Catnip Pillow 貓草枕頭

識得瞓梗係要用 catnip pillow「浪」住個下巴咁瞓啦！

Rio 奧運會

難得免費電視播放，蘿蔔伉儷晚晚睇奧運。本應以為貓豬們會陪睇，點知 . . . . .

就連最嗲人嘅都 . . . . .

係佢地唔識得睇奧運，抑或比賽真係咁悶？

絕版小精靈

近期大熱的 Pokemon GO 手機遊戲，雖然我唔識點去場館戰鬥，但基本嘅捕捉小精靈部份還可以應付。

今朝喺屋企就發現呢隻稀有兼絕版小精靈。

Primal Raw Food

Huey 今年 12 歲，由去年開始牙齦發炎，食乾糧時總會吐出數粒乾糧。獸醫說由於 Huey 年紀大了，不會冒險替他全身麻醉然後洗牙；亦不會開止痛消炎藥，因為需要長期服用，但副作用就是會傷肝臟。現時只能做的就是儘量餵食濕糧，令到 Huey 進食時不會感到牙肉疼痛。

我家羊毛貓豬都是腸胃敏感的，每次食濕糧都會肚痾，所以每星期只會餵一次罐頭。如果 Huey 需要每天食濕糧的話，真的是一個大問題！

早前跟朋友談及此事，她建議我可以試下餵 Huey 食生肉，尤其是火雞肉更適合腸胃敏感的貓豬。於是我首先買了一包 Raw Frozen Turkey，平時需要將生肉放入冰箱冷藏，餵食前 8 小時將餵食份量放在雪櫃下格解凍。試食報告：生肉的氣味真的難聞，Huey 聞了幾下便走開了，結果每星期將生肉溝入大量罐頭濕糧，加上其他貓豬協助下才能勉強清倉。

跟著我買了 Freeze Dried Turkey，生肉是乾磚形狀，平時放入密氣樽儲存，每次餵食前，只需將一塊乾磚用手指搣碎，加入適量清水，待肉碎吸收水份後便成。試食報告：生肉乾磚的香味跟豬肉鬆一模一樣，Huey 大愛！

加入清水後變成濕糧

貓豬大愛

餐餐清碟

貓咪最愛的彈弓

蘿蔔伉儷養貓 12 年了，任何貓咪的玩具，無論是平的貴的都買過，要數貓咪最最最愛的玩具，第一位就是「彈弓」！

只要彈弓一出，貓咪都會玩得瘋狂，又跑又跳，又推又追，更加會變成狗仔一樣，咬著彈弓帶到我面前，細聲喵喵叫我陪玩。

「珪藻土」吸水墊

相信有很多貓主都會遇到喜歡玩水的貓豬，蘿蔔家亦有一隻喜歡用手舀水飲的貓豬，令到我家天天都是「潑水節」！

之前會用毛巾鋪底，於是每天都要更換濕透了的毛巾。早前朋友介紹了一塊「珪藻土」吸水地墊，吸水力強兼預防霉菌，今天見到在 Aeon 店有售，即買。

名符其實的 Quick Shower

本想帶貓貓出去美容，可惜最近的天氣反覆無常，差不多天天都有雷暴警告。我不想挽著 20 多磅的貓袋去搶的士，所以決定自己沖貓。

大部份貓豬出外沖涼時，都會變成可愛乖貓豬，任梳任沖，你想點就點！可惜在家自己沖貓時，就會變得好像要行刑一樣，不停喵喵叫，有的甚至又叫又跳！

所以我每次自己沖貓，只有一個字：快！

今天一口氣沖了短毛組，15 分鐘沖貓 3 隻，真的是 quick shower！

沖涼後全部困籠，用暖風機 + 風筒慢慢吹毛，需時大約 30 - 45 分鐘。

嘆冷氣

識得嘆冷氣，梗係咁樣嘆啦！

口水貓

有隻貓豬在我大脾瞓咗半小時，瞓醒後跳落地去食野，之後我發現外套濕了一片，原來有貓瞓覺瞓到流口水！

靚仔 wallpaper

Botti 突然變靚仔。

Hong Kong Seven 粉絲

今個週末係 Hong Kong Seven 七人欖球比賽，多謝 viu tv 免費播放。

原來 Botti 都鍾意睇喎，比賽時眼仔碌碌睇到實，廣告時間閉目養神抖返下。

等睇香港隊出場打 semi final。

豬。腳。B

臭豬

臭腳

臭 B

閉氣神功

「閉氣神功」原來是這樣練成的！咁樣瞓覺已經超過半小時，俾我就一定抖唔到氣！