貓囡會嗲 d ?

繼 Jheena 晚晚做我的毛毛頸巾之後，Milk 近日都一改以往瞓覺的習慣，唔再攬住我隻腳瞓，改為瞓係我懷抱之內。過去三晚，Huey 同 Milk 入我房瞓。Huey 一如往常自己瞓窗台，Milk 初時瞓係我枕頭上面，半夜就自己 “捐” 入我張被裏面，將個頭枕住我隻手臂瞓咗一晚。昨晚我讓蘿蔔佬瞓我的位置，測試下 Milk 的反應會否不同，點知 milk 一樣係咁瞓喎，先瞓枕頭，之後自己 “捐” 入張被裏面瞓，氹得蘿蔔佬今朝起身笑騎騎，一副 “勁冧” 的樣子 !