭糧

另需長期提供乾糧

(以上餐單由蘿蔔貓貓們提供)

神氣的 Huey

難得 Huey 肯合作, 坐定定做 model, 一於影多幾張靚相相.

扮乖的 Huey.

Huey, the Lion King.

Huey 與他的最佳成績 "2nd Best Cat" in Premiership.

頑皮的 Huey

昨晚需要拍攝一些與貓有關的照片, 於是困了 M+M (Milk + Mike) 及 Botti 在房中, 本以為乖乖的 Huey 絶不會攪攪震, 怎料今次我跌眼鏡.

第一輯照片是拍兩條白色羽毛, 相機還未調較好, Huey 以最快速度跳上拍攝台, 用最八態度去面對羽毛.




當拍攝乾糧及水兜期間, Huey 毫不客氣地要 "先享用, 後拍照" 喎.

破壞王之破壞日記 - 十月篇

原本是破壞日記, 後來結局變成整古日記.

話說有一晚我們通宵開著部 laptop 放在餐枱上, 第二天早上發現無線 mouse 的 usb 插頭不翼而飛. 由於上次破壞王咬斷了有線 mouse 的 cable, 於是我們懶聰明地買無線 mouse, 點知一樣 "joe yeung". 我們搵了又搵, 搵完再搵, 仍然未能找到失物. 蘿蔔佬用恐嚇口吻同破壞王講, "我俾一日時間你交返個 usb 插頭出來, 否則 xxxxxxxx". 又過了一晚, 第三天早上食完早餐之後, 蘿蔔佬入房更衣, 我就入廚房洗碗, 我返到飯廳, 突然見到餐枱下面出現了失蹤一日的無線 mouse usb 插頭!!!!!!!!!!!

失而復得的感覺真好!

奀皮豬

Botti 係一隻既奀皮但聰明的貓豬, 除了每個月的破壞日記之外, 佢時不時都會俾我發現到有聰明的一面.

除了曉得開門鎖門之外, 近期發現 Botti 曉得 "走捷徑". 話說 Botti 同 Mike 日日都 "你追我逐", 由客廳追到入房, 由地面 play fight 上到貓樹頂. 昨晚佢地 "追戰" 期間, Mike 俾 Botti 追打, 眼見 Mike 由左邊 "sip" 入梳化後面逃亡, Botti 即時由梳化前面跑去右邊 "等" Mike 出現, 結果 Mike 真係俾 Botti 嚇了一跳! 嘩哈哈!

Botti 的加入, 令到蘿蔔一家, 從此平靜不再, 變成熱鬧非凡!

新玩具

好久沒有逛又一城, 上週末逛完鴨記之後去了又一城, HandM 剛剛開業第二天, 店外排了長長的人龍. 我喜歡 log on, 因為 clothing, accessories, pet stuffs, 樣樣都有. 結果買了三樣 pet stuffs . . . . .

(1) 震震球 (2) 皮製魚型玩具 (3) 貓型手機繩

一見到呢隻藍貓手機繩, 即時聯想到我家 Botti, 於是唔理卅七廿一, 一於要買! 大 B 見細 B.

一路震一路 look 的波波, 質地用堅固的軟膠造的, 震了一個鐘都無乜花痕, 幾 come 玩.

不過貓貓鍾意睇多過玩.

有鬚就係大佬?

羊毛貓由於天生 luen 毛兼 luen 鬚, luen luen 的貓鬚十分容易折斷, 尤其是頑皮的 Mike Mike, 經常 "捐" 來 "捐" 去, 長時間都無條鬚長. 今次難得每邊都有一條長度正常的貓鬚, 於是立即影相留念.

體重排行榜 2007-9-27

11.6 lbs 的 Mike 長長的身形, 十分一隻 "臘腸貓".

10 lbs 的 Huey 最愛倚窗看夜景.

9.8 lbs 的 Milk 仍然過住唔係瞓就係食的生活模式.

8 lbs 的 Botti 又係果個既英但怒 bear 樣.

Seafood Fest

今晚的晚餐有 almo nature 的 salmon and carrot 同埋 tuna and shrimp


睇得到的絲絲三文魚 + 粒粒紅蘿蔔, 仲有絲絲吞拿魚 + 原隻蝦仔


手急眼要快, 眼慢就輸清晒! milk + mike + botti 呢三隻係最快埋位的為食貓.


齊齊開餐, 食到連我都聽到 "習習" 聲.


mike 首先離場, 佢話 "少食多滋味" 喎.


好有 "衣食" 的 milk 同 botti, 食完自己個兜, 仲要食埋人地淨低的, 一於 "食得唔好 side".


後勁凌厲的 botti, 由頭食到尾, 一秒都未停過.

被 "清道夫" botti 最後掃過之後, d 兜兜全部乾淨到差 d 唔駛洗.

破壞王之破壞日記 - 九月篇

枱面有 d 野 . . . . .


究竟係乜傢伙?


原來係一夜之間被肢解o左的老鼠


睇唔睇到總共有幾多個被咬爛的缺口呢?
. . . . .
. . . . .
. . . . .
. . . . .
. . . . .

答案係 . . . . . 九個!

Huey 退休後的生活

早陣子有朋友問我, 為何今年不帶 Huey 參加貓展? 去年 Huey 的成績不錯, 得到了 Grand Premier 的 title, 雖然未能成為 DW, 但在 selkirk rex longhair premier 排名是世界第一名, 一生人當中又有多少個世界第一呢?

Huey 由始至終都並不享受貓展的樂趣, 經過兩年的參賽, 得到了不錯的成績, 我也樂於由得 Huey 退休, 做一隻開開心心的 "家貓" (我家的貓貓).

現時 Huey 每天不是睡就是吃, 間中加入少少玩樂時間. 每朝早上 Huey 會等我起身, 然後 "跳" (開心跳) 到我身邊撒嬌. 每個傍晚 Huey 亦會等我放工回家開冷氣, 然後跳上貓樹頂層 "嘆冷氣". Huey 退休後的生活可以用三個字來形容 "一樂也"!

u magazine 2007-09-14

u magazine 想寫一篇有關於羊毛貓的介紹, 於是 anna 就推薦了我家三兄弟.

十分喜歡記者小姐的文章, 因為沒有加鹽加醋. 當天她問我為何養了三隻羊毛貓這麼多, 我答 "養羊毛貓是會養上癮的".

Remark: Click to enlarge the picture so that you can read the content.

門裏門外

門裏面, botti 以為有得食, 所以幾大都唔肯走出廚房!


門外面, huey 話一見係爸爸煮飯, 緊係 "唔關貓事" 啦 !

自我陶醉

蘿蔔佬話: Botti, come to papa. I love you, son!

Botti 話: 爸爸, 我唔係你支結他呀, 唔好襟 chord 咁襟住我至得o架! 來人, 救命呀!

亞大亞細

亞大 huey 話: 有買襯手, 買定離手 !


亞細話: 你話側田靚仔, 定係我 "側頭" 靚仔 d 呢?

從未如此美味過

最近在 anna 處買了一款意大利牌子 almo nature 的濕糧, 有罐裝亦有袋裝, 超多款不同口味, 內有雞湯或魚湯, 罐裝的雞湯魚湯是水狀, 袋裝的雞湯魚湯是 jelly 狀, 而罐裝的熱能較袋裝為多, 所以我買了罐裝給 huey + botti, 亦買了袋裝給 milk + mike.

經過了兩天的試食四款不同口味, 結果 . . . . . 貓貓話 "超正" 喎!!!!!!!!!!! 從未試過有濕糧全部貓貓都話好味. 從未試過有濕糧俾佢地食到個糧兜咁乾淨, 差 d 唔駛洗兜. 從未試過有濕糧 milk 食咗唔會嘔.

HULK fans

昨晚明珠台播放了電影 "變形俠醫 HULK", 電影的後半部有很多動作片段, 例如變身後的綠色巨人跳高跳低, 軍隊戰鬥機飛左飛右. 這些視覺效果竟然可以令到 "除了瞓覺就無法靜下來的" Botti 靜靜躺於我臂彎內長達 20 分鐘, 可以看到 Botti 雙眼的視線是跟著綠色巨人及戰鬥機的上下左右移動. Botti 靜靜觀看 Hulk 的同時, 我和蘿蔔佬就靜靜觀看 Botti 可愛的表情, 當時屋內的氣氛真的是 "從未如此寧靜過"!

破壞王之破壞日記 - 八月篇

pewter 天鵝甩底


迪士尼純銀真皮手機帶無繩用


耳機單邊響


波鞋鞋帶無得打結

唔知家居保險有無得賠償呢? 抑或可以 claim 返 anna 同 lyman 呢?

Milk Milk 上電視

昨晚去了有線電視 27 台直播室, 參予了一個清談直播節目的其中一部份, 與主持人分享了我跟 milk 如何結緣, 及後 milk 如何患病大半年, 以至 milk 腳部手術的故事.

原本 8:20pm 直播第二部份, 怎料臨時將我們延至第三部份, 於是我們在等候室坐了一個小時, 加上 20 分鐘節目的時間, milk 已經悶壞了, 到差不多節目完結之前的三分鐘, milk 突然發小姐脾氣咬了我的手一大口, 我即時望向面前的電視機, 幸好剛才的鏡頭没有拍到 milk 的惡行, 否則我整個時段都講 milk 的性格如何溫馴如何親人, 便會變成自打咀巴了.

十面埋伏

Huey 是擒拿高手, 專門對付會飛會爬的昆蟲, 只要不幸被 Huey "看中", 一定走不出 Huey 的十指山兼且肯定會 "死無全屍".

記得 2005 年拍得 Huey 送大禮的相片, 他將他的獵物 2 吋長的曱甴分屍後, 身體一分為二陳屍客廳中央, 另將最重要的頭部及其中一隻翼收藏於我的一對鞋內, 預備給我一個 "驚喜". 貓友們對那些張貼出來的相片作出投訴, 於是我承諾不再張貼任何昆蟲屍體的相片.

話說回來, 前星期我發現 Huey 重出江湖, 今次更有他的心愛師弟 Botti 隨行. 星期五晚放工回家後, 發現餐桌下有異物. 近看之下, 發現一對 2/3 吋長的透明翼連著懷疑是頭部的物體, 在兩呎範圍之外又發現疑是昆蟲一部份的身體. 由於一雙翼是透明色的, 加上 Huey 已有無數次 "捕蜂" "捕蠅" 的經驗, 所以我有理由懷疑受害者是蜜蜂或黃蜂或蒼蠅. 亦由於透明翼有 2/3 吋長, 我相信可以減去受害者是蒼蠅的機會.

在此我要再次呼籲, 所有會飛會爬的昆蟲, 請勿再進入我的 home sweet home, 否則後果自負.

一不離二, 二不離三

繼上次 Botti 壓壞蘿蔔佬的 hi fi cable 之後, 頑皮傑作真的是一不離二, 二不離三.

昨天早上 8:05am, 就在蘿蔔佬預備出門返工之際, Botti 跳上座地喇叭頂, 然後推跌蘿蔔佬 DIY 的 tweeter 超高音音箱 , 結果當然是跌壞了 tweeter.

昨天晚上回家時, 用鎖匙開了大門之後, 怎料大門被防盜扣卡住了. OH MY GOODNESS! 難道要找 24 小時開鎖佬! 蘿蔔佬先用地鐵咭, 再用職員咭, 試圖將防盜扣推離鎖位, 跟著向鄰居借了兩把螺絲批, 結果共用了 15 分鐘左右就順利將防盜扣 "解決了".

記得約一個月前, Botti 已開始學懂跳高用手去開大門, 幸好大門是球型手掣, 所以 Botti 每次跳高用手拍動大門手掣, 仍然未能順利打開大門. Botti 近來越跳越高, 跳高時已可以輕易地觸摸到防盜眼. 今次防盜扣意外地扣上了, 相信是 Botti 的頑皮傑作. 未知他是否特意學我將防盜扣扣上, 抑或以為防盜扣可用作開門之用.