roboman + meow meow quintet 蘿蔔媽媽 + 羊毛貓貓五重唱

點解會攪成咁架?

2012-02-16T13:14:00.002+08:00

就咁睇 Botti 真係好英好有型。

睇真 D . . . . .

再睇近 D . . . . . 哎吔，點解個肚 DUMP 吊吊 FING 架 ?

蘿蔔佬直情笑到 "噴飯" (我地食緊飯嘛)

Botti 發現我影佢個肚腩，即刻衝過來咬我部手機，意途毀滅証據。

貓貓體重排行榜 2012-02-15

2012-02-15T21:27:00.000+08:00

Huey - 10.2 lbs (標準)
Milk - 10.8 lbs (超重)
Mike - 14.4 lbs (超重)
Botti - 15.2 lbs (超級超重)
Jheena - 8.4 lbs (標準)

扮野 B

2012-02-09T13:41:00.003+08:00

曵貓！襯我入咗廚房攞飯盒，即刻坐住我個飯袋 & 手袋，出度o黎仲要見到佢係上面 lam 毛，扮晒唔關佢事 . . . . . . 哼！

貓 vs 人類的年齡圖表

2012-02-05T15:45:00.000+08:00

探訪羊毛貓星球

2012-01-28T20:45:00.001+08:00

最愛羊毛貓星球，因為該星球貓豬甚多，任玩任摸，更有多隻 PR 貓經常會上身。

我的至愛 Ranne 囡囡，我一坐下 Ranne 便立即上身 "霸地盤"。

父子情

2012-01-25T14:42:00.001+08:00

瞓覺都要攬住爸爸件衫，駛唔駛咁愛爸爸呀?

天寒地凍

2012-01-24T14:43:00.000+08:00

今個農曆新年好凍，溫度低於十度，加上落雨，所以又濕又凍最難頂。

年初二，差不多全日都落雨，最好都係留係屋企嘆暖氣。

可能天氣凍，Botti 同 Mike 痴到實，仲要好寃氣咁 "基基男" 一番。

小公主 Jheena 就一於痴實爸爸取暖。

Happy Birthday to Botti

2012-01-19T21:26:00.001+08:00

Botti 仔仔今日五歲了! 五年來睇住佢一日一日長大，一日一日變壞 (曳) !

Botti: 我今年的生日願望係 - 俾爸爸閙少D，媽咪唔好成日嚇我話要拎我去整煲仔飯 =(^.^)= 喵 !

生日大餐 - 雞肉一整罐 + cat-man-doo 一大執。

其他貓貓好明顯要 share 一罐 + 一少執 cat-man-doo。

壽星仔食到 "集集" 聲

好快清兜

扮野 B

2012-01-16T13:55:00.005+08:00

扮貓 B，扮乖，扮可愛，扮斯文

跟住扮正經

最後扮大頭貓 =(^.^)=

鵲巢鳩占

2012-01-10T22:28:00.001+08:00

時間係晚上九點，都仲未開床鋪，佢地已經咁樣，你地叫我瞓邊呀 ?

萬寧貓貓電視廣告

2012-01-05T21:36:00.000+08:00

最近萬寧貓貓的廣告大熱，無論在電視，facebook 或 youtube 都大受歡迎。

萬寧貓貓廣告

原來我家都有一隻萬寧貓貓 - Mike! 除了外形相似，Mike 亦十分愛我。另外廣告其中一幕係貓貓幫自己 lam 毛，呢一個鏡頭激似度高達 80% !

你睇我唔到

2012-01-03T17:00:00.003+08:00

傻豬 Jheena 最鍾意同 Mike 哥哥玩 "僕呢呢"，兩隻貓豬經常不停咁 "飛貓" 般狂奔。

呢度係 Jheena 最常呢埋的地方 . . .

Jheena: 你睇我唔到! 你睇我唔到!

Like Grandpa Like Grandson

2011-12-31T16:48:00.001+08:00

We aren't TWINS! 我地唔係＂村屎＂！

上面係 Pattyhouse 店主 Hobo 外公，下面係我家曳貓 Botti 外孫，佢地除咗攤抖時一樣咁豪邁姿勢之外，瞓覺時一樣鍾意露出彊屍牙仔！

咁早瞓 ?

2011-12-28T17:12:00.002+08:00

我地就話年紀大要早睡早起啫，點解全家年紀最細的 Jheena 小妹妹仲早瞓過我地o架 ? 我地都仲睇緊電視劇 "天與地"，個鐘都未夠 10 點鐘，佢已經瞓到隻豬仔咁 !

Jheena 節瓜妹

2011-12-28T16:34:00.004+08:00

Jheena 已經四歲了，但無論樣貎舉止，仍然似足一隻貓 B 咁活躍咁古靈精怪。

由貓 B 節瓜妹時期 (睇下佢對節瓜咁粗的腳仔!)，到而家差不多四歲半，好似無乜點大變化咁。

不平安的平安夜

2011-12-25T16:29:00.000+08:00

12 月 24 日半夜，客廳只剩返我同短毛貓，睇睇下電視，突然聽到有貓慘叫，原來係 . . . . .

跟電視的宣傳短片一樣，受到侵犯時一定要說 "不" !

損人不利己

2011-12-22T17:08:00.000+08:00

唔想同其他貓 share 間貓屋，又唔想俾其他貓入去瞓，唯有壓扁間屋，大家都無得入去瞓 !

棉花糖

2011-12-22T12:50:00.001+08:00

Milk 是一隻 "四蹄踏雪" 的 birman cat，每次見到棉花糖般的腳仔，就忍不住想大啖咬落去 !

濕糧

2011-12-19T13:45:00.002+08:00

耐唔耐都會有朋友問我，究竟要幾耐餵一次濕糧俾貓貓呢? 一日一次抑或兩日一次呢? 其實無一定的答案，要視乎貓貓的身體狀況。

例如我家蘿蔔貓貓，其中三隻貓貓腸胃天生敏感，每次食完濕糧就會 soft pu，為免我經常要做事後清潔，所以我每星期才餵一次濕糧，當作是奬賞。

多年來我都係餵 almo nature 呢個牌子，因為係蘿蔔貓豬的最愛。有幾愛? 有相為証 . . .

食得幾乾淨! 乾淨到我差 D 唔駛洗碟呀!

我的可愛王子

2011-12-17T14:33:00.001+08:00

每逢蘿蔔佬一早起身出車，Huey 一定第一時間跳到床上霸佔爸爸的半邊床位，Huey 愛我，我愛 Huey ^3^

切勿獨留貓豬在家

2011-12-14T13:27:00.001+08:00

昨晚我只不過約咗朋友晚飯啫，只不過獨留貓豬跟爸爸單獨相處一晚啫，咁都會出事 !!!

可能蘿蔔佬太無奈喇，佢竟然幫 D 貓豬著衫衫 . . . wakaka . . .

亞仔，你已經唔係貓 B 啦 !

2011-12-11T14:39:00.001+08:00

Botti 最愛 "捐" 紙袋，就算個紙袋點細個，佢一定會拼命先將個頭塞入個紙袋入面，然後兩隻後腳不停咁撐，希望可以將佢龐大的身驅捐埋入去。可惜事與願違，Botti 唯有放棄，然後用隻手襟住個紙袋，實行一拍五散，佢捐唔入都唔俾其他貓捐入去 ! Hahaha . . .

貓帽 ? 貓眼罩 ?

2011-12-10T14:22:00.000+08:00

Jheena 同爸爸一齊瞓晏覺，可以見到 Jheena 係一隻極度要痴住人瞓的貓豬，佢一定要掂住我地或摸住我地瞓覺。

冰冷的星期天

2011-12-03T14:10:00.000+08:00

天氣咁凍，加上屋企開咗暖爐，攪到人貓都想瞓 zzZZzzZzzzzz . . .

Milk 例牌公主式咁斯文的睡姿 ^_^

Jheena 攪乜鬼瞓到咁樣 @.@

Botti 竟然學人交差手 . . . wahaha . . .

Mike 要爸爸好似抱 BB 咁抱住佢喎 ^O^

大眼妹

2011-11-25T22:44:00.001+08:00

反而 jheena 剛剛相反，平時見我影相一定瞇晒眼，反而用手機可以影到佢圓碌碌的大眼睛。

攪咩呀？咁嘅樣！

2011-11-25T22:40:00.001+08:00

原來 botti 唔鍾意我用手機同佢影相，呢個係＂嬲爆樣＂！

你想點呀 ?

2011-11-01T16:15:00.001+08:00

爸爸，你想點呀? 將個鎖匙扣放係仔仔個身五分鐘喇，亞仔真係忍得你啫 !

亞仔，你想點呀? 你而家的腰圍睇怕已經做到萬千女士都好羨慕的 "21 吋小蠻腰" 啦 !

好貓唔攔路

2011-11-01T16:05:00.003+08:00

差唔多每一日都會有貓貓瞓係門口攔住唔俾我返工，仲要反肚 + 超級無敵可愛 LOOK !

Jheena: 媽咪，妳搓下我個肚先啦!

Botti: 媽咪，我咁可愛，妳真係捨得唔理我去返工呀?
媽咪: 衰仔，你同錯我講喇，我唔係你老豆呀! 你咁可愛，我最多唔捨得將你煮煲仔飯咋! 哈哈哈 . . . . .

Botti: 媽咪，我有彊屍牙喎，妳敢行過來唔怕我咬妳咩 ?
媽咪: 唓，我會怕你有牙? 你敢咬我，你睇我今晚煮唔煮煲仔飯呀嗱 !

Simon's Cat video - 'Double Trouble'

2011-10-07T17:06:00.001+08:00

Double Trouble Animation

好似 Jheena 同 Botti ... kakakaaaaaa
1) Jheena 最愛呢埋係窗簾後面彈出來嚇其他貓.
2) Jheena 俾 Botti 追時最愛走去梳化後面.
3) Jheena 俾 Botti 打時 (都未掂到) 就已經開大口慘叫定先.
4) Botti 真係會用個身"得"住唔俾其他貓一齊食(佢親愛的Mike 例外).
5) Botti 真係試過企係砂盤邊, 由於身體太重整反咗個砂盤, 結果係我大聲慘叫 !!!!!

十一國慶放煙花

2011-10-03T15:28:00.003+08:00

milk : 睇煙花，梗係企得越前越好睇啦 ^_^

DJ Cats

2011-09-27T14:32:00.002+08:00

爸爸, 你幾時會買呢件玩具俾佢地玩呀?

http://www.wired.com/gadgetlab/2011/09/cat-scratch-the-turntable-for-kitties/

否則你的玩具好快會變成佢地的玩具喎 >.<

Watch this !

貓色魔犯罪過程

2011-09-20T18:02:00.002+08:00

受害人 Botti 慘被貓色魔連番糟質，幾經反抗終於逃出魔掌ssssss (<-- 一共六隻魔掌)。事後 Botti 的弱小心靈受到重大的創傷，留下了一生都不能磨滅的童年陰影。

哈哈哈 !!!

蘿蔔貓貓表演 @ 2011-09-13

2011-09-20T17:55:00.002+08:00

Mike - 表演hand hand
Botti - 表演錫錫 & 唔睬人
Jheena - 表演 "飄過" 的路人甲

Botti 的表演最精彩! 佢本來想食小食，點知受不住姐姐的美色，走去錫錫。有位哥哥即刻想乘機抽水，諗住用小食引誘 Botti 仔仔，點知 Botti 唔睬佢，呢位哥哥竟然惱羞成怒用手指督 Botti，Botti 即刻行去我腳邊仲 "喵喵喵" 不停向我告狀 "以後唔准俾呢個哥哥o黎" ! 哈哈哈 . . .

口水佬

2011-09-06T14:19:00.003+08:00

Botti 係一名口水佬，由細到大都鍾意講野，有時會自言自語，有時會同我搭訕。

叫佢個名會邊應邊行過來，食濕糧時會邊食邊講 "習習習 . . . 好味呀 . . . 習習"，玩得開心時會邊玩邊叫 "嘩，好玩呀! 真係好好玩o架! " 每朝蘿蔔佬返工時，佢一定邊跑去門口邊大聲叫 "爸爸，唔好關門住呀，等埋我呀! 我要同你 say goodbye 呀! "

今次 Botti 仔仔一定係玩新的貓傢俬玩到傻咗，自言自語的時候唔覺意流咗一滴口水出來o添 ! 哈哈哈 . . .

開學了

2011-09-06T14:09:00.007+08:00

開學了! 週末在 Pattyhouse 給蘿蔔貓貓買了一套書枱連凳，給他們做功課之用 ... hahaha ....　

Botti "最勤力" ? Ooops ! 佢係最霸王至真，係都要自己霸住枱面，佢話 "long" 得佢個大肚 dum 好舒服喎。

Botti 連枱底都要霸埋，攤抖期間仲伸手磨下爪。

呢套貓傢俬可以轉左轉右，叠高叠低，打橫打直都得。
Botti 仔仔不停跳上跳落，跳出跳入，玩得不亦樂乎。

結果引得連 Jheena 都玩埋一份，由地下跳上去，跟住跳入箱入面，呢埋瞓覺豬。

好兄弟

2011-08-17T13:00:00.003+08:00

蘿蔔屋企大部份窗口都係向東面，所以每朝早都會有太陽伯伯叫醒我地 & 蘿蔔貓貓。每朝起身，點都會見到有貓貓係度晒ing 太陽，有時更加會見到 mike & botti 兩兄弟一邊晒太陽一邊互 lam 毛，相親相愛的基基男 !

天時暑熱

2011-08-17T12:51:00.003+08:00

天時暑熱，最正莫過於安坐家中 "嘆冷氣" ^_^

我講過如果返工前天文台已發出 "酷熱警告" 的話，蘿蔔貓貓就可以繼續嘆冷氣，但如果警告在我返工後先發出，TOO BAD，kakakaaaa

Huey 係最長毛又最多毛的貓貓，每逢夏天，佢一定 "熱到叫"，佢真係會喵喵叫我幫佢開冷氣o架 ! 一開著冷氣機，Huey 即刻跳上去個出風位 "吸真氣" hahahaaaaaa

吸夠冷氣之後，Huey 自然會揀過又涼快又唔怕俾風正面吹襲的 "皇帝位" 瞓返個覺覺先至係最識嘆的貓皇帝。

好誘人的 pat pat 呀 !

一齊睇 "香港先生"

2011-07-18T15:52:00.003+08:00

上週末無記做 "香港先生" 選舉，今屆的質數認真哈哈哈 ! 由於無字幕的關係，有幾位先生的廣東話我真係聽唔到囉 >.<

睇咗唔夠一個鐘 . . . . .

Milk 嚇到反肚 @_@

Jheena 笑到反肚 XD

"乾物貓"

2011-07-14T12:56:00.001+08:00

日劇 "螢之光" 裏面的 "乾物女" 最鍾意係屋企拎 D 報紙當被冚。唔通蘿蔔貓貓陪我睇得呢套劇集太多，變咗 "乾物貓" @_@

19 包包

2011-07-06T13:32:00.002+08:00

同學仔及貓友們熱愛整 17 包包 (要用 17 小時發酵的頂角靚麵包)，原來我家都有 19 包包 - 19 吋腰圍兼肥膏頂角的貓豬包 ! 哈哈哈 . . .

近朱者赤，近墨者黑

2011-07-06T13:26:00.002+08:00

近期 Milk 成日群埋班曳貓，仲學埋 Botti 瞓係廁所門口的雲石條上面，喂 . . . "好貓唔攔路" 喎 !

手袋放題

2011-07-06T13:09:00.000+08:00

每日放工返屋企，Jheena 會第一時間 "捐" 入我個大手袋，然後 "手袋放題" - 任摷 & 任咬 ! 俾我多次警告及打 pat pat 教訓之下，佢就會好唔 happy 地轉戰爸爸個背囊。睇下 Jheena 個樣幾咁 "唔順超"，Mike 係後面係排緊隊等去瞓爸爸個背囊。

另一邊廂，Botti 仔仔係我後面，企定定兼擺定個 chok 樣等影相。

AXXPET 網上寵物用品店

2011-07-04T11:32:00.002+08:00

話說上個月打電話想訂貓糧兩包，A 牌子無貨，好啦咁我淨要一包 16lbs B 牌子貓糧，佢不停叫我訂兩包，我話我無位放兩包 16lbs。跟住又叫我買某日本牌子小食，我話我 D 貓唔食小食。跟住叫我買罐頭，我話我 D 貓都唔食濕糧。跟住佢話點都買 D 啦，我又 repeat 我都話我 D 貓唔食囉。佢問係咪即係淨買一包 B 牌子 16lbs 貓糧，我話係，約第二晚送貨。佢話第二晚無期喎，不如星期六好嘛 ? 我話好啦，跟住佢又問我仲有乜野要買，我話無，要住一包 16lbs 貓糧先，等 A 牌子貓糧有貨到時再買。跟住佢即刻話星期六都無期喎，呢排佢地都無晒期，未知幾時可以送貨喎。

##$$*@#@^#*!@($^%#$

咁多年來我差不多每個月都向佢地訂貨 HKD1,000 - HKD1,200 ! 今次由於佢地貓砂無貨，貓糧又缺貨，我只可以買一包 HKD3XX 的貓糧。電視廣告話 HKD100 都送貨，點解今次要拒單呀 ! 其實佢地的貨唔係最平，貓砂仲貴過其他網上店，貓糧只係平十元八塊，我個個月同佢地訂貨只因為佢地貨品齊全，我可以一次過訂晒貓砂 & 三個牌子的貓糧。既然而家佢地的態度咁寸，我無謂俾錢佢賺仲要受佢氣，所以我決定以後都唔會幫襯呢間 AXXPET !

蘿蔔佬失眠夜

2011-07-04T11:21:00.003+08:00

話說蘿蔔佬開心地預備同短毛組瞓覺，佢話好耐無俾短毛入房瞓喎。FINE！關燈後，mike 首先一野跳上蘿蔔佬心口，成個頭＂hon＂埋去爸爸度要咀咀喎 ^3^，之後繼續用成身十幾磅的重量集中係四隻腳，企係爸爸心口。

半夜輪到 jheena 出招，懶 sweet 咁瞓係爸爸枕頭，幫爸爸塊面＂四腳按摩＂，為免被毀容，蘿蔔佬唯用隻手擋住！

跟住臨天光 4：30AM，botti 仔仔壓軸出場！一個大 pat pat 瞓落爸爸枕頭，仲要個 pat pat 越＂bell＂越過，最後蘿蔔佬個頭跌出枕頭以外 ! 哈哈哈 !

無辦法之下，蘿蔔佬決定要換出短毛換入長毛，終於有覺好瞓！

Botti 肥仔

2011-06-27T14:15:00.003+08:00

Botti 越來越肥仔，難為佢越肥越要俾人知喎。每次坐低或瞓低，佢都好似驚駛無人知佢肥，係都要反轉個身攤大個肚腩任人睇任人欣賞 .....

我靜靜雞幫佢度過喇，Botti 的腰圍係 19 吋呀 !

Jheena & 囡囡

2011-06-23T15:05:00.002+08:00

Jheean 似乎好鍾意呢件貓擺設，日日都會會同佢玩 (咬佢幾啖)，晚晚都要同佢一齊瞓覺 (有時會用來 long 住個頭)。唔知係咪差唔多顏色，佢以為呢個係佢個囡 ?

大腳板

2011-06-23T15:01:00.004+08:00

Milk 公主的香香腳板 ^O^

Botti 奀皮仔的臭臭腳板 ^_^

DIY Paper Toy

2011-06-23T14:11:00.002+08:00

蘿蔔貓貓最愛o既玩具之一係 "彈弓"，但寵物店出售o既彈弓太細 size，貓貓追玩唔夠一小時，所有彈弓就會消失得無影無踪。

有一日，我啱啱用廁紙筒自制紙條俾鸚鵡大佬玩時，即時靈機一觸 ! 我將廁紙筒剪成彈弓形狀，蘿蔔貓貓竟然勁鍾意玩喎 ! 哈哈，今次真係夠晒環保之餘，又可以慳返少少買玩具錢喇 !

夏天吃野味 ???

2011-06-13T17:01:00.002+08:00

話說今朝一早就見到一隻三角型的飛飛，幾年前有網友話我知這款飛飛不是蛾，應該叫 "廣翅蠟蟬"，素食者，即是只吃葉子。每逢到春夏季節，經常有 "亞蟬" 飛入屋內或停留在玻璃窗外面，前年最高記錄是一晚發現數十隻在窗外 . . . . . 好嚇人 !
話說回頭，"亞蟬" 昨晚已入屋，今早我見它停留在窗台的玻璃窗上，貓貓對它亦不作理會。我還以為經過了一個晚上，貓貓與 "亞蟬" 已經將對方 add 了入 friend list . . . 哈哈哈 ! 怎料 . . . 突然聽到有貓撲窗的聲音，即時我已望向窗台，發現 Mike 眼甘甘望住雲石面，而 Botti 就正在 "lam lam 咀"，再望向玻璃窗，"亞蟬" 已經消失得無影無踪 !

亞仔，天時暑熱，你晨咁早就食野味，你唔怕流鼻血咩 !

探訪奧利華王子

2011-05-23T16:45:00.002+08:00

Oliver 同我家 Huey 是同胎兄弟, 他們都承繼了 Charlie 老爸的溫柔性格。他們喜歡親近人，他們從不撩事生非，他們總是會利用溫柔的眼神去俘虜我。

羊毛貓星球 Curly Cat Planet

2011-05-17T14:37:00.001+08:00

我家其中四隻蘿蔔貓貓就係來自呢個貓星球的, 片段中最肥的藍色肥貓及相片中的無毛貓就係我家 Jheena 的親生父母啦!

My 4 curly cats came from this "cat planet". The chubby blue cat and the "hairless" cat (zygot) are the parents of Jheena!

羊毛貓星球 Curly Cat Planet

我要媽咪陪

2011-05-16T16:36:00.002+08:00

每天朝早，Botti 例牌會洗出千奇百招 "把我留住"，根據這幾年的統計，用得最多的要算是以下呢一招 . . .

Botti 傻仔，媽咪有好多對鞋o架，你邊有咁多對手仔襟晒呀 ?

Botti CHOK 相

2011-05-03T17:42:00.008+08:00

潮流興鬥 CHOK，於是 Botti 又話要 chok 一 chok 喎。

貓模預備中，培養情緒 ing。

CHOK 樣一個，CHOK 相一張，佢話要 CHOK 過林生喎。

轉瞬間變成肥肉/毛一團，頭尾難分。

又係時候要扮下野。

扮 cool

扮無奈

突圍成功

2011-04-11T16:35:00.003+08:00

蘿蔔短毛貓昨晚又一次突圍成功！

話說每晚我地入房瞓覺後，Botti 會不停跳高拍打 door knob 想開門 . . . 結果昨晚俾佢成功地 "打" 開門。Mike 同 Jheena 靜靜雞入咗房我地都唔知 . . . 直到 Jheena 細細聲喵我地，我地即時嚇醒。

好彩今次佢地同 Huey 的 encounter 天下太平，上次我地係半夜俾 Huey 被 Mike 狂咬的慘叫聲嚇醒。
話時話，Botti 真係好醒目，打開門之後佢無入房喎。

百密一疏

2011-04-06T13:58:00.001+08:00

無論蘿蔔佬點樣添置＂防干擾＂、＂穩定電壓＂、＂淨化電源＂等器材，佢點都估唔到仍然敵不過 Botti 仔仔行入 hi-fi 機後面一腳踩甩個插制，全組 hi-fi 即時斷電！！！

雖然蘿蔔佬已經好大聲鬧 : Botti, NO ! ! ! 可惜 Botti 對爸爸大聲吵鬧完全無動於衷，繼續我行我素，仲要來來回回行多幾轉！

Sleepless Night 無得睡眠

2011-03-30T11:23:00.003+08:00

昨晚蘿蔔佬忽然想俾短毛組入房瞓，OK， fine with me!

結果 . . .

上半場 - Botti 成個身壓住我右腳+ Mike 成個身壓住我左腳。

中場 - Mike 成個身壓住我心口 + Jheena 瞓係我枕頭 & 隻手不停係我面上又按又摸。

下半場 - 睡夢中聽到怪聲，突然扎醒，發現 Mike 竟然貼住我右邊身瞓同雙手攬住我兼發開口夢。

然後 . . .

鬧鐘夠鐘響!

蘿蔔海獅?

2011-03-23T13:56:00.007+08:00

Botti 全身的絨毛，加上肥嘟嘟的身形，我就覺得佢好似一隻海獅囉 ! 哈 . . 哈 . . 哈 . . .

Botti 最愛反肚瞓覺，而且一瞓就可以瞓好耐。今次佢仲好似特登擺出唔同的姿勢俾我影相喎，亞仔你真攪笑 !

Sunday Nap

2011-03-23T13:52:00.004+08:00

Day: Sunday
Time: Afternoon
Action: Nap

上星期日無出街，留係屋企一心陪下蘿蔔貓貓，點知佢地一個二個全部瞓晏覺 zzZZzz . . .

苦盡甘來

2011-03-14T15:48:00.005+08:00

所有蘿蔔貓貓中，只有 Mike 同 Botti 從開始就肯啋下蘿蔔佬，其餘的 Huey, Milk 同 Jheena 對爸爸一直敬而遠之。尤其是 Huey 同 Jheena，Huey 唔肯俾爸爸摸，唔肯食爸爸餵的小食 ; Jheena 老遠見到爸爸已經掉頭走，真係即刻 U turn 掉頭走o架。

蘿蔔佬心裏面一定好 hurt !

好彩苦盡甘來，六年後的 Huey 同三年後的 Jheena 越來越愛蘿蔔爸爸。

爸爸變咗人肉貓床 @_@

Mike 係度偷吻爸爸 ^3^

連 Jheena 都要上身喎 . . .

勁嗲

嗲完就瞓覺

爸爸不在家時

2011-03-14T15:31:00.007+08:00

星期五晚上，蘿蔔佬需要到樓下攞 d 野，係爸爸 absent 呢 15 分鐘，眾蘿蔔貓貓會做 d 乜呢 ?

Jheena . . . 瞓覺ing

Mike . . . 都係瞓覺ing

Milk . . . 食野ing

Huey . . . 俾爸爸的關門聲嘈醒咗，睡眼惺忪，長毛亂七八糟，好 "乞衣仔" 樣。

反之 Botti 由爸爸出門一刻鐘開始就守係門口等 . . .

等了又等，等完又再等，等到爸爸返歸為止。

難怪 Botti 仔仔係蘿蔔佬的心肝寶貝 !

蘿蔔長毛貓組

2011-03-09T17:04:00.006+08:00

為食貓代表 - Huey

我地預備晚時，Huey 已經在廚房門口靜靜等待。

當我預備甜品時，Huey 再次在廚房門口靜靜等待。

懶瞓貓代表 - Milk

無論我地預備緊早餐，午餐，晚餐，甜品，Milk 都懶得理會，一於瞓完又瞓，瞓醒再瞓。

守株待兔

2011-02-15T12:08:00.005+08:00

Botti 維持咗呢個姿勢已經 15 分鐘，究竟佢做乜呢 ?

原來佢 "目及" 住掛係上面的褸 . . . 只因 . . .

今年兔年，我咪諗住摷返多年前買落的兔毛大褸著下應下節，點知行過 Botti 身邊時俾佢聞到兔仔味，佢不停追住我，仲企高身想摸我件褸喎。於是我即刻除低掛起，Botti 仍然死心不息，決定 "守衫待兔"，唔通佢想等隻 "兔仔" 自己跌落o黎 !

賣懶賣到年三十晚

2011-02-09T16:07:00.005+08:00

年卅晚公司提早放半日，於是我返屋企預備一家兩口的年夜飯同埋我的 "第一糕" (第一次整年糕)。

在廚房裏面連續忙了四小時，忙得連 lunch 都 skip 咗。整個下午竟然沒有一隻蘿蔔貓貓過來問候我 EXCEPT jheena 妹妹 !

究竟其餘的蘿蔔貓貓去咗邊 ?

喵 . . . 喵 . . . 喵喵喵 . . . 我彷彿聽到蘿蔔貓貓四重唱 "賣懶，賣懶，賣到年三十晚" !

Dr Huey 貓醫生

2011-02-01T12:21:00.000+08:00

記得曾經看過幾份文章，都說貓貓的咕嚕咕嚕聲有舒緩病痛功效，當時看過了便算。怎料昨晚半夜，我突然胃抽筋痛醒，只有 10 度的寒冷天氣，房間沒有暖爐的設備，我全身出汗 (抽筋到標冷汗)。我開始細聲叫痛，胃痛兼想嘔，Huey 即時過來問候 (鼻碰鼻)，我辛苦得捲曲著身體，Huey 就在我身邊空出的位置躺下，剛好是我胃對出的位置。Huey 跟我一樣側身捲曲躺下，跟著開始發出咕嚕咕嚕。一分鐘之後，胃抽筋突然開始減少了；再過一分鐘之後，胃痛亦開始舒緩了；不需五分鐘，我竟然可以再度入睡。

不知道傳聞是否真的有可能，但今次我真的不需要服葯便可以挨到天光，真的很神奇！

鵲巢鳩佔

2011-01-03T16:30:00.005+08:00

2011 年 1 月 1 日 . . .

蘿蔔貓貓今年的新年願望是 "鵲巢鳩佔" !

蘿蔔佬話下次買梳化可能要考慮買 "五座位" @_@

Jheena 瞓醒後開始痴住我，就算我入咗廚房煮飯，佢都要係廚房門口反晒肚引我注意 ^0^

梳化上面仍然有兩條大肥蟲 - 基基兄弟組。

兩兄弟一痴埋就互 lam 互攬，勁冧對方。睇下 Botti 仔仔就算瞓醒晒，由於 Mike 哥哥未醒，佢地仍然要痴到實唔願分開 . . . . . 真係眼寃 hahaha . . .

懶瞓貓豬

2010-12-06T15:12:00.012+08:00

星期日無街去，成個蘿蔔家族都瞓晏覺 zzZZZzzzz . . .

huey 在佢的 panic room 入面 zzZZz

milk 公主睡姿一

milk 公主睡姿二

milk 公主睡姿三

mike 睡姿一

15 分鐘後，mike 的睡姿不變

botti 睡姿

botti "睡樣"

botti "囧樣" ???

jheena 睡姿一

15 分鐘後，jheena 睡姿無變

Fashion Icon

2010-12-06T15:08:00.002+08:00

今年秋冬季流行 fur 服飾，無論大褸，毛衣，手套，皮帶，手袋，皮鞋，統統 "無毛不歡"。

如是者，我家 huey 不難成為 fashion icon - 因為他全身上上下下都是毛毛喎。

Meow Meow Quintet On Diet

2010-11-17T10:46:00.002+08:00

蘿蔔貓貓自從半年前開始進食 Natural Balance Reduced Calories 減肥貓糧之後，好似幾 work 喎。

Huey - 減肥糧 + 少量運動 10.0 lbs 減至 9.6 lbs
Milk - 減肥糧 + 接近 0 運動 10.8 lbs 減至 10.6 lbs
Mike - 減肥糧 + 中量運動 14.0 lbs 減至 13.0 lbs
Botti - 減肥糧 + 大量運動 15.0 lbs 減至 14.4 lbs
Jheena - 減肥糧 + 超大量運動 9.8 lbs 減至 8.4 lbs

心已碎

2010-11-15T15:56:00.005+08:00

週末晚上，蘿蔔貓貓各自攤抖ing。

botti 仔仔好夢正濃 zzzZZZzzz . . .

被爸爸叫醒，睡眼惺忪 -_-

冷不提防 . . .
botti : 救命呀 ! ! ! ! !
爸爸 : 哈哈哈 ! ! ! ! !

botti : 我咁愛爸爸，點解爸爸咁對我 ?
事後 botti 感到心碎了，心痛到極點，想哭也哭不出來。

毛神神

2010-11-15T15:53:00.002+08:00

最近天氣轉涼，Huey 都長多了毛，毛神神又返o黎啦 !

究竟你去過邊度做過乜野?

2010-11-10T12:41:00.005+08:00

放工返屋企時發現屋企有隻污糟貓 - mike !

右耳背有一撻黑色的污積 :(

跟住見到右邊面全部黑色 :0

繼而發現右邊身成條黑印 @_@

究竟 mike 去過邊度做過乜野呢? 等我問下細佬妹先 . . .

botti (一副天真 look) : 噢 . . . 你問我呀 . . . 我唔知喎。

jheena (一副幸災樂禍 look) : 唓，禾典知喎，你又茅叫禾坑住亞哥。你見唔到禾巧忙咁掛字睇時裝雜誌咩 ? 禾要做一隻潮貓嘛 ^_^

蘿蔔貓貓五重唱

2010-11-08T15:38:00.001+08:00

milk / botti / mike / jheena / huey

萬一佢地真係同一時間咁樣大叫，肯定嘈到拆天 !

爸爸大整蠱

2010-11-02T14:06:00.005+08:00

話說每朝早我地都會貓貓自由行同放 huey 入籠，方便我清理糧兜同埋貓廁所。今朝蘿蔔佬抱 huey 出廳時 botti 係籠入面 (無關門) 瞓覺唔肯出來，蘿蔔佬諗住放 huey 入去然後趕 botti 出來。of course 咁大隻肥羊送埋口邊，botti 點肯出返來呀。

於是 botti 開始 lam huey，不停 lam huey，lam 佢耳仔，lam 佢面珠登，lam 佢膊頭，lam 佢手仔，huey 就不停咁 feeee . . . feeeeeeee . . . feeeeeeeeeeeeeeeee . . . . .

huey 越憎 botti 就越要 lam . . . 勁攪笑 . . . . . . .

之後 huey 開始接受咗呢個事實，唯有坐定定任 botti 魚肉。

botti 頑皮樣 vs huey 無奈樣

botti 得戚樣 vs huey 想喊樣

哈.. 哈哈... 哈囉喂...

2010-10-29T17:05:00.002+08:00

祝大家有個 Happy Halloween!

我是一隻流浪貓

2010-10-25T16:07:00.008+08:00

Botti 唱歌ing : 禾是一隻流浪喵 . . .

. . . 最愛瞓係紙箱面 . . .

. . . 瞓極都唔願意走 . . .

Botti 唱歌期間，Milk 悶到係鞋櫃頂瞓著咗。

Jheena 就悶到係地板玩 look 地。

時間係不知不覺間已經過咗半個鐘，Botti 仍然好 enjoy 咁瞓係張紙皮面。

貓貓飛氈

2010-10-18T16:24:00.005+08:00

上週末見到 Anna 的貓貓勁鍾意玩呢張 scratching carpet，於是即刻入手。

咪話我偏心，每次有新玩具入手，Huey BB 一定係首輪試玩對象。新玩具剪綵後，Milk 即時抓抓抓，反而 Huey 的興趣不大。

Milk 鍾意到直情成個瞓落去，話要霸晒成張氈喎。

Huey 只係抓咗幾次，然後好乖咁 "陪住" 張氈。

短毛貓試玩結果，Mike 聞了一陣就走開咗，Jheena 聞了一陣用手掂了一兩下，有些猶疑然後行開咗， Botti 好鍾意，耐唔耐就要抓抓抓，然後好似 Milk 咁成個身瞓落去，希望其他貓貓見唔到張氈，咁佢就可以獨霸飛氈。

悠然自得

2010-09-27T16:52:00.003+08:00

只要無蘿蔔短毛貓係身邊，huey 就會好開心，悠然自得，樂在其中。

唔該幫幫手

2010-09-27T16:49:00.006+08:00

得閒無野做，無貓俾我蝦，做乜好呢 ?

不如 lam 下毛 . . .

喵 . . . 媽咪 . . . come here !

唔該幫幫手，下巴好痕呀 ! R . . . R . . . R . . . 爽呀 !

小霸王 Botti

2010-09-27T16:36:00.006+08:00

Botti 係屋企的小霸王，所有o既野都要係佢o既，連唔關佢事都要係佢o既。

Botti 仔仔，呢個係煲墊，用o黎放媽咪心愛的靚煲煲o架。

Botti : 我知呀，不過妳未問過我喎，妳想用就問准我先啦 ! 或者用一罐濕糧o黎交換啦 !

古惑仔

2010-09-16T12:23:00.003+08:00

眾多蘿蔔貓貓之中，botti 係最最最聰明的貓貓，亦係最最最古惑的貓貓。

話說昨天晚上蘿蔔佬沖涼期間，botti 係客廳度 "喪跑"! 由窗台跳落地顫然後半跑半跳 "片彎" 入走廊，如是者來來回回數轉，結果整到張地顫就算有防滑地墊都俾佢喪跑到變成 "會移動的地顫"。當 botti 一聽廁所門有聲响，佢即時跑到我腳邊然後坐定定扮乖，蘿蔔佬出來時見到成張地顫變成 "一道拱橋"，佢即刻望住 botti 問 "邊個攪到張地顫咁 ?"

說時遲，那時快 . . . . . botti 即係望住我，然後望下左又望下右，好似話 "係囉，係邊個，係咪媽咪妳呀? "

@_@

貓貓愛你有多深??

2010-08-30T14:45:00.000+08:00

[轉載] 貓貓愛你有多深??

1級愛：貓咪用尾巴繞著你，用頭或身體碰你的腿，用耳背或臉蹭你。此種方法最為常見，這樣做是想在你身上留下熟悉的氣味，令牠覺得更舒服，也可能是把你當成牠的從屬。
2級愛：舔你，像舔其牠貓一樣，這表示信任和好感。這種方式一般人都能瞭解，但是多疑的人在被舔完後有時會冒出一些怪異的法，比如貓是不是嫌自己太髒，要替自己洗臉等。
3級愛：當人撫摸牠之後，牠會舔自己，不要以為貓咪為了愛護自己的髮型而梳理毛髮，其實牠這是在“品嘗”人的氣味。這種氣味是我們不能聞到而貓能察覺的。
4級愛：當貓臥在你的膝上，肯定是對你有好感，牠不會跳到不喜歡的人的膝上。
5級愛：牠帶給你“禮物”，如蟑螂。我家貓咪曾經在夜裡把魚缸裡所有的魚都叼了出來，然後一條條整齊地擺在茶几上，趴在旁邊看著小魚舔爪子。其實牠這麼做也是表示牠對你有好感，牠認為你是牠的媽媽。
6級愛：貓尾巴直豎是表示非常強烈的好感。你會發現，當貓接近牠不認識的人或貓時，尾巴是垂下的。
7級愛：翻滾身體表示“跟我玩吧”，貓不會與牠不喜歡的人玩的。
8級愛：把爪放在你的手臂上是“重申”牠對你很有好感。
9級愛：貓咕嚕咕嚕地叫有很多原因，如果牠在蹭你時這樣叫，表示牠真的很愛你。
10級愛：貓跳上主人身上肉緊地按摩。這表示你的體味令牠想起母親，故此便情不自禁的找奶吃。
------------------------------------------------------
究竟蘿蔔貓貓愛我有多深 ?

huey - 1 + 5 + 6 + 7 + 9
milk - 1 + 3 + 4 + 5 + 6 + 7 + 9
mike - 1 + 2 + 4 + 6 + 7 + 8 + 9 + 10
botti - 1 + 2 + 3 + 6 + 7 + 9
jheena - 1 + 4 + 6 + 7 + 8 + 9

Simon's Cat 西蒙的貓

2010-08-16T12:43:00.002+08:00

一本愛貓的人看了一定會即時大笑 (= 蘿蔔人) 或會心微笑 (= 蘿蔔佬) 的漫畫書。

基基男

2010-08-03T14:11:00.003+08:00

mike 同 botti 成日都要頭掂頭 or 頭瞓人地蘿柚 or 四隻手腳互攬，然後好滿足地 ZZzzzzz . . . . . 是旦邊隻中途醒咗就會勁 lam 另一隻，lam 一陣又繼續瞓過。

狂風暴雨的日子

2010-07-29T13:52:00.009+08:00

狂風暴雨之下，究竟蘿蔔貓貓驚唔驚呢 ? 長毛一族的 huey 同 milk 會驚到搵地方呢埋，例如梳化後面 or 窗簾後面。反而短毛一族的 mike，botti 同 jheena 好似無事發生咁，照玩照食照瞓，一切如常。

如果我地係屋企而又狂風暴雨呢 ? 所有蘿蔔貓貓都無有怕 !

huey 氣定神閒咁係窗台上面攤抖

最愛睇住 d 雨打落玻璃窗

huey 賞雨中

botti 一切如常，一見到我拎住相機，即刻 "醒神" 扮有型。

botti 無懼我近距離拍攝，雙眼仍然瞪得大大。

milk 公主繼續公主般地瞓覺

閒時打個呵欠 . . . (出爪呀 !)

呢期係輪到 mike 霸住個路軌玩具

成個身剛剛好 "坐得落"

HOT HOT HOT

2010-07-05T16:58:00.005+08:00

多得政府批准各大地產商不停建造屏風樓宇，香港變成了一個熱島，沒有涼風吹入小島，所有悶熱空氣根本無處可散。今個夏天，七月初已經連續數天超過三十三度高溫，香港已經開始熱死人了。

天氣 "超熱"，蘿蔔家族每一個成員都不想動了，只想攤下抖下。

蘿蔔貓貓就是這樣攤抖再攤抖，就過了每一天。

蘿蔔人同蘿蔔佬亦是這樣攤抖再攤抖，就過了寶貴的週末。

貓貓也 FIFA

2010-06-29T13:32:00.003+08:00

每晚電視狂播世界盃精華片段，連帶蘿蔔貓貓都好似中咗毒咁。

mike + jheena + ranne: 乜傢伙來o既呢 ?
(諗 . . . 諗 ing . . . 諗 ed . . .)
mike: 我知，上面有個波，一定同世界盃有關。
ranne: E, 唔通係蘿蔔媽咪買俾我地玩的 FIFA fever ? 不過點玩o架 ?
jheena: 你地一個二個行開 d 啦，我就知點玩呢。

jheena: 嗱 ! 咁咪係足球比賽入面，d 球迷成日想見到的 "入頭" 囉 !
ranne: 哎吔，亞妹，人地果 d 係叫 "入球"，唔係 "入頭" 呀 !
. . . @_@ . . .

夏日炎炎我要眠

2010-06-22T13:16:00.006+08:00

一向以斯文溫柔見稱的 huey，無論攤抖或瞓晏覺都一樣咁有貴氣 . . . 蘿蔔佬見到我咁讚 huey，佢一定又話我偏心。

俾 anna 契媽話係大肥豬的 mike，完全唔怕做豬腩肉王子，一於反肚瞓晏覺，將佢的豬腩公諸同好。

寄宿生去完新居探路兼探爸爸之後，攰到打擂打鼓都唔會醒，皆因o係新居俾兩位 "咸濕貓" 攪到發晒脾氣，仲要為咗避免受到侵犯，不停咁出拳保護自己。

玩完一輪紙波波的 botti，可能太攰所以瞓到無晒儀態，蘿蔔佬話佢肥到好似一隻航空母艦喎！

魔鏡魔鏡，邊個最靚

2010-06-15T13:02:00.005+08:00

Jheena 最新花名係 "垃圾妹"，皆因佢經常偷偷跟我入廁所，然後靜雞雞用自己個鼻頂起個垃圾筒蓋，之後 "hung" 個頭入去 "聞垃圾"!!!!! 為免垃圾妹變成乞衣妹，於是決定買個腳踏垃圾筒。

靚靚垃圾筒，咁大個人未試過買一個 $2xx 的垃圾筒放係廁所用。

垃圾妹 Jheena 八卦ing

Jheena 發現呢個垃圾筒無得用個鼻頂開喎，於是唯有照下鏡 . . . "魔鏡魔鏡，邊個最靚"。

Huey 變心了

2010-06-10T11:37:00.002+08:00

最近幾個月發現 huey 同 ranne 經常有影皆雙，huey 亦會替 ranne lam 毛 . . . . . so sweet。由於 ranne 就快要回歸娘家了，所以今個月初我已經開始棒打鴛鴦，朝早 huey 同 milk 一齊，ranne 就跟短毛一族。

ranne 跟短毛一齊當然無問題，ranne 仲會同 jheena 時不時就玩到 "飛貓" 咁激 ! 反而 huey 同 milk 就無以前咁恩愛了，每次 milk 想同 huey 好似以前咁玩追玩咬大脾，huey 竟然 feeeeeeeee milk 公主喎 ! so hurt ! 當然 milk 公主唔會就此罷休，你呢個負心的人，我更加要咬大啖 d 大力 d o添 . . . 嘿 !

嘆冷氣

2010-05-20T12:14:00.003+08:00

最近天氣悶熱，一早一晚係屋企都要開住冷氣機，我發現蘿蔔貓貓仲識得嘆冷氣過我地。

Huey 最愛企係冷氣機前面，抬起頭等 d 冷風直接吹住佢個頭。
Milk 最愛瞓係冷氣機對出柜頂的貓床。
Mike 最愛瞓係冷氣機對出貓樹的屋頂。
Botti 最愛以上 1 + 3。
Jheena 嘆冷氣的方法我覺得係最正最嘆 . . .

Ranne 寄宿生活的回顧

2010-05-19T16:50:00.011+08:00

Ranne 同 Mike 是名符其實的親生/孖生兄妹，佢地同父同母兼且同一胎。當佢地一歲半時就分開咗，因為 Mike 來咗我屋企而 Ranne 就留係陳宅。Ranne 自去年 12 月中來到蘿蔔家庭做寄宿生，不知不覺已經 5 個月，Ranne 同蘿蔔貓貓的相處完全無問題。

Ranne 同 Huey - 佢地簡直就好似一對小情侶咁，日日都糖似豆，少見一分鐘 Ranne 就會四圍揾 Huey，so sweet。

Ranne 同 Milk - 佢地兩個都話自己係最靚的貓囡，於是間中會進行 K.O. 比賽或妳追我逐。

Ranne 同 Botti - 佢地相處無乜火花，只會間中爭下食物搶下玩具玩下追逐戰。

Ranne 同 Jheena - 呢一對姐妹花認真 wulala ! 可能身型 size 差唔多，所以玩得最多最癲係佢地兩個。屋企成日見到有兩個影飛來飛去，原來係佢地係度極度狂奔妳追我逐，間中仲要玩埋伏擊，首先呢埋然後突然跳出來，誓言要嚇到對方爆膽。

Ranne 同 Mike - 點講點睇佢地真係雙生兒，連性格都一模一樣，勁鍾意痴住人，又成日要人摸，有時唔為意無摸佢地就出聲鬧人。

Ranne 下個月就要返娘家，結束係蘿蔔家庭的寄宿生活。希望 Ranne 返到自己屋企之後唔會忘記係蘿蔔家庭 5 個月來的點點滴滴，希望將來我地去陳宅探佢時 Ranne 仲記得蘿蔔老豆同蘿蔔媽咪。

iris 812 雙層貓籠

2010-05-07T12:27:00.008+08:00

Huey 的雙層獨立別墅 . . . . . 差不多霸佔咗半個窗台 !

huey 多數時間係下層攤抖 or 瞓覺，遇到敵人先會跳上上層避難。

ranne 經常陪伴住 huey . . . sweet sweet

對 huey 不離不棄 . . . 連我呢個蘿蔔媽媽都好感動呀 !

比較其他牌子的貓籠，我最欣賞就係呢塊層板，唔同其他牌子就咁三邊幾個鈎扣住就算，iris 係成塊層板原身 "bear" 出來的，可以承受 30kg 的重量，呢個就係我指定要買 iris 的原因。

成班短毛貓一入貓籠，即時跳上跳落，當正係 playground 咁玩。

ranne 係上層都要發出嗲功，不停咁 high 度門，佢話要由呢個門口出返來喎。

蘿霸選舉

2010-05-06T17:11:00.003+08:00

冠軍 . . . botti

亞軍 . . . milk

季軍 . . . mike

K.O.

2010-04-22T10:59:00.011+08:00

賽前先來個熱身

milk 公主熱身時都要順便賣下廣告

ranne 留意住對手的一舉一動

milk 都話要及實對手的動態

未比賽先來一個 "眼超超"

milk 分明唔鍾意俾貓 bear，於是決定先下手為強。

兩位小姐一齊出招，但求一擊即中，希望可以一拳就 knock out 對手。

淑女即是淑女，兩位小姐出咗一招之後就收手，呢個回合不分勝負。

天使魔鬼混合體

2010-04-19T14:58:00.004+08:00

[天使篇] 天真無邪扮可愛，伸脷係佢的強項，亦係遺傳自公公 hobo 的特別技能。

[魔鬼篇] 每次週末過後，呢個奀皮仔就一定會出盡百寶唔想我返工，其中一招就係壓住我對鞋，仲要用隻手穿埋入去。botti 仔仔，媽咪唔只一對鞋o架。

蘿蔔貓貓體重排行榜 2010-04-18

2010-04-19T14:52:00.002+08:00

個電子磅壞咗幾個月，終於買返個新的。結果發現蘿蔔貓貓就算食咗減肥糧，體重仍然不斷上升。

Huey - 10 lbs (需要增磅)
Milk - 10.8 lbs (嚴重超重)
Mike - 14 lbs (超重)
Botti - 15 lbs (嚴重超重)
Jheena - 9.8 lbs (輕微超重)
Ranne - 8.4 lbs (標重體重)

Mama I Love You !

2010-04-19T14:39:00.002+08:00

anna 話 ranne 只愛男生，不愛女生，ranne 唔會主動上 anna 身。每晚係我屋企 ranne 同 mike 一定要上我身，先來一輪 "四手按摩"，然後要我攬住佢地一齊睇電視。所以我話 "其實係要睇人o既" . . . 哈哈哈 . . . 。

和諧之家

2010-04-14T17:04:00.015+08:00

呢個就係蘿蔔家庭的每一天 . . . . .

milk 瞓到 "與世無爭"。

mike 最愛 i 住梳化的扶手去睇其他貓貓 "過馬路" (係走廊度橫衝直撞)。

mike 話好睇過電視節目喎。

mike 一旦發現我坐低係梳化，佢會即時以 0.09 秒極度過來 "上身" 然後 "錫錫" (佢要錫咀o架)。

botti 隨時都可以咁 "反瞓"。

botti 你係度扮可愛呀 ?

botti 即刻 up 頭話 "係呀，係呀"。

jheena 好鍾意用條路軌 long 住個頭瞓覺。

真係咁舒服 ?

俾 botti 霸咗路軌，唯有瞓貓樹頂。

寄宿生 ranne 好鍾意跟住我，我去到邊佢就跟到邊，仲成日會抬起頭望住我。

我一坐低係梳化，ranne 一定以 0.07 秒 (快過 mike) "搶灘登陸"，一於坐係我大脾度唔肯走開。

如果不幸俾 mike 快過佢，佢唯有跳上窗台陪住係貓籠入面的愛人 huey。

所以話呢，唔駛問特首，我已經知道蘿蔔家庭係和諧的。

心痛

2010-04-14T15:38:00.004+08:00

huey 係我最心愛的蘿蔔貓貓，因為佢溫柔斯文怕事，永遠唔會撩交打又唔會打交，就算俾人打都只會慘叫救命唔會還拖。

每日貓貓自由行時間，為免 huey 俾短毛貓圍毆，我會將佢放入 panic room (貓籠) 入面。

究竟係邊個曵貓隔住貓籠都抓到 huey 咁傷 ?!?!?!

經過呢兩日的觀察，最大可能係 jheena ! 因為我親眼見到佢伸手入去抓 huey !

邊個最無辜 ?

2010-04-08T14:45:00.003+08:00

1. botti 行過來搵我要我摸佢，點知越摸越肉緊，結果 botti 反肚用雙手 cool 住我隻手然後大啖咬，我隻手即時留下兩個彊屍牙 lone。

2. 被 botti 大啖咬的同時，我當然大叫咗一聲啦。於是 jheena 以 0.99 秒的速度衝過來，企係我前面，jheena bear 住 botti 話要保護媽媽。botti 唔妥 jheena 話佢係 "架両"，即刻出手打咗 jheena 一巴掌。

3. jheena 受到傷害之後好 hurt，與媽媽一齊撤退，剛巧 mike 行過，jheena 遷怒於佢話佢好多事仲乜行過來，即時出拳打咗 mike 一下發洩，mike 無 lar lar 俾妹妹打咗一下，成個呆咗 !