暴龍 + 速龍

一朝早，肥海豬 Botti 忽然變咗暴龍，係咁喪玩 !

同場突然出現多一隻手抓下抓下，原來係好似速龍咁細細粒的 Jheena。

衰貓

Botti 又曳喇 ! 今晚爸爸本來想聽下黑膠唱片，點知，都未打開個蓋，Botti 一支箭就跳咗上去唱盤度坐低，係都唔肯返落o黎，個樣仲要鬼咁得戚 !

Botti : 係屋企我係主場，呢度我話晒事 ! 你地想做乜都要預早入紙申請 !

抱抱

古靈精怪 Botti 差唔多每朝早都會使出怪招，想我留係屋企陪住佢。

今日佢就 . . . . .

媽咪，我要抱抱 !

爛瞓貓豬

瞓醒咗，食完野，又瞓過 . . . . . 好想攪醒佢！呵呵呵！

扮公仔

Jheena 最愛扮公仔，點扮 ? 就係反肚瞓係度，如果我忍到手唔攪佢的話，佢真係可以成兩三個鐘頭完全唔郁都得架。

偏心的爸爸

我成日都話蘿蔔佬偏心肥 B，係佢自己唔肯認之嘛。昨晚俾我發現到佢部手機的 screen 都用咗 "魔鬼肥 B" 卡通版，個卡通公仔真係好鬼似古古惑惑的肥 B 架 !

肥基兄弟

話說 Mike + Botti 呢兩個肥基兄弟，經常出雙入對，就算攤抖時都會好似連體咗痴住一齊先開心。

有朋友話佢地係 "pat pat 相印" 喎 . . . 哈哈哈 . . . . .

海豬出動

一朝早，海豬 Botti 出動了。佢責實爸爸對鞋，為的只係唔想爸爸返工囉。

失敗之後，Botti 又使出反肚扮可愛呢招，目的係唔想我返工囉。

同日夜晚，海豬又 "攤抖"，突然發現佢的披毛形態好似魚鱗咁喎，咁呢隻海豬咪變成咗一條肥美人魚囉 . . . 呵呵呵 . . . . .

咁早就瞓

你地駛唔駛未夠 10pm 就瞓到咁呀? 叫你地做貓豬真係無錯o既。

有腳的隧道

IQ題 - 有乜野貓會咁樣玩隧道?
答案：曳貓囉！

貓貓的 fine dining

為咗呃蘿蔔貓豬食三文魚油，用盡心思，今餐係三文魚油撈罐罐，topping with cat-man-do 及白灼海中蝦。

結果當然係清晒兜啦 !

Botti 做 sit up

Botti 俾媽咪笑佢有個肥腩，決定的起心肝做 sit up 減肚腩。唏 . . 哎呀 . . . 點解坐唔到起身嘅 !

Huey 撲蝶

呢排每論日與夜都有幾多飛飛 (廣蠟蟬翼) 入屋，昨晚 Huey 首先企定定及實佢地的去向，然後 analysis 下自己可唔可以撲到蝶，結果有隻飛咗去電視面, Huey 即刻好輕盈咁跳上柜面，企直個身，用雙手去撲蝶。

Botti 的真身

Botti 的真身原來係 . . . . .

海象的彊屍尖牙 + 海牛的圓碌碌身型 + 海豹的可愛樣子  + 海狗的柔軟披毛 + 海獅的突出耳仔

穩如泰山

貓貓契媽講過，肥貓坐地下時因為肥肚腩對摺的關係，完全唔需要挨牆都可以坐得好穩陣，簡直就係穩如泰山，而家由 Botti 親自示範一次。